استفسار بخصوص الحمايه على واجهة السياره

وعليكم السلام ورحمة الله وبركاته

الحماية إذا ما كانت أصلية ومن شركة موثوقة وعليه ضمان عشر سنوات ولا ما أنصحك أبداً

الأنواع الرخيصة رح يعدم عليك البوية عند ما تفكه ورح يكون الضمان انتهى

الحماية العادية مشاكلها كثيره واحيانا حتى مع الوقت تلقاها طالعة من مكانها ولا أنصح فيها

وتعدم لك البوية وتاخذ لمعتها واذا خليتها فترة بتتقشر ويصير صعب إزالتها

حسب علمي أن الحماية الأصلية من شركات ثري إم او درايف سفن أو غيرها , مدتها 6 أشهر .. بعدها تجيهم يغيرونها لك مجانا عشان موضوع الحماية وما تروح البوية ولمعتها

عشان كذا نصيحة أخوك إبعد عنها

الا إذا تبغاها أبو 3 شهور او 5 شهور كحد أقصى مافي مشكلة ركبها

ما انصحك فيها 
١- تقشر البويه اذا ماهي بوية وكاله واذا طولت 
٢- اذا ركبها لك بيترك اماكن ماعليها حمايه مثلا الزوايه واذا جيت تشيلها يكون مكانها اوك والزوايا مرمله مثل ماصارلي 


الافضل وانا اخوك ب ٣٠٠ ريال ركب برقع تفصيل لك وللزمن بغيت تمسك خط تركبه رجعت شيله ، طبعا اذا ماتبي تتكلف بالشركات 

ما انصحك فيها مره مره للصقت ماتطلع بسهوله وغير كذا تعدم عليك البويه التجارية ماتسوى شي

تنشب وماتطلع بسهوله وتصفر مع الشمس الجاره

اذا انت راعي خطوط ، فصل طربال ب ٣٠٠ لكل ماسافرت ركبه 

ابرك لك

غالبية الأفلام الموجودة في الغرابي-الرياض وكيلو2-جدة
ويسمونها افلام ألمانية ،هذي أفلام غير مخصصة لحماية بوية السيارة والشمعات وتضراكثر من إنها تنفع
وهي افلام مخصصة لحماية الأثاث وغير مرنة كأنها قراطيس نايلون حسب ماافادني أخونا العضو > الفارس المميز

لاتركبها حتى لو ببلاش

مافي مثل افلام الحماية الأصلية paint protection film المخصصة لحماية الطلاء والشمعات
ويطلق عليها اختصاراً PPF خصوصاً لاكانت بسماكة عالية 8MIL وفيها مرونة عالية وشبه مطاطية

البرقع انتبه تركبه بيعدم لك البوية هذا الكلام عن تجربة مهما شديته انسى يضبط يقعد يرفرف ويخبط في البوية

إلا لو كان أصلي من ضمن اكسسوارات الشركة اقولك ممكن تاخذه
لكن تفصيل من محلات الزينة ماانصحك ابداً

تفصيل الشركة الأم دقيق مافيه زيه بالإضافة انه للكبوت قطعة لحالها والرفارف والصدام لحاله
عشان كذا مايتحرك مع الريح ككتلة وحدة ويكون اكثر ثبات

انا اتكلم حسب تجربتي لأنه شركة هوندا لها براقع أصلية الشركات الثانية ماادري عنها

الحل الثالث تشتري بخاخ من ساكو اسمه ROCK GUARD من شركة RUST-OLEUM
هذا البخاخ امريكي وممتاز حجمه حوالي 400 جرام وارخص من بخاخ رش وامش سعره حوالي 40 ريال

لكنه اكيد مايحمي مثل افلام الحماية والبرقع لكن وجوده افضل من عدمه