أضف سؤال أو موضوع جديد          

محتار بين سيارتين ..

up 4 down 7
.ابوظافر 2
قبل 9 شهر و 3 أسبوع



السلام عليكم .. ب النسبه لي انا محتار بين سيارتين .. باترول sa2/2015 8سلندر طبعا .. او جيب انفينتي QX70 /2015 6سلندر .. طبعا انا موظف ومعي مبلغ كويس .. لكن من ناحيه التحمل والصبر .. وصرفيه البنزين و الثقه ب السياره .. لاني راعي سفريات على خفيف .. تجاربكم وآرائكم يعطيكم العافيه ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الباترول سمعته افضل وقطعه متوفرة ولكن يعيبه صرف البنزين لا اكثر الانفنيتي حق مدينة قطعه غالية مرة خصوصا البودي وبعض الاليكترونيات


up 1 down 2
benz lover -81
قبل 9 شهر و 3 أسبوع



كم تقريبا اعبي بنزين ٩١ الباترول .. ٣٢٠ المكينه ؟!


up 2 down 2
.ابوظافر 2
قبل 9 شهر و 3 أسبوع



معي صني وبغيت اتحسف على اسعار قطع غياره بسبب الوكيل التعبان
اجل شلون لو باترول بمبلغ وقدره اخرتها ملسكها وكيل دلخ
نصيحه اذا المدينه الي انت فيها متوفر وكيل بترومين نيسان خذها
اما اذا بس العيسى نصيحه انححححححش
والله كنت استهيل ببترومين انهم مجرد بنشر ماسكين شركة نيسان
لكن طلعوا اطلق من العيسى بالف مره

العيسى رحت لهم اطلب زيت قير وفلتر يقولي ماعندنا
الا برميل كامل وسعره فوق الالف ريال والفلتر سيارتك مافيها يقول
طيب والحل يقولي الحل تغير الزيت بالصيانه عندنا
قلت طيب انتوا وكاله وملزومين توفرونه اجل وش فايدتكم
اخر شيء يقولي من الشركه الام ماتوفر باللتر توفر براميل فقط
والمضحك الموظف الي جنبه عطاني سعر اللتر بس غير متوفر عندهم ولا يجيبونه
وذا يقولي الشركه ماتوفره اجل كيف طلع السعر بالسستم تهاوشت معاهم وطلعت
فلتر زيت يبيعه علي30ريال غير الضريبه وهو حجمه بيالة شاهي لابارك الله فيهم
توجهت لبترومين فرع الصيانه وقطع الغيار(بترومين البناشر مايبيعون الفلتر لاني رحت لهم)
المهم نفس الشيء السعر30كاسرته الين ماحسبه22ريال وزياده عليه3ريال قيمة ورده تركب على الفلتر عشان التهريب
يعني25ريال اخذت 2ثنين وطلعت تكفيني سنه على الاقل وافتك منهم
وسألتهم عن زيت القير قال متوفر200ريال4لتر والغبي العيسى الشركه الام ماتوفره يقول
طيب القير له فلتر قال اي بس لاتغيره الا بعد ماتمشي200الاف لانه يتحمل

الخلاصه عندك وكيل بترومين خذ باترول ماعندك لاتجازف شف اي وكيل لو تايوتا
صح قطعهم غاليه مثل النيسان لكن محلات قطع الغيار مثل النمل واغلبهم موزعين لعبداللطيف جميل
عكس النيسان لي3سنوات الى الان ماعرف محل موزع معتمد اغلبهم يحط شعار نيسان لكن ماهم موزعين

ونسيت اقولك فلتر الفورد14ريال وكاله وحجمه كبير
لو حجمه مثل حق النيسان كان باعوه ب5 ريال


up 5 down 2
d7ooom777 426
قبل 9 شهر و 3 أسبوع



طبعا كلامي من القهر الي صارلي
كنت مخدوع فيها احسب قطعها رخص تراب
اخرتها الفورد ارخص منها!!
طبعا ماانكر شركة نيسان تحمل وقويه ووو
لكن اسعار القطع فلكيه والوكيل تعبان ويجيب الهم
وفروعهم قليله ولا تخدمك دائما يقولك الموظف
توجه للفرع الرئيسي الي على خريص
مااقول الا الله يعز الفورد صح سياراتهم خياس ومااحبها
لكن والله وكالتهم الجزيره تحطها على يمناك
فرع كويك لين يوفرلك القطع الاساسيه الي تبيها
ويطلها لك من جده بعد اذا تبي او يشوف بالسستم الفروع الي فيها القطعه
الي تبيها وكم حبه متوفره
مو العيسى كلمتهم توجه للفرع الرئيسي وانت وحظك ياتحصل طلبك ياماتحصله!!


up 2 down 2
d7ooom777 426
قبل 9 شهر و 3 أسبوع



دحوم .. عندك فروع ( ون ستوب ) تخصص نيسان مثل بترومين .. ويشتغلون سيارات ثانيه .. وفروعهم منتشره ب الرياض .. توي سويت زيت القير حق الالتيما عندهم .. ب النسبه لفلتر القير حق الالتيما .. مايتغير لانه حديد .. يتنضف ويرجعه مكانه .. الصناعيه القديمه فيها قطع غيار تقريبا اصلي .. اضن على شارع اسمه الجمعيه .. بالاول والاخير انا مستخدم نيسان اكثر من سياره وفي الرياض كل شي متوفر ..


up 1 down 1
.ابوظافر 2
قبل 9 شهر و 3 أسبوع



اي صح نسيت ون ستوب متعامل معاهم ٣سنوات تغير زيت وفلتر
لو بتفصل فاتورتهم بتلاحظ انها غاليه لكن ارخص من غيرهم
زيت١٠w30 سعره١٧ او١٨ناسي كم
زيت٥w30 سعره٤٥ريال
فلتر زيت ٣٠ريال نفس الوكيل مافي فرق
اما الوكيل البنشري اخذته٢٥شامل الورده او الووشر
بالنسبه لمحلات قطع الغيار متوفره بالصناعبة القديمه
شيء طبيعي
لكن الصناعيه القديمه اخر الدنيا بعيده مره عني ومكانها زحمه
بذي الحاله لازم اتوجه لاقرب صناعيه عندي ولا في محل معتمد
من الوكيل كلهم عاديين ولاهم مشهورين يمكن في وانا ماعرف مدري
لكن اسوأ صناعيه تحصل محل لقطع غيار تايوتا وهونداي الي هو منيف النهدي
والتقوى والرميزان موزع لفورد
اما نيسان محلات عاديه بأسماء افراد
واذا تعرف محلات موزعين معتمدين
ياليت تقولي عشان ابحث عنهم بالصناعيه الي جنبي

المهم دامك بالرياض خذ الباترول وامورك طيبه
عندك وكيلين وفوقها عندك خبره بقطع الغيار دام عندك نيسان
كتبت ردي عشان ماتنصدم اذا شريت نيسان
وتكون سيارتك الي قبل من شركه ثانيه
لكن التيما يعني مختم النيسان وعارف محلاتهم ههههه
لكن لو جديد بالنيسان بتعاني بالبدايه <<<<مثلي




up 1 down 0
d7ooom777 426
قبل 9 شهر و 3 أسبوع



هههههههههههههههههههه نفس المعاناه ف البدايه لكن الحين وضعي كويس مع النيسان .. الصناعيه القديمه بعيده عني لكن مااروح الانادر .. مااحتاج اصلح شي جامد .. واذا بروح دايم اروح السبت الصباح او الظهر الطريق فاضي ولا فيه زحمه .. الله يتمم بخير .. ب النسبه ل الصرفيه حق الباترول ؟! تعرف عنها شي !!


up 0 down 2
.ابوظافر 2
قبل 9 شهر و 3 أسبوع



المهم توني انتبه انك محتار بين الباترول والانفلتي
مايبيلها وانا اخوك باترول وانت مغمض ولا حتى تفكر
واذا على اسعار قطع الغيار صح غاليه لكن الباترول يستاهل
وممكن الباترول تكون معقوله جرب سعر وشف
انا كلامي فوق فقط على الوكيل واسعارهم فقط لا غير
المهم فكر بالبنزين بالوقت الحالي قبل لاتفكر بالوكيل
اذا الالتيما بتحتفظ فيها خذ الباترول اذا بتبيعها
وتخلي الباترول فقط اشوفها غلطت عمرك
لان اغلب ملاك الباترول يشتكون من صرفيته



up 0 down 4
d7ooom777 426
قبل 9 شهر و 3 أسبوع



دحوووم سرد مافي جعبتي
وعطاك الزبده لانزيد عليه شيا
... احد الشباب بيطلع موتر لانه تخوبر بجكسار ٢٠١٠ من ثاني يوم ودخنته بيضاء
المهم باعه بخساره شنيعه بعد اسبوعين
نصحته بالهلكس قال للورعان وووو
قال ابي دددسن
افدته انها تغيرت اول يباني الان مكسيكي
قال الددددسن والددددسن تصبر لان كانت معه ددددسن قديمه فوف١٠ سنوات
طبعا صمل وطلع ٢٠١٥ وكاله
اللن وصلت ٨٠ الف
محافظ عليها
وفيها صوت قوي بالقير
ذهب لبترومين مدري ايش وجلدوه بتغيررر زيت قير
لاكن مافيه فايده واخبروه بالذهاب للوكاله
والوكاله مقفله واقرب فرع له للزم يسافر ٤٠٠ كيلو
حلها الان
هذا غير حصلنا سولد او حرق على المكينه كان الحديد ذايب
غير الحنه والقلق
لو يبيعها ماتجيب ٢٥
وهو شاريها ب٦٢
الان وكاله ب٤٥
ولك هديه رمزيه
كم الفرق ٤٠ الف خلال سنتين




up 2 down 0
امير الاصيل 1678
قبل 9 شهر و 3 أسبوع



السيارات بعض الاحيان تحسها حظوظ.. وبالاخير يمكن المشكله ماتحتاج تغيير قير .. والله يعوضه .. ب النسبه ل قطع الغيار مايهمني كثير لانه بيكون حق سفر وكذا .. ب النسبه ل البنزين .. انا بخلي الالتيما معي ب ٩٠ تمشيك ٨٠٠ كيلو تقريبا .. اخر شي ترى اللايكات ماتضر .. لان وضعي صعب شوي ب النقاط .. وين اهل النيسان يفزعون ب اللايكات


up 3 down 2
.ابوظافر 2
قبل 9 شهر و 3 أسبوع



تبي نصيحتي الباترول يشرب بنزين الا اذا معك سيارة ثانية تخدمه او شوفلك يوكن او تاهو صرفيته جدا ممتازة بفضل نظام توفير الوقود وفي السفر مريح


up 4 down 0
ابوخلوودي1 5038
قبل 9 شهر و 3 أسبوع



الباترول اذا يهمك صرف البنزين يبلع بلع


up 1 down 1
دكتوراه في الحب 160
قبل 9 شهر و 3 أسبوع



نفس الحركه الوصخه في هوندا
اقصد ان الزيت اذا تبغاه اشتري برميل كااامل ههههههه
الله يخسهم وكلاء الفقر


up 2 down 0
melody 36
قبل 9 شهر و 3 أسبوع



اوك ما نقول افضل وكيل .. لكن فيه اكثر من محل يبيع لك نفس الزيت منت مجبور ع الوكاله .. تعليقاتكم مهمه ب النسبه لي .. ماقصرتوا جميعا


up 0 down 0
.ابوظافر 2
قبل 9 شهر و 3 أسبوع