أضف سؤال أو موضوع جديد          

وكيل نيسان البحرين - المؤيد نصب أم حقيقة؟

up 4 down 0
بدر الباثفايندري 937
قبل 5 شهر و 2 أسبوع



السلام عليكم

كيف الحال اخواني؟ اليوم بتكلم لكم عن  تجربتي مع المؤيد و كيل نيسان وانفنيتي في البحرين, وهي رحت أسوي صيانة

للباث حقي ممشى 120,000 كيلو  وكان على أساس  بس تشييك يعني بدون حتى زيت و فلتر لأني مسويهم قبل بيوم

عند ون ستوب في الظهران.  المهم دخلت السيارة للوكالة و قعدت عندهم باتت ليلة بس و امس عقب العصر طلعتها بعد

بعد ما طلعولي فيها بلاوي لا تعد و لاتحصى  وتكاليف تصليحها كلها توصل 12,000 ريال  مثلا المساعدات مغيرهم

لنوع Kyb والنوع هذا معروف عند الناس كثير يمدحونه  وانا ما شكيت منه والله امس طلعولي فيه انه لازم يتغير مع انه 

المساعدات غاز مو زيت نفس مساعدات البلد.  الشغلة الثانية المكيف طلعولي فيه بلا يقول لك الكمبريسر ما يطلع هوا

أقوله كيف السيارة ما شاء الله تبريدها ثلاجة و الآن الأجواء حلوة مو دايم اشغله .

الشغلة الثالثة و الأهم القير هم طلع يهرب , شوفوا انا قبل ما اوديها فحص العامل حق ون ستوب و قاللي الزيت جيد

لا نقص ولا شي ما شاء الله.  كلمت الوالد قاللي صاحي انت تدفع ذَا المبلغ و قاللي انت لو تبيع السيارة تجيبلك حوله

وفعلا قلت للمهندس قلت له خذ السيارة و عطني 12,000 ريال  قام يضحك.  

من ناحية التهريبات السيارة فيها الزيوت و صورناها من تحت و الصور واضحة بس مو متأكدين من وين بالظبط اخاف 

اغسل بستم لأني دايم اسمع انه يبهدل السيارات عشان كذا ما ودي اجربه والله لو ببلاش.  

خلاصة الموضوع , انا هربت من وكلاتنا عشانهم نصابين و عيال كلب لكن في البحرين يتنصب علينا هذا ممكن 

احتمال في النهاية السالفة تطلع تافهة و يمكن في النهاية ما تكلفني 100 ريال على بعض عشان كذا لما ارجع الخبر

ان شاء الله بدخل الصناعية او اي بنشري يشوفلي هالأمور و السيارة عليها فحص دوري أصلا بشوف وش بيقولون. 

الله يعطيكم الف عافية شباب حبيت بس انقلكم تجربتي و الحمد لله تعلمت منها انك لا تسمع من اول واحد حتى لو وكالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كيف الاسعار عندهم موديلات 2017


up 0 down 0
abo3edh 312
قبل 5 شهر و 2 أسبوع



عندهم عروض  على الكيكس و الصني 

الكيكس الفل ب 70,000 ريال وشوي و الصني شفت لها عرض بس  ما اتذكر ايش السعر 


up 0 down 0
بدر الباثفايندري 937
قبل 5 شهر و 2 أسبوع



الوكالات اي شي تغيير علي طول ما عندهم تصليح يعني المكيف يقيسون دفعه ل الهواء وحرارته اذا لقو فيها تغيير قالو غير الكمبريسور
شغل الوكالات معروف غير علي طول ما عندهم تصليح او حل الا التغيير


up 0 down 0
الشرقية ماركت 82
قبل 5 شهر و 2 أسبوع