أضف سؤال أو موضوع جديد          

العيسى وكيل نيسان في طي النسيان

up 12 down 4
ابو امجد حكمي 143
قبل 2 سنه و 11 شهر



بسم الله الرحمن الرحيم

الحمد لله أولا وأخيرا

الخيرة فيما اختاره الله

حجزت سيارة من نيسان اكستريل دبل ٧ ركاب بمواصفات ولون معين وكانت موجودة في الرياض

والسيارة حجزها الموظف برقم الهيكل
جاء موظف ثاني في فرع خريص بالرياض واعطاها لعميل ثاني بحجة أنه يبيها كاش

وانا تأجير


وصارت مشاكل بين الموظف اللي حجزها لي والموظف اللي في خريص


وقال لي نعطيك لون ثاني ولكن ٥ ركاب ودبل طبعا

ومن عندي لك كوبونات تظليل وحماية واجهة مجانية من 3M

وافقت في البداية

هالكلام يوم الخميس

لكن بصراحة انغبنت من الحركة

يعني ٣ أشهر انتظر واخرتها لا ٧ ركاب ولا اللون اللي ابيه

المهم


صرفت النظر عنها ولعلها خيرة


إذا كان سيارة بكبرها اتعبتني فما بالكم مستقبلا لو احتجت قطعة وش بيسوون؟؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الخيرة فيما اختاره الله


up 5 down 0
ابو حسين.......... 1024
قبل 2 سنه و 11 شهر



لعل فيها خيره +1 لايك للجميع


up 2 down 0
هاتف1 118
قبل 2 سنه و 11 شهر



نيسان ددسن صني باترول
غيره لاتفكر
واذا غلبت الروم التيما


up 4 down 1
d7ooom777 387
قبل 2 سنه و 11 شهر



خيرة يا رجال

نيسان لم يوفقوا في وكيل جيد

العيسى وقبله الحمراني ضيعوا ما تبقى من سمعة النيسان


up 1 down 0
مفقود 956
قبل 2 سنه و 11 شهر



حلوه ذي يعطون اللي كاش والتاجير يسحبون فيه

لا والمشكله ثلاث اشهر وانت ساكت على موالهم

غبنه وقهر لو بدالك قدمت شكوى لمدير العيسى


up 2 down 0
aboahmed2014 1149
قبل 2 سنه و 11 شهر



الاكستريل كان متوفر بكثره ٢٠١٦ و ٢٠١٧
بالوكالة و المعارض وارد الخليجي و الوكالة
٢٠١٨ تغير شكله محد جابه و الوكالة حجز و يجي بعد تأخير
غريب نظامهم مثل نظام مازدا



up 3 down 0
مثقف سيارات 1089
قبل 2 سنه و 11 شهر



اي والله غبنة الله يعينك اخوي

إذا مو مستعجل مرة خذ فرة على كل الوكالات، في تشكيلة كويسة من السيارات

و نصيحة لا تشتري الا اللي نفسك فيها 

موفق


up 2 down 0
m nd m 492
قبل 2 سنه و 11 شهر



ابو حسين

والنعم بالله


up 1 down 0
ابو امجد حكمي 143
قبل 2 سنه و 11 شهر



هاتف1


لعله ذاك

شكرا لك


up 0 down 0
ابو امجد حكمي 143
قبل 2 سنه و 11 شهر



d7ooom777

صدقت




up 0 down 0
ابو امجد حكمي 143
قبل 2 سنه و 11 شهر



مفقود

فرحت بوجود وكيل لنيسان

بترومين
للحين ما وفر2018
العيسى للأسف إذا هذا أوله ينعاف تاليه


up 0 down 0
ابو امجد حكمي 143
قبل 2 سنه و 11 شهر



aboahmed2014


ياشيخ الباب اللي يجي منه ريح

سده واستريح


up 0 down 0
ابو امجد حكمي 143
قبل 2 سنه و 11 شهر



يا ليتك يالجبر بقيت على نيسان ولا رحت لكيا 


up 4 down 0
بدر الباثفايندري 1115
قبل 2 سنه و 11 شهر



بعدين لو طالما عليها حجز المفروض موظف خريص ينطق و يسكت 

المفروض يُبين له السستم انها محجوزة قبل ايش هالفوضى هذي انا لو منك اهد العيسى فوق راسهم


up 2 down 0
بدر الباثفايندري 1115
قبل 2 سنه و 11 شهر



نصيحه خد اللي نفسك فيها


up 2 down 0
bindakheel 1205
قبل 2 سنه و 11 شهر



ارفع شكوى لنيسان الشرق الاوسط و شوف وش ردهم امكن تلاقي عرض او شي يناسبك


up 1 down 0
المستشار توتو 25
قبل 2 سنه و 11 شهر



ربي كاتب لك اخير منها نيسان لم توفق لوكلاء صاحين بس غير الددسن والباترول و فتك لاتاخذ من نيسان بيتعبك


up 2 down 0
بريق الرياض 259
قبل 2 سنه و 11 شهر



لعلها خيره
لكن مانحط اللوم على السياره وقطعها
كثير مشاكل تصير بالوكالات ابو جميل ومازدا
وفورد .. هل يعني انو الكامري سييئه ومالها قطع غيار؟؟
لا
طبعا انا معك نيسان ومازدا انظلموا بوكيل للاسف
وبالنسبه للسياره اكستريل ناوي اخذ 2018
السياره جده ممتازه وقريبت عنها واعلى مبيعات وجوده
وسعرها ممتاز


up 2 down 0
سلطان الطائف 325
قبل 2 سنه و 11 شهر



أي ملاحظة على اي وكيل لبيع السيارات عليك برفع تقرير عن الملاحظة أو رفع شكوى وارسلها للمدير الإقليمي


وصورة منها لمدير المبيعات في الشركة الأم باليابان أدخل مواقع الشركة الأم لتعرف إيميلات الشكاوى في بلد المنشأ والقطاع الإقليمي ... لا تقم برفع شكوى للمدير المحلي ... من تجربة سابقة مع العيسى رفعت شكوى بهذه الطريقة وجاء الرد من نيسان الشرق الأوسط جبل علي هاتفياً وتم حل الموضوع في أسبوع وحصلت على ما أريد وزيادة


up 1 down 0
al3tiby 4
قبل 2 سنه و 11 شهر