أحد جرب التيما 2017 ستاندر ٤ سلندر؟

بخصوص السعر طبيعي السوق يحكمهم وسعرها طيب متوسط بين منافساتها زي الاوبتما اسعارها بالحدود ذي 2400سي سي والمازدا 6 بالوكاله 67 و الكامري gl في بحر ال60 
والامان فيها ارباقين وabs وحساس كفرات ارباقين مو ذاك الشي (المازدا افضل في الامان ارباقاتها اكثر)
العزل افضل بكثيييير من غيرها مثل المازدا والكامري والسوناتا العزل اشوفه افضل في الالتيما وشفت مقطع لها تطفو لان المويه ما تدخل السيارة

وعلى العمليه ما اقدر افتيك السيارة جديده ولكن مع قريب لي 2013 ماشيه الان حدود 150 الف سته سلندر ويعتمد ذا كله على استعمالك واهتمامك بالسيارة وسوائلها وصيانتها 

ماصدقت بعزل السوناتا الجديده واتحداك اذا ركبتها وشفت عزلها ماتكلمت ياعبدالله

يا تاج راسي ما قلت انا ان عزل السوناتا سيء بالعكس جبار لكن من وجهة نظري اشوف الالتيما  فيها افضليه بسيطه جدا(اتكلم على نفس الموديل 2017) شكلية 2018 فيس لفت خارجي وتغيير شاشة ودركسون ما اتوقع حصل تغيير جذري بالاشياء الاساسيه الا اذا فيه تغيير هذا كلام ثاني

بالنسبه لعزل السوناتا بما اني املك السياره
اسوا عزل في فئتها

وش جاب النيسان للهونداي الله يرحم الحال
لا عزل و لا تكييف و من ٢٠١٦ نزلت بفرامل ABS بالاستاندر

بالنسبة موتر كفو الالتيما و المازدا 6 و الاكورد
يعاب على الاكورد غلاء السعر و بنفس قير الالتيما CVT
عيبه وقت الخراب يتبدل بالكامل و ان كان تحسن من ٢٠١٣
المازدا عملية اكثر انه قيرها تبترونك يخرب ممكن يتصلح

استهلاك البنزين بالالتيما ١٧.٧ تعبي ب٨٥ تمشيك ٨٠٠ كيلو
وش تبي غير كذا

وعليكم السلام
من تجربه للموديل 2016 سياره عمليه واقتصاديه في البنزيم
اذا جربت الافلون فهي في الخط زي الافلون ثقيله وراسبه نقطه فيها مميزه
صوت المكينه وانت ماشي ماتسمعلها حس العزل انا اعطيه 8 من 10 مافيه
سوت تنسيم زي الكامري وهاذا مو استنقاص في الكامري بس العزل رايي فيه
مريحه وسعرها طايح لان شركه نيسان تبي ترجع للسوق لازم يرخصون في سياراتهم
عندك فيها مميزات كويسه مثل تشغيل عن بعد القير سي في تي
مريحه في الخط مقاعدها مريحه فيها حساس وانت بكرامه للكفرات احسن ميزه الصراحه
لا بنشرت ماتدري عنها من الرساوه ماشاء الله الي فيها

وقطع الاستهلاكيه رخيصه وصيانتها سهله زي الكامري انت تقدر تسويها في البيت كل شي واضح

كمية تحزب في الموضوع!
واحد مدح عزل السوناتا بلع 10 دسلايك عشانه ماوفق هواهم
واحد ذم عزل السوناتا جاه 10 لايك عشانه وافق هواهم

والله انها ف الراس هالسياره لكن سمعت انها بسرعه تتهربد احد يصحح لي هالمعلومة؟

الحقيقه لي تجربه لموديل 2010 وكانت قير عادي

لترددي بموضوع السي في تي وصيانته الغير متوفرة

والحقيقه السياره تجمل وماعليها الهربده لابد منها 

بالعضلات وتعتبر الكامري والاكورد افضل تحمل بالعضلات

لكن انا اعتبر السياره عمليه الحين دخلت 200 الف كيلو 

ومحركاتها الاساسيه بدون مشاكل تذكر .

اللهم على ال 160 الف غيرت مساعدات وجلد مقصات ومسامير توازن

وصرفيه البنزين اعتبرها ممتازه والراحه بالسفر اعتبرها

افضل من الاكورد لتجربتي لها سنين طويله.

بالاخير اشوف الزين مايكمل استعملت اكورد عشر سنين

وكانت سياره عضلاتها جامده.. لكن غيرت دينمو قفل ابواب اماميه

دينمو قزاز سواق...السلف تعطل مرتين...البوري غيرته

مروحة رديتر تعطلت... طرمبة دركسون سويت اصلاح

مرتين...دودة دركسون اصلاح مرتين.. حساس مروحة مكيف تعطل

فحمات الفرامل تستهلك بسرعه...كل الامور هذي ماواجهتها بالالتيما

للان لكن بالمقابل صينت عضلاتها اكثر من مره

وبالاخير اقول اهم شي الاستخاره والتوكل بالامور واشتري الشي الي ترغبه

من لديه التيما2017 يوجد صوت طقطقة في الدركسون عند تحريك الطارة يمين وشمال أثناء توقف السيارة
فهل هذا طبيعي ؟
رأي الورش هذا غير طبيعي لا يوجد سيارة وكالة من أي شركة فيها هذا الصوت... أما الوكالة رافضة الفكرة تماماً
قد يكون عيب مصنعي ؟؟؟!!!!!!

انا سيارتي نفس الشي ورحت الوكالة قالو طبيعي وقالي الفني تعال واخذني وشفت اكثر من التيما نفس المشكلة بس انا عندي مشكلة في اصوات الديكور وبكرة ان شاء الله اروح الوكالة واشوف وش سالفتها