أضف سؤال أو موضوع جديد          

أحد جرب التيما 2017 ستاندر ٤ سلندر؟

up 3 down 1
abdul213 17
قبل 8 شهر و أسبوع



السلام عليكم.
المعارض صارت تبيع الالتيما ستاندر وارد العيسى ب ٥٩-٦١ ألف ريال !
أحد يعرف ليش خفس سعرها؟
أحد جربها ولا يعرف عنها شي. عملية؟ بتكرف معي ٢٠٠ ألف كيلو؟

الأمان والعزل فيها وش وضعه.

شكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بخصوص السعر طبيعي السوق يحكمهم وسعرها طيب متوسط بين منافساتها زي الاوبتما اسعارها بالحدود ذي 2400سي سي والمازدا 6 بالوكاله 67 و الكامري gl في بحر ال60 
والامان فيها ارباقين وabs وحساس كفرات ارباقين مو ذاك الشي (المازدا افضل في الامان ارباقاتها اكثر)
العزل افضل بكثيييير من غيرها مثل المازدا والكامري والسوناتا العزل اشوفه افضل في الالتيما وشفت مقطع لها تطفو لان المويه ما تدخل السيارة

وعلى العمليه ما اقدر افتيك السيارة جديده ولكن مع قريب لي 2013 ماشيه الان حدود 150 الف سته سلندر ويعتمد ذا كله على استعمالك واهتمامك بالسيارة وسوائلها وصيانتها 


up 3 down 2
abdullah_rea 212
قبل 8 شهر و أسبوع



ماصدقت بعزل السوناتا الجديده واتحداك اذا ركبتها وشفت عزلها ماتكلمت ياعبدالله


up 2 down 15
7amood1930 290
قبل 8 شهر و أسبوع



يا تاج راسي ما قلت انا ان عزل السوناتا سيء بالعكس جبار لكن من وجهة نظري اشوف الالتيما  فيها افضليه بسيطه جدا(اتكلم على نفس الموديل 2017) شكلية 2018 فيس لفت خارجي وتغيير شاشة ودركسون ما اتوقع حصل تغيير جذري بالاشياء الاساسيه الا اذا فيه تغيير هذا كلام ثاني


up 6 down 2
abdullah_rea 212
قبل 8 شهر و أسبوع



بالنسبه لعزل السوناتا بما اني املك السياره
اسوا عزل في فئتها


up 17 down 6
اهاا 683
قبل 8 شهر و أسبوع



وش جاب النيسان للهونداي الله يرحم الحال
لا عزل و لا تكييف و من ٢٠١٦ نزلت بفرامل ABS بالاستاندر

بالنسبة موتر كفو الالتيما و المازدا 6 و الاكورد
يعاب على الاكورد غلاء السعر و بنفس قير الالتيما CVT
عيبه وقت الخراب يتبدل بالكامل و ان كان تحسن من ٢٠١٣
المازدا عملية اكثر انه قيرها تبترونك يخرب ممكن يتصلح

استهلاك البنزين بالالتيما ١٧.٧ تعبي ب٨٥ تمشيك ٨٠٠ كيلو
وش تبي غير كذا


up 3 down 4
1405-1985 1374
قبل 8 شهر و أسبوع



وعليكم السلام
من تجربه للموديل 2016 سياره عمليه واقتصاديه في البنزيم
اذا جربت الافلون فهي في الخط زي الافلون ثقيله وراسبه نقطه فيها مميزه
صوت المكينه وانت ماشي ماتسمعلها حس العزل انا اعطيه 8 من 10 مافيه
سوت تنسيم زي الكامري وهاذا مو استنقاص في الكامري بس العزل رايي فيه
مريحه وسعرها طايح لان شركه نيسان تبي ترجع للسوق لازم يرخصون في سياراتهم
عندك فيها مميزات كويسه مثل تشغيل عن بعد القير سي في تي
مريحه في الخط مقاعدها مريحه فيها حساس وانت بكرامه للكفرات احسن ميزه الصراحه
لا بنشرت ماتدري عنها من الرساوه ماشاء الله الي فيها


up 4 down 2
الكبييير 5
قبل 8 شهر و أسبوع



وقطع الاستهلاكيه رخيصه وصيانتها سهله زي الكامري انت تقدر تسويها في البيت كل شي واضح


up 2 down 2
الكبييير 5
قبل 8 شهر و أسبوع



كمية تحزب في الموضوع!
واحد مدح عزل السوناتا بلع 10 دسلايك عشانه ماوفق هواهم
واحد ذم عزل السوناتا جاه 10 لايك عشانه وافق هواهم


up 3 down 6
amjd22558 430
قبل 8 شهر و أسبوع



والله انها ف الراس هالسياره لكن سمعت انها بسرعه تتهربد احد يصحح لي هالمعلومة؟


up 0 down 0
محمد الوايلي 711 157
قبل 8 شهر و أسبوع



الحقيقه لي تجربه لموديل 2010 وكانت قير عادي

لترددي بموضوع السي في تي وصيانته الغير متوفرة

والحقيقه السياره تجمل وماعليها الهربده لابد منها 

بالعضلات وتعتبر الكامري والاكورد افضل تحمل بالعضلات

لكن انا اعتبر السياره عمليه الحين دخلت 200 الف كيلو 

ومحركاتها الاساسيه بدون مشاكل تذكر .

اللهم على ال 160 الف غيرت مساعدات وجلد مقصات ومسامير توازن

وصرفيه البنزين اعتبرها ممتازه والراحه بالسفر اعتبرها

افضل من الاكورد لتجربتي لها سنين طويله.

بالاخير اشوف الزين مايكمل استعملت اكورد عشر سنين

وكانت سياره عضلاتها جامده.. لكن غيرت دينمو قفل ابواب اماميه

دينمو قزاز سواق...السلف تعطل مرتين...البوري غيرته

مروحة رديتر تعطلت... طرمبة دركسون سويت اصلاح

مرتين...دودة دركسون اصلاح مرتين.. حساس مروحة مكيف تعطل

فحمات الفرامل تستهلك بسرعه...كل الامور هذي ماواجهتها بالالتيما

للان لكن بالمقابل صينت عضلاتها اكثر من مره

وبالاخير اقول اهم شي الاستخاره والتوكل بالامور واشتري الشي الي ترغبه






up 0 down 0
abdullah.ags 364
قبل 8 شهر و أسبوع



من لديه التيما2017 يوجد صوت طقطقة في الدركسون عند تحريك الطارة يمين وشمال أثناء توقف السيارة
فهل هذا طبيعي ؟
رأي الورش هذا غير طبيعي لا يوجد سيارة وكالة من أي شركة فيها هذا الصوت... أما الوكالة رافضة الفكرة تماماً
قد يكون عيب مصنعي ؟؟؟!!!!!!


up 0 down 0
ابو عمار1399
قبل 6 شهر



انا سيارتي نفس الشي ورحت الوكالة قالو طبيعي وقالي الفني تعال واخذني وشفت اكثر من التيما نفس المشكلة بس انا عندي مشكلة في اصوات الديكور وبكرة ان شاء الله اروح الوكالة واشوف وش سالفتها


up 0 down 0
ابو محسن 8877
قبل 4 شهر و أسبوع