أضف سؤال أو موضوع جديد          

كم سعر بواجي الالتيما2012 الاصلي؟

up 2 down 1
ابو فارس لعسيري 23
قبل 8 شهر و 3 أسبوع



السلام عليكم ياشباب. انا عندي موضوع حاب اطرحه لكم واستشيركم فيه انا كل سنه اسوي صيانه للسياره بنفسي ابتداء من البواجي والفلاتر والزيوت والاقمشه والاشياء الاستهلاكيه لسيارتي يعني عاده فيني المهم ياشباب رحت قبل شوي قطع الغيار وتفاجئت بسعؤ الالتيما سعرها خيالي مقارنة بهونداي وتويوتا السياره ماهي جديده عشان تكون غاليه بواجيها لقيت السعر ياشباب 260 اضافة الى الضريبه المجموع280 وش ذا السعر الخيالي ليش ذا الجنان ابفهم ليش يعني قطع غيار نيسان مرشوش عليها سكر ولا ايش والله ما اخفيكم ياشباب السياره لها سنتين معاي وجالس افكر اغيرها بصراحه لاني طفشت من نيسان قطع غيار غير متوفره مقارنتا بهونداي وتويوتا واذا لقيت تلاقي بسعر غالي اللي ركب بواجي قريب لسيارته يفيدني بكم اشتراها هذا موضوعي حبيت اطرحه من الغبنه والله لاني نزلت معاي 200 ع اساس بلاقيها بحدود ذا السعر وتفاجئت انها اغلى القصه مو قصة فلوس ياشباب لاتفهموني غلط بس الموضوع اوفر مبالغ فيه بواجي ب280 سلامات ليش يعني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اشتريت بواجي لهونداي h1 ليزر على قولتهم، المهم شريتها بـ 140 وقلت في نفسي غاليه حيل :)

انصحك تشوف لو في بواجي من وكالة ثانيه تناسب سيارتك ..


up 0 down 1
saadsmb 168
قبل 8 شهر و 3 أسبوع



من اول اخبرها غاليه لانها ريديوم
بس ترا تعيش معك الى ممشى ٣٠٠ الف عادي
من تجربة كانت معي ثنتين التيما
بعت وحده على ٢٢٠ الف و الثانيه على ٢٩٠ الف
ما غيرت بواجي ابد لا تقطيع و لا تفتفه و لا زياده صرف بنزين

اذكر عند بعض الموزعين بأقل من ٢٠٠ الحبه مدري بعد الضريبه اكيد زادت الاسعار


up 2 down 0
1405-1985 1374
قبل 8 شهر و 3 أسبوع



سعرها كدا طبيعي انا اشتريتها بحول هذا السعر
ومو خساره فيها تمشيك الى ٣٠٠ بكل راحه
اذا تبي شي رخيص تركب حقت التيدا 
انا ماجربت ولكن محلات القطع يقولون
بالتوفيق


up 0 down 0
احمد 170 292
قبل 8 شهر و 3 أسبوع



اذا سيارتك مافيها شيء لاتغير البواجي عمرها طويل اذا اريديوم
بالنسبه للقطع فعلا الاسعار نار عند الموزعين الي محلاتهم كبيره
لو تقارن اسعارهم بالوكاله فرق بسيط
الهم عليك بالمحلات الصغيره يعطيك سعر يحبه قلبك
واذا خايف يغشك مر على محل كبير وشف شكل الكرتون
وفك الكرتون شف شكلها القطعه وتغليفها
بعدها توجه للمحل الصغير الفرق بيوصل 50ريال واكثر
فحمات الصني اصلي من موزع محله كبير190 والي جنبه160
وفي محل صغير شريتهم140ريال شف الفرق!!


up 0 down 0
d7ooom777 426
قبل 8 شهر و 3 أسبوع



مايحتاج كل سنة تغير, الا اذا عديت 100 الف هذا عمرها الافتراضي, او لاحظت مشكلة بالعزم وصرفية بنزين. هي سعرها التقريبي 35-40 ريال الحبة. شوف اكثر من محل واكثر من منطقة, طبعا لما تكون راح مشاوير و تكون على طريقك. لو كل المحلات غالية شوف رقم القطعة واشتريها من أي محل غير نيسان, للمعلومية نيسان وهيونداي و تايوتا ما يصنعوا بواجي. هي تعاقدات مع شركات كبيرة متخصصة.


up 0 down 0
dell2012 716
قبل 8 شهر و 3 أسبوع



رح خذها من وكيلها البابطين يجي سعرها 180 الى 220 اخذتها قبل سنتين ب 195 ولاتخاف كرتونها يجي مختلف لكنها اصلية نفس الوكالة وزي ماقالوا الشباب عمرها طويييل تمشيك اقل شي 200 الف يعني سعرها فيها


up 2 down 0
x-bariq 174
قبل 8 شهر و 3 أسبوع



البواجي حقت الصني 55 ومشتريها قبل 5 شهور 50 ريال اصليه %


up 0 down 0
المتوكل 777 376
قبل 8 شهر و 3 أسبوع



بواجي سيارات نيسان معمره تعيش معك .. عمرها الافتراضي 100 ألف كيلو ... وتمشيك إلى 200 ألف كيلو سلام سلام :)


up 1 down 0
abb20 54
قبل 8 شهر و 3 أسبوع



ولا تشتريها من الوكيل .. خذها من محلات قطع الغيار أصلي مثل اللي بالوكالة وسعرها ما يتعدى 200 ريال :)


up 0 down 0
abb20 54
قبل 8 شهر و 3 أسبوع



انا معي التيما 2007 اشتريتها قبل شهر تقريبا بواجي ليزر اصلية 4 حبات ب 120
بس مو من الوكالة من محلات قطع الغيار


up 1 down 0
ابو جابر15 19
قبل 8 شهر و 3 أسبوع



غريبه انا اخذتهم من موزع ب160 ريال الاربعه

وان كان تقول غالي ترا مغير للهوندا اكورد تبع اخوي الواحد ب 150 ريال مجموع 600 ريال للبواجى




up 1 down 0
تعبت ادور راحتى 158
قبل 8 شهر و 3 أسبوع



انا مثل حالتك كنت بغيرها السياره التيما 2010 ماشيه 200 االف لكن السياره صافيه وصرفيه البنزين ممتازه فقلت ناجل الموضوع

لان مافي اي ملاحظات بالسياره.. لان فعلا بواجي النيسان NGK وهالشركه ممتازه في االبواجي والي راكب باالالتيما يعتبر افضل نوع بواجي واغلاهم

كتيب السياره يقول تمشيك 100 الف ميل يعني 160 الف كيلو


up 1 down 0
abdullah.ags 364
قبل 8 شهر و 3 أسبوع



طيب ياخوي اسال اكثر من محل اذا الاسعار ثابتة ف الله يعينك


up 0 down 0
السهم الملتهب 1 2
قبل 8 شهر و أسبوع