أضف سؤال أو موضوع جديد          

السيارات الصغيره تحسسني بدوخه

up 5 down 6



السلام عليكم ورحمة الله وبركاتة 

الموضوع تحسونه غريب شوي لاكن هذا الحااصل ،،

اولاً انا موتري الأساسي ددسن من زمان معي وقبلها معي ددسن واستخدامي لها استخدام صغيره يعني لاني براعي تحميل ولا طلعات بريه خفيف 

المشكلة يااخوان ان السيارات الصغيره اذا سقتها اولاً امل من قيادتها ثمً واذا طولت وانا اسوق احسه بدوخه او لومه  جربت الفورد جربت الكابرس الكورلا ،يعني اغلب السيارات الأقاراب الصغيره اللي اخذها ماارتاح في قيادتها سواً تماتيك او عايدي ونفس المشكلة احس بصداع ، بعكس الددسن و الهايلكس والجيوب مافيه مشكله ،،

السياارة الصغيرة الوحيده اللي ناسبتني  معي كامري ٢٠٠٤ وطولت معي مالاحظت شي ، فما ادري هل هو فقر دم او احدى الفيتامينات بس السيارات الرفيعه بشكل عام مالاحظ شي ،

وانا مفكر صراحة في الأفالون الجديدة ،ومتخوف في هاذي النقطه واللي يعرف مكتب  تأجير عندهم افالون في الرياض يقول ،، 

واللي عنده نفس الشعور او مرت عليه المشكلة ذي يفيدنا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


رح حلل وشف النتيجة


up 4 down 0
ابومزعل 356
قبل سنه



انا بالسيارات الصغار مارتاح لو انها بي ام اخاف من الحفر أو المطبات وبالمواقف اكون حذر جدا عشان لاتحك الصدام وتحس بعدم الراحه


لا تتاكل فول وانصحك بالبنجر مع زلطة وربي تدعي لي
اما بنسبة تاجير افلون شوف شركة الذيب



up 3 down 0



اعتقد شغله نفسيه قبل تكون مرضيه .

متعود على الحيوب والبيك اب . لفتره طويله وخلاص مسكت معاك .

خذلك افالون ايجار ولو لفتره اسبوع . احسن من تشتري وتندم
هذا افضل حل


والله العظيم واحد من أخوياي نفس وضعك بالضبط
سيارته فورد ( من سنين ) واذا ركب سيارات صغيرة من فئة الكورلا والأكسنت يحس بدوخه ويعرق ويتضايق
أوقات يسفط على جنب الخط وينزل من السياره حق أبو خمس دقايق يشم هواء
غرييييبه والله كنت أفكره حالة شاذة
يمكن للتعود على موتر واحد .. دور في الموضوع



up 3 down 1
..original 186
قبل سنه



الدوخة اللي تحس بها لان مدى الرؤية في الجيوب والهايلكس والددسن افضل بما انها ارفع اما السيارات اللي ذكرت نازله تحت والسيارات تحجب الرؤية عنك لذالك تحس بدوخة انا بايع افالون بسبب هالشي غير حاله الرعب وكفر الجمس اللي بجنبك اكبر من سيارتك ولايمنع انك تسوي تحليل فيتامينات


up 3 down 0



عادي انا مارتاح الا في سيارتي
زمان قبل لا اشتري سيارة كنت اسوق سيارات اصحابي عادي

الحين والله بعد ماشتريت سيارة و تعودت عليها صرت اتوتر في اي سيارة ثانية
وصرت ماعرف اسوق قير عادي مع اني كنت اسوق عادي



up 3 down 2
monjed salih 206
قبل سنه



فوبيا الاماكن الضيقه ياعزيزي


up 2 down 2
camaro28 757
قبل سنه




مجرد احساس . او رفاهية وترف.
__________________.
املك فورد لنكولن + اكسنت جديد.
لم اشعر بالضجر او الانزعاج و بفوارق كبيرة او قد لاادقق . انظر للحياة بعملية وواقعية.


up 1 down 4



نفس حالتك بس دوخه مافي
احس بتعب بالسيارات الصغيره بسبب تصميم ديكوراتها الغبي
ماتشوف الكبوت وكل شيء مرتفع حتى ديكور الباب مرتفع
تحس انك غاطس بحفره هههههه وغشيم ماتعرف تسوق

ام الجيوب وخصوصا الددسن تحس انك متمكن من قيادته
وممتعه وتشوف الكبوت وتعرف وزنيته بالملي
ومراياته تكشف لك كل شيء لان البدي مايجيك
فيه تموج او زوائد مثل اغلب السيارات السيدان
وتعرف تشطف الارصفه باللفات عكس السيدان
ماتدري وين الرصيف

المهم الحل الي سويته جبت مخده وحطيتها تحتي
وانا اسوق السياره الصغيره وبعدها ارتحت
صرت اشوف زين واعرف الوزنيه مضبوط


up 4 down 2
d7ooom777 421
قبل سنه



أنا بعكسك تماماً ما أرتاح إلا في السيارة الصغيرة القريبة على الأرض أما جيوب وما جيوب no way


up 1 down 2
sjanzeir 274
قبل سنه



سبحان الله. شكل الموضوع نفسي.   لان انا معي النترا. والوالدة متعودة عليها 

مرة جبت لكزس  وكانت معي الوالدة اوصلها. مارتاحت للسيارة مرره جاتها دوخه. وطلبت انزلها من السيارة تشم هواء 

ويالله قدرت ارجعها 


up 1 down 1
sell 212
قبل سنه



تقريبا نفس حالتي بس اذا ركبت مع سيارو شخص اخر
احس بدوخه


نفس حالتي ما ارتحت الا يوم شريت هايلكس
كان معي قبلها جيب ولومينا ولا ارتحت ابد بعتها على طول
وكل زملائي بالعمل يضحكون علي
لان معهم سيارات صغيره لكزز بي ام وكذا وجربتها كلها واشعر بغثيان
فحولنا على الهايلكس ولها معي سنتين ومرتاح مررررررررررررررره
اهم شي الراحه النفسيه


up 0 down 0



نفس الحاله كنت احسب وحدي اشعر بهذا الشعور
اشعر بدوخه من السيارات الصغيره خصوصا مكان المرافق



up 0 down 0
Ahmad356 506
قبل سنه



☆☆ قروب مميز لسيارة نيسان سنترا ☆☆

✅ معلومات فنية

✅ 52 عضو

✅ شروحات

✅ أرقام قطع

✅ تقارير مفيدة


لملاك نيسان سنترا ... بادر بالدخول لتستفيد


*** للتواصل ***

أبو سند / 0540873300