أضف سؤال أو موضوع جديد          

وأخيرا تم معرفة السبب

up 14 down 6
ابو حسين.......... 819
قبل 11 شهر و 3 أسبوع



السلام عليكم ورحمة الله وبركاته 

الموضوع باختصار ،،،،، سبق واستفسرت في هذا المنتدى على سبب ضعف عزم سيارتي وبامكانكم ترجعون للمواضيع 


طبعا الوكالة وهي الوكالة ماعرفت لها وقالوا لي تحتاج تصفية ،،،،،طبعا سويت لها تصفية من وإلى وخسرت فيها خساير مايعلم بها الا رب العالمين ،،،،،، بعدها لفيت الصناعية ورشة ورشة وكل واحد يفتي من عنده ،،،،،،طبعا قال لي واحد غير القير وغيرته وطلع موب هو ،،،،،، وفحصت كمبيوتر فالوكالة وكل ورشة بس ماطلع شي ،،،،،،المكينة صوتها صافي وطبيعي جدا وهادي ،،،، الصراحة استغربت وقلت ايش ممكن يكون ،،،،،،،،لمهم جلست الى الان ٥ سنوات على هذي الحالة ولم اعرف ايش السبب ،،،،،،وفي شهر ١٢ السنة اللي راحت كان عندي تهريب في ليات الدفاية وكانت الموية تنزل على رقم منحوت فالمكينة فمسحت عليه وشفت الرقم وصورته بالجوال وبحثت فالنت واكتشفت ان المكينة حجمها ٢٠٠٠ ياباني والسعودي ٣٠٠٠ الاصل اللي كانت عليها ،،،،،،الظاهر صاحبها الاول انضحك عليه وعطوه واحده يابانية لان مافيها فرق بالمرة بين السعودي والياباني الا حجم البساتم من جوا فقط ،،،،،ومن الخارج مافيها اختلاف ،،،،،،،والحمد لله ركبتها امس ورجع عزمها ماشاء الله 


VQ20 هذي حجمها ٢٠٠٠ زي اللي عندي 
VQ30 هذي مكينة حجم ٣٠٠٠ زي السعودي 



طبعا كان عزمها مخصي ،،،كانت ماتطلع ونا ساكن في منطقة جبلية ،،،،،والله حتى الكرلا تجي علي قسما بالله ههههههههههه



فالمغزى انتبهوا يارجال وتأكدو قبل لاتشترون مكينة انها سعودي او مستورد نفس الحجم ،،،،،طبعا للي يسأل كيف عزمها ضعيف وصوتها صافي وناعم ،،فأقول لتجي كذا من المصنع لان فاليابان عندهم قوانين صارمة عشان الانبعاثات فعشان عشان كذا يصغرون المكاين    

وعذرا على الاطالة والمعذرة الموضوع ملخبط شوي 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
الله يعوضك عن الخساير الكبيرة اللي خسرتها فيها.
والحمد لله على اكتشافك للحل وإصلاحه.


up 2 down 2
وليد م ع الدخيِّل 476
قبل 11 شهر و 3 أسبوع



يعني غيرت المكينة ؟؟؟


up 3 down 0
أحمد-حائل 272
قبل 11 شهر و 3 أسبوع



وليد 

الله يجزاك خير 

احمد 

نعم غيرت المكينة الى حجم ٣٠٠٠ 




up 0 down 0
ابو حسين.......... 819
قبل 11 شهر و 3 أسبوع



اللي اعرفه اغلب VQ20تجي تيربو من ايام السدرك مركبينها كذا لا تيربو ولا شي اكيد العزم ميت 


up 2 down 0
benz lover -81
قبل 11 شهر و 3 أسبوع



بالتوفيق وحافظ على السيارة


up 1 down 0
السهم الملتهب 1 2
قبل 11 شهر و 3 أسبوع



صحيح يابو حسين ، كانت معي مكسيما ٢٠٠٤ صافيه وكل شيء ومصفيها بكل شيء وعزمها ميت 
كامري والنترا عالخط يروحون علي حتى وانا ضاغط الزر الي تحت الدركسون 
كان حدها ٢٠٠ 
وبعد القحص والتدوير طلعت المكينه يابانيه ٢٠٠٠ او ٢٥٠٠ بس اتوقع ٢٥٠٠ 

المهم خليتها مثل ماهي وبعت الموتر 

بس صحيح فرق كبيييير بالعزم ، لكن خدومه اكثر من مكينه ٣٠٠٠ وكانت موفره للبنزين اكثر 

وحسب ما سمعت انها ماتخبط بسرعه مثل مكينه ٣٠٠٠

بس المكسيما صراحه هالموديل جميله 
من راحة مراتب ومن ثبات بالمنعطفات ومكيف وووو 

يعطيك خير موترك ويكفيك شره


up 1 down 0
m7md 33 670
قبل 6 شهر و 3 أسبوع



ونصيحه فلتر المكينه والفلاتر بشكل عام خذها اصلي من محلات قطع الغيار مو من البناشر 

انا خرب علي حساس الايرماس من الفلتر ، وقيمته ٣٠٠ تقريبا 
وطفت علي السياره على هاي واي وزحمه وتوهقت ثم فصلت ودحدرت لين الورشه وهي تنفض 



up 0 down 1
m7md 33 670
قبل 6 شهر و 3 أسبوع