أضف سؤال أو موضوع جديد          

الحق مع مين برايك

up 3 down 11
المتوكل 777 376
قبل 10 شهر و 2 أسبوع



السلام عليكم ورحمة الله وبركاته

ياشباب مرات تقابلنا مواقف ترفع الضغط تخلي الواحد مايقدر يمسك نفسه

الزبدة قبل شوي راعي أوبتيما الاشاره خضراء وهوا يمشي على قشر بيض أدق له بوأري معطيني وضعيت طناش وانا مستعجل ورفع ضغطي

المهم بعد ما أخذنا اوتير ادعس بنزين لصاجه وكنت ناوي بس اخوفه بس صدمته بالمرايه ولا وقفت أمكن 10 متر

ووقفت له لقيت غطاء مرايته مكسور قلت له تبي نتصل على نجم قام يبربر كلام فاضي التأمين مايشمل ومدري ايش المهم في الاخير اعترف كسر غطاء المرايه ماهو مني
طيب ليش موقفني مدري
المهم مشيت ومرايتي ماصار فيها غير خدش في البويه وصارت مشكله بسيطه يلعب فيها الهوا أعتقد القاعده انكسرت اقدر اغير القاعده الي تحرك المرايه ولا لزم مرايه كامله


ويعطيكم العافيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هو أخطأ خطأ قد يعذر عليه

وأنت أخطأت خطأ أكبر من خطأه

ويبدو لي أنك ندمان ، ولكن ودك من يقول لك الحق معك ويخفف عليك

المفترض يكون بالك أوسع وصبرك أكثر

الحمد لله على كل كل حال


up 18 down 1
anosi 1178
قبل 10 شهر و 2 أسبوع



اعتقد ان المراية تجي كاملة
الافضل تشوف الوكالة واذا سعرها مرتفع الله يعينك على التشليح


up 1 down 0
salehhd 741
قبل 10 شهر و 2 أسبوع



المرايه مركبها تجاريه ب 120 اضن بس مافحالي ارشها بويه قلت امكن تتصلح يعني مافيه امل تتصلح القاعده


up 1 down 0
المتوكل 777 376
قبل 10 شهر و 2 أسبوع



الحق عليك طبعا وصار معي نفس الموقف والحق علي


up 3 down 0
مالك رجا 606
قبل 10 شهر و 2 أسبوع



دام 120 خفايف الله يعينك


up 1 down 1
صاحب الاوريون 2017 111
قبل 10 شهر و 2 أسبوع



وعليكم السلام ورحمة الله وبركاته
في عالم همج الواحد قد ما ببعد عنهم الا ان تصرفاتهم تجبرك تاخذ ردة فعل تجاههم
قبل يومين
واحد مقفل الخط وماشي على قشر بيض عقولك وفي يده جوال والطريق فاضي
ادق له بوري ما يوخر لين حصلت فرصة واتجاوزه واشر له بيدي الجوال ممنوع وانت تسوق واتعدااه
والا الاقيه ملحم فيني من ورا وهديت وجاي ينافخ ويقول وش دخلك جوالي وانا حر
قلت له جوالك وانت حر ما اختلفنا لكن الطريق ملك للجميع لكنه تنك ما يفهم المهم صفيته ومشيت لكن ماشي خلفي وكل شوي يقرب من الصدام لين ابتعدت عنه


up 2 down 1
nissan200 87
قبل 10 شهر و 2 أسبوع



أي والله شي يرفع الضغط يعطل الناس لكن الي زي كذا خوفه بس مرات ماتزبط تنتف المرايه


up 0 down 6
المتوكل 777 376
قبل 10 شهر و 2 أسبوع



سواء الحق معك او ضدك
بالذات بامور النزاعات
ادفع بالتي هي احسن
وابتعد عن المشاكل قدر المستطاع

بالنهايه المتضرر من المشكله هو انت



up 2 down 2
مدرس عاطل 30
قبل 10 شهر و 2 أسبوع



بغض النظر عن الموقف لازم توسع صدرك قدر المستطاع لأن النوعيات هذه كثيرة وما رح تقدر تغير شيء بالعكس ضيعت وقتك وتأخرت

عموماً الحمد لله أنه ربي سلم الجميع وما صار حادث أو ضرر كبير للسيارات


up 2 down 0
مفقود 761
قبل 10 شهر و 2 أسبوع



مثل هالمواقف هي عبارة هن ضريبة لازم يدفعها كل شخص عايش في المدن الكبيرة .. وخصوصاً ان نسبة الهمج واللامسؤولين 
والبزران والمرضى كثيرين جداً وفوق ما تتصور .. يعني يغلط عليك وعينه قوية .. اذا تركته غبن واذا تناشبت معه ورطه ما تدري 
وش آخرتها ونهاية عواقبها .

لكن انصح نفسي وكل من يقرأ في مثل هالمواقف انه يمسك اعصابه بقدر المستطاع ويذكر الله ويتعوذ من الشيطان وبامر الله 
راح تخف وتختفي وتيرة الغضب تدريجياً وتهدىء نفسك ويصبح ما يصير من الماضي ويتعلم منه الواحد .
والله يكفينا الشر واياكم وجميع المسلمين .


up 5 down 1
nasser1430 858
قبل 10 شهر و 2 أسبوع



يارجال هالمواقف تصير كثيره وترفع الضغط  انا قبل امس واقف عندالاشاره وفتحت الاشاره والي قدامي واقف ادق بوري يمشي شوي ويمسك فرامل بوجهي متعمد ليش اني داق له بوري بعد ماديورت من الاشاره جاء جمبي فتحت القزاز قالي اذا انت رجال وقف على جمب  قفلت القزاز وكملت طريقي  بعضهم  يدور المشاكل  ولو ابغى اوقف  بوقف واخليه يعض الارض  لاكن عارف نهايتها مظاربات ودوريات وتوقيف ومشاكل  ووقتها اقول ليتني  تحملت كلامه وطنشته  الله يعين على الاشكال الي كذا  الواحد يستفزك ويرفع ضغطك وبالاخير مضاربات ومشاكل  والسبب  شي تافه ليش تدق بوري او ليش ماتمشي. الله يعين. 


up 4 down 1
جعل من ربوني في الجنه 299
قبل 10 شهر و 2 أسبوع



دائما قياده المركبه تحكم اخلاق قائدها فا المطلوب التجاهل لامور الخلافات والانسان يبتعد عن المشاكل افضل لان الشديد ليس عند الغضب الشديد اللي يتمالك نفسه عن الغضب


up 1 down 0
عاش بو علي 497
قبل 10 شهر و 2 أسبوع



والله انا لازلت نادم على حركه سويتها  قبل سنوات وكان السبب فيها الغضب
كان فيه واحد مسكر على سيارتي وكنا عند صرافه زحمه.  رجعت وقلت الهوندا تبع
مين  ما احد جاوبني كررتها    ويوم صرف واحد من اللي كنت اسألهم
جاء بكل برود وشغل ومشى. وكأنه ماعطلني من الغضب مشيت قدامه
وبعد فتره كعيت فرامل وخليته يشمع في صدام الكامري كانت قديمه وصدامها اصلا
يتحمل انعفط كبوته ومشيت.     كنت مراهق.   ونادم الان اشد الندم 
يقول خير البريه عليه افضل الصلاة والتسليم // ليس الشديد بالصرعه. لكن الشديد
من يملك نفسه عند الغضب. -او مامعناه-     فحذاري من الغضب وامسك نفسك
مااستطعت.   فالشوارع كما تفضل اخي ناصر مليئه بصغار السن الجهله المرضى
العليميه ال ال.   عندك مشوار اودوام.  رح بدري.  نصف ساعه مر بوفيه اشرب حليب عدني
ورح لدوامك على مهلك.     استغرب من بعضهم الصباح باقي على دوامه ١٠ دقايق
ويقوم ماغسل وجهه.  ولا حما سيارته ويطير يلعن هذا ويحد هذا
قم بدري غسل وجهك فرش اسنانك الصفر.      البس تعطر. شغل سيارتك
افتح المذياع على برنامج ام سعود. وسق على مهلك
لكن تقوم مثل الجني  وتحدحد الناس مايصير  ارقد بدري.  تقوم بدري نشيط
غيروا من عاداتكم.       وفي المقابل انت يااللي تمشي بكل برود.    وتولع الاشاره
وانت تجربع. والا نايم. ترى الناس مهي منتظرتك.    
انت يااللي لاجيت الصرافه طلعت ٣٠ بطاقة صراف وقعدت تشيك.  والناس ملطوعه
وراك استح.  ملاحظات كثيره ترفع الضغط والسكر.    عكس شوارع دخول خطا
لو كنت مسؤولا كبيرا في المرور
١/ في كل مدينه ١٥٠ سياره صغيره.  كورلا يارس النترا. الخ.  مرور سري
تنتشر بكثافه من ٦ صباحا الي ١٢ ليلا. والويكند. من ١٠ صباحا الي ٤ فجرا
في الشوارع والحارات.  وتصور.    اللي يعكس اللي بدون نور.   الهنود يقطعون
الاشارات قدامي الصبح. وغيرهم بس شوف الجرأه
المهم صور واصقع مخالفات.   صدقوني بنرجع قيمة السيارات حقت المرور السري
وبنزينها خلال شهر.    الفائض يوضع في صندوق دعم الاسر الفقيره وياكثرهم
بعد ذلك.  بتلقون العالم متقيده


up 6 down 4
عبدالله الشفيعي 1427
قبل 10 شهر و 2 أسبوع



القيادة فن ودوق واخلاق قد بدوق او لا تقد ...


up 0 down 0
benz lover -73
قبل 10 شهر و أسبوع



طبيعي العينات ذي تلقاها بكل مشوار 

انا كنت ماشي بشارع مسارين صغير 

وكان قدامي واحد ماشي شوي شوي 

اضرب له بوري ما فكر اخر حصلت فرصه 

وتجاوزته واضرب له بوري ولحقني بسرعة 

ويكبس نور ويلحم بالصدام واوقف واناظرة 

بالمراية سفط وراي يعني يبغا ينزل ومشاكل 

وادعس ويلحقني واخش حارة معروفه حقت مشاكل 

واوقف واخر شي جا جنبي بالسيارتة ما نزل 

وقاعد يسألني يخوي وين طريق المكان الفلاني 

وصفت له غلط وسحبت عليه 

واذا تبغا تسلم من المشاكل سو نفسك غشيم 

وماتعرف شي صدقني بترتاح نفسيا 


up 0 down 1
abu mohammed666 891
قبل 10 شهر و أسبوع



اللي ما تقبلته اللي يجي يوقف شتل وياخذ موقف ثلاث سيارات . اما بقية الامور تمشي ولابه خلاف


up 0 down 0
ali400ali 222
قبل 10 شهر و أسبوع