أضف سؤال أو موضوع جديد          

ودي ابدل سيارتي

up 1 down 2
مالك رجا 606
قبل سنه



صباح الخير للعموم كيف حالكم ان شاء الله طيبين


المهم ببدا الموضوع على طول انا معي صني 2016 ماخذها اصفار مشت معي الى الحين 98 الف كيلو ولا تشتكي من شي ولله الحمد الا بالعزم احس عزمها ضعف شوي طبعا طول هلافتره لاغيرت لابواجي ولا نظفت البخاخات وحتى زيت الغير باقي من الوكاله
المهم صراحه ودي ابدلها احس طفشت منها وفكرت بالهايلكس لكن للاسف موديلات قديمه واسعارهم نار
انا ماودي ازود واجد ايش انسب موتر برايكم ابدل معه وش تشورون علي ابدلها والا استخدمها


ولاهنتو ابي مركز خدمه سريعه يبدل لي زيت القير لاني رحت لبترومين ورفضو والوكاله غالين ابغا مركز كويس ومعتمد وماهو غالي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لازم تذكر كم ميزانيتك وتذكر نوع السياره يعني(جيب،سيدان،حوض) 
عشان نفيدك 


اكثر مبلغ ممكن ازوده فوق سيارتي هو 5 الاف ودي موتر اكبر من اللي معي يتحمل هالحفر والمطبات


up 0 down 0
مالك رجا 606
قبل سنه



اها اجل عندي اقتراح لك تعرض موترك ب موقع حراج وتكتب للبدل 
وتروح اعلانات السيارات الي تبغيها وتقوله اذا لك بالبدل راجع اعلاني 
وازيدك كذا 

اتوقع انك عارفها اذا تتردد على موقع حراج كثير 


والصني مشكلتها سعرها يطيح للاسف 


حياك
طلبت الشور
سو صيانه لاسيارتك وزيت القير سهله مر لك ورشه وهم يطلبون عليك
عدد علب الزيت والفلتر وجه واتفق معهم
بخصوص تبدل سيارتك ماانصحك 
سيارتك اقتصاديه من كل ناحيه وحنا مقبلين ع زيادة باالوقود
والمثل يقول امسك جنيك لايجيك اجن منه
وباالتوفيق


up 4 down 1



موتر ٢٠١٦ ومايشتكي من شي تروح تبدله ليه؟ بطره ولا كيف؟ من يعاف موتر على يده ويروح ياخذ مستعمل مكسره راعيه الين قال بس 




up 9 down 0



وين تلقى هايلكس نظيف بفلوسك مستحيل ولا حتى جيب كلها مكرفة بالبران لاعنين خيرها وممشاهم فوق ٣٠٠ خلك على اللي عندك عشان لا تندم


up 3 down 2
benz lover -73
قبل سنه



يعطيكم العافيه ياشباب لاهنتو على الردود الطيبه


up 1 down 1
مالك رجا 606
قبل سنه



نصيحه خلك ع الصني جديده وع يدك 
روح خذ زيت القير من الوكالة مع الفلتر وخذ بواجي وصفاية بنزين وتأكم من وضع سير الماكينة واتجه ع 1ستوب صيانة سيارتك عندهم واسعارهم جيدة 


up 2 down 1
yasser alyasser 506
قبل سنه



يقل المثل خلك على قردك لايجيك اقرد منه

بالخمس الاف اللي تزيد على سيارتك لتبدل سياره ثانيه

خذ منها الف غير بواجي وسيور وبطاريه جديده وفلتر مكيف وفلتر هوا وترجع السياره افضل من اول

لان المستعمل راح تتعب وانت تدور على النظيف هذا اذا لقيت ولي لقيت بتلقى اسعار فلكيه

اضافه الى ان الصني مراح تجيب لك القيمه اللي براسك


وفقك الله


up 2 down 0
aboahmed2014 767
قبل سنه



والله انا معك تغير وتاخذ سياره اكبر
لكن المشكله ان ممشاك كثير ماشاءالله
٢٠١٦ وماشي حول ال١٠٠الف
يعني اذا بتاخذ مستعمل ماشي
اقل شيء بفلوسك ٣٠٠الف يعني
اذا بتاخذه سنه ونص بيوصل عداده٤٠٠الف
عاد هنا جهز حسابك يا قير يامكينه

خلك على قردك احسن

لو استخدامك قليل
كان قلت لك جازف وخذ سياره ماشيه كثير
لان استخدامك قليل يعني ماهي واصله
٤٠٠الف الا بعد٣ او اربع سنوات


up 2 down 0
d7ooom777 428
قبل سنه



المفروض بترومين ما يرفض انا سيارتي نيسان وقديمة و غيرت عندهم زيت القير سنة 2014 فرعهم بالخبر  و عادية الأمور

الحمد لله والآن دامه هو الوكيل الثاني لنيسان المفروض يغيرونه لك وهم ساكتين العملية كلها ما تاخذ اكثر من نص ساعة. 

بس دام كذا عليك ب ون ستوب رخيصين و أحسن من بترومين و تابع للحبيب الأولي الحمراني 


زيت القير اشوف العضيب شغلهم حلو + ضمان 15 يوم على التهريب فقط