محذوووووووف

فيه عدة اسباب في ارتفاع حرارة المكينة افحص اول واسهل شيء غطاء الرديتر ثم افحص الرديتر يكون مليان وسخ
ومسكر ثم افحص طرمبة الماء اذا ما فيها ضعف او تهريب .. ولا تنسى تفحص مروحة المكيف الكهربائية .

وافحص زيت المكينة لا يكون فيه تهريب ماء ( لا سمح الله ) 

شكراً يا اخ ناصر على الرد

عندي التيما نفس مكينة النافارا الحرارة دايما عالربع فجأة ارتفعت للنص وانا شاد عالمكينة بعز الصيف صفطت ورجعت الحرارة طبيعية بعدها غيرت موية الرديتر ب 20 ريال فضيت الخضرا وحطيت حقت تويوتا الحمرا وماعاد ارتفعت الحرارة

بعتها عشان هالمشكله والمشكله الموتر جديد 2013 على وقته ماشي 4000 كم ما ابي اضيق صدرك بس اذا فيه بديل لقطع الوكاله ركبه افضل وتمنى تلافو هالمشاكل في المديلات الحديثة

اي موتر مراوحه كلتش اول مشروع تبدا فيه تتخلص منها
وتركب مراوح كهرب العزم يتحسن والتبريد ممتاز والحنه والازعاج
تحتفي

يالنسبه لكلتش مروحة الباث كان معي ددسن كربريتر وعذبني
كلتش المروحه وحنته رحة لكهربائي ركب لي كلتش يقول انه
لجيب نيسان ما اخبره حدد مدري هو باث ولا اكستريل الصغير
والحمد لله قعدت سنين ماعانيت منها وبعتها وعاده سليم

انتبه لاتهمل في موضوع الحرارة
أرتفعت الحرارة معي بالنفارا للإتش وعلى طول طفيت لكن انشعر رأس المكينة
بسبب تعطل طرمبة الماء بشكل مفاجئ

ولا تنسى تشيك على تماتيك المروحة
و على المروحة الصغيرة اذا تشبك مع المكيف ولا لا

انا نفس الحكايه عذبني هالموضوع الين وقتك ذا م خليت شي م بدلته ولازالت المشكلة علماً باني غيرت المكينه قبل سنه ولكن الحراره عيت تضبط معاي 

حياك الله ياسيدي
قد جاني اكثر من زبون يشتكون من حرارة النافارا
واعطيتهم مروحه مرسيدس الكبيره وركبوها يشهد الله
انهم نسو شيء اسمه حراره لو يوقف شهر والعيب كله
ان الكلتش حق النافارا صغير والمروحه صغيره على
حجم المكينه بس مع مروحه المرسيدس ماشاء الله تبارك الله
عال العال
تواصل معي خاص لو تحتاجها

انا مع الاخ الكريم احمد شريف . انا ركبت مروحة مرسيدس واحمد لله تقريبا سنتين لحدزالان ما ارتفعت الحرارة

شكراً أخ عباس ولكن عندي استفسار ، يقولون مروحة المرسيدس تشفط كهرب زيادة هل تأثر عندك الدينمو ؟ وايضاً نوع سيارتك هل هو نافارا