افضل ددسن او نافارا نفس السعر

ان بغيت شي قوي وعطلاتها قليلة ومن تجربة افضل
من الددسن والنفارا
فعندك الميستوبيشي L200
وربي من تجربة موتر قوي مكيف قوي
خدوم ان بغيت تحميل بر قوية
وفي الزفلت اريح من النيسان والتويوتا
وبديها ماشاءالله قوي
والسعر ارخص ايضا جربها واحكم لو طريق 50 كيلو

وعليكم السلام
أولاً : يا أخي الددسن توقف تصنيعها وآخر موديل نزل منها 2016
ثانياً : إذا بتختار بين الددسن أو النافارا فلا والله ما أختار إلا النافارا ، شكل جديد عصري ، مواصفات أعلى ، عزم أفضل ،
داخلية أوسع ، مريحة وراسية ، تشيل حمولة أكبر . وكل هذا المميزات والمواصفات مقارنة بالددسن فقط .
الرفاعي الميتسوبيشي L200 سيارة جيدة لكن اختلف معك في العزم ما تسوى جنب النافارا ، وأنا مجرب الثنتين والله فرق
كبير جداً ، وأيضاً تفتقر إلى كثير من المواصفات الداخلية .

النافارا افضل توفير بنزين من الهايلكس
و نزل سعر الشكل الجديد
و يجي دبل و قير عادي

اللي مستغربه
اقل فئة اللي داخليته رمادي ما فيه مواصفات امان
بدون ايرباقات بس سعره اقل من ٥٠ جديد
و النص فل على ٦٥ مدري دبل او بدون

من المعارض النافارا ارخص بكثير
اما الغيسى عايش جوه الخاص ههههه

^
اسعارك قديمه الي داخليته سوداء45الف وصل سعره
والاحمر52الف
شف رقم هذا الاعلان

27144162

جرب النفارا الشكل الجديد من الوكيل قبل تشتري واذا اعجبتك اسحب عليه ورح للمعارض بس الددسن ما انصحك اختلف التصنيع وقلت الجودة ولا فيه اي وسائل سلامة والمرتبه تضيق الصدر اذا انت ماسك خط والمرتبه الخلفيه كلام ثاني اللي جرب الياباني يعرف عز الددسن عيب النفارا مكينته اذا ماعدلو عيوبها السابقه وش ينفعك الهيكل

نافارا أو ونيت متسوبيشي

ونيت متسوبيشي و ونيت دودج نفس كل شي الفرق الشعار

يعني كأن عندك وكيلين لها

النفارا افضل مشاءالله على الراحه والرساوه جدا جيده بس عيبها المكينة ضعيفه بالقومه اذا القير عادي لان برقم 1 تطفي لازم تدعس بنزين يعني مثل الكوامري القير العادي لعشقتها رقم 1 لازم تدعس فقط هذا اللي فيها وصرفيتها للبنزين مره كويسه ماتصرف وصوت المكينة ماتسمعه افضل من الددسن و الهايلوكس انصحك تجربها بنفسك علشان تحكم عليها ممكن نظرت وجه مختلفه عنك فلذلك افضل حل تجربها اذا ناسبتك

اللي جربتها 2015 مدري عن الجديد

يعطيكم العافيه
ماقصرتم مشكله النافارا الشكل الجديد ماهي موجوده في الشوارع
مدري وش السبب ابد ماتحصلها