رتفاع مبيعات نيسان ألتيما بنسبة 59 بالمئة في السعودية

السالفة عشان البنزين، لا جودة ولا هم يحزنون.

كم عدد السيارات المباعة
النسبه دائما فيها نوع من التضليل
مثال /
لو فرضا عام 2015 باعت نيسان عدد 1 التيما
وباعت في عام 2016 عدد 2 التيما

تلقاهم يقولون زادت المبيعات بنسبه 100% العدد مضاعف
الف مبروك والخ الخ

يهمنا الرقم كم عدد السيارات المباعة
يعني كمثال اخر

شركة مازدا باعت في عام 2015
1500 سيارة مازدا 6
في عام 2016 قفزت المبيعات فوق 300%
وتعدت 7300 سيارة مازدا 6

بينما الكامري والسوناتا كان عندهم انخفاض
مع انهم بالقمه ومبيعاتهم فوق 11 الف سيارة

مدرس عاطل حياك الله
من وين طلعت مختفي كل هالفترة

صحيح ردك لكن سيارات قير الCVTطاحوا فيها العالم
حتى تويوتا حولت عليه بعد نجاحه مع نيسان و هوندا و سوبارو و غيرها

التيما وارفع يدك

معاي 2014  قسم سيارة بما تعنيها الكلمه 

الألتيما صفقة رابحه توفير بنزين ممتاز و مواصفات وجودة بسعر أكثر من رائع وقطع غيار .. وكذلك الألتيما 6 سلندر صرفيتها جيده جدا والماكسيما أيضا .

بصراحة شفت اعلان لألتيما 2017 مغير القير بمبلغ وقدره 37 ألف ريال وقيرها اصلا حساس ومعرض للخراب والسيارة بعد ممشى بسيط تطيح قيمتها 25 بالمية ع الاقل

بإختصار بعد هالعلم الالتيما بالنسبة لي ماتنفع بريال وهذا رقم الاعلان 27274301

اي قير من الوكالة قيمته بنص السيارة الجديد حتى لو مهو CVT
و يدخل بخراب القير أي شي

دكتواره في الحب

اذا انت مو مجرب لا تقول ماتنفع

انا مجرب من 2009 وللحين ماشيه 280 الف

سياره ماتقصر وخدومه ويكفي ماتقصر معاك

واقتصاديه

وبالنسبه للقير صحيح حساس بس له زيت خاص من الوكاله يشترى ويغير في فروع الوكاله ون ستوب

والبعض يغير زيت قير من عند ابو يمن ومو حق الوكاله الموصى به فاكيد بيخبط القير

انا اتكلم عن موديل 2017 وماشية 70 على وعلى صيانة الوكالة

بصراحة قيمة القير مذلة وغبينة تخيل تشتري جديد ب 62 الف حسب اسعارها في المعارض ويخبط القير وتروح تشتريه ب 37 الف.

معليش انا أدفع فلوس إذن ما ادفع على سيارة بهالشكل 

هذا مهزلة بصراحة وقلة احترام للعميل 

عندك خيارات كثيرة جدا جدا افضل منها

وبالنسبة للسيارة ممتازة شكل ومواصفات وسعر لكن هذا مايعني أنني اعرض نفسي لخسائر فادحة بسبب طمع الوكيل واصلا القير هذا قيمته وزوداً على ذلك حساس وسمعته سيئة

ياعزيزي اذا انت تقصد مشكلة القير بالاعلان اللي انت حطيته

هذا كان على الضمان وصلحوه مجاناً

لو انهم دفعوه قيمه وقدرها هذاك الوقت تقدر تقول اصرف النظر عنها


واي سياره جديده بيكون قطعها غاليه سواء نيسان او هوندا او تويوتا او هونداي

انت تدري ان ضمانها 3 سنوات على القير والمكينه وبامكانك تمديد الضمان

واذا على قولتك تدفع فلوس وبالاخير تجيك السياره مضروبه

شوف السوناتا الجديد بمجرد تغير من زيت خفيف لثقيل ضربت المكينه
والضمان مايشمل يقولوا سوء استخدام

لان هونداي ماتبي تعترف بالمشكله

لكن نيسان جمل الله حالها اعترفت وتداركت الخطاء

سواء اللي بالاعلان او غيره القير قيمته اكثر من نصف قيمة السيارة والضمان أكبر نصبة وضحكة آخذ سيارة مثل الالتيما وأسحب على ابو الضمان وفي أسوأ الحالات قيمة القير 10 او 12 الف وتكون سيارة اصلا سمعتها جيدة
لكن سيارة قيرها اصلا حساس وتحمله اقل من تحمل الكلتشات وقيمته 37 الف ريال ايش يحدني عليها 
نجي للضمان علشان يستمر لازم تغير الزيت وتشيك على السيارة عند بترومين او بالوكالة وغيار الزيت عند بترومين سعره اربع اضعاف سعر البناشر وهو بالاول والاخير زيت مكينة كلن يعرف يغيره 

وانا مشتري سيارة جديدة علشان  ادفع عليها بالمتوسط كل شهر 500 ريال وبالسنة 6 الاف ريال

خلاص على كذا اشتري سيارة ماشية 200 الف بثلث القيمة واحط عليها كل شهر 500 وترجع وكالة

بالنسبه لبترومين انا عندي نيسان ومن تسع سنوات ماعمري طبيته لان شغلهم مو نظيف وفلتراتهم مغشوشه


اللي اقصده بكلامي الفرع الوحيد ون ستوب < هذا الفرع الخاص بنيسان

ويغير زيت قير وزيت مكينه وكذلك اقمشه وزن اذرعه وكراسي مكينه ويعطي ضمان وفواتير

وانا متعامل معاه من تسع سنوات

يعني انا اقولك من واقع خبره

على العموم انت زعلان على قيمة القير وانا معاك القير قيمته مبالغ فيه بقوه

لكن زبدة الكلام مراح تلقى قيمة قير سيارة جديدة بعشره الاف او 12 الف

ومر وكالة تويوتا وهونداي واسال وراح تنصدم ان نيسان الارخص على كل حال

وقس على ذلك مثال بسيط

كمبرسور مكيف ياريس 2007 وكاله بـ3000 الاف ريال

في عيوب مصنعيه كل فترة تطلع بسيارة
و تتصلح المشكله لو تبديل قير او مكينه
صارت بالاكورد و الالتيما بعض الموديلات
و حتى بتويوتا بس طبعا" بالخارج
الوكالة ما تجيب عندنا تنقي من المصنع اللي ما طلعت فيه عيوب
من زود الحرص ههههه