سبب تخبيط مكائن الباترول 400 حصان

فيه ناس يحط زيت ثقيل ويسوي نفسه فاهم أكثر من الي صنع السياره

وفلتر الزيت وفلتر الهوا اذا تجاريه كم سنه وبتخبط تعدم المكينه

واذا عيب مصنعي موجود في كل الشركات

التويوتا عندهم قير الاوريون مشهور بتخبيط

وعندك الجيب الربع والشاص موديلات جديده وموضبه

عندك هونداي السوناتا ياكثرها بتشاليح مخبطة

عندك الكيا كرنفال اعرف واحد مغير 3 مكاين فتره

هذا الي حاضرني الحين ولا السيارات كثيره

سبب التخبيط 
الهياط 

يدعس للصاجه على باله بحلبة سباق

المتوكل ، تعال لنا بواحد معه ربع أو شاص موديل جديد وسيارته موضبه ، المعروف أنه من موديل 2010 إلى موديل 2013
كان فيه عيب في مسمار الثلاجة يسقط داخل المكينة فيسبب تخبيط المكينة ، وهذه المشكلة عدلوها في الدفعة الأخيرة في موديل 13 إلى الآن
فنرجوا منك لا تجيب مثال إلا وأنت متأكد ان كلامك صحيح وعندك ما يثبت .

https://toyota.montada.haraj.com.sa/50769/%D9%88%D8%B4-%D8%B3%D8%A8%D8%A8-%D9%83%D8%AB%D8%B1%D8%A9-%D8%AA%D9%88%D8%B6%D9%8A%D8%A8-%D9%85%D9%83%D8%A7%D9%8A%D9%86-%D8%A7%D9%84%D8%B4%D8%A7%D8%B5-%D9%88%D8%A7%D9%84%D8%B1%D8%A8%D8%B9-%D8%A7%D9%84%D8%B1%D8%A7%D8%B3%D9%8A%D9%86%D8%9F/

اكثر اسباب التخبيط نوعية الزيت المستخدم وعدم الانتظام بتغيير الزيت وغير ذالك يشتغل منقذ في الطعوس مايبقى احد مايطلعه ويعدم المكينه ويعدم القير ولا الموتر شيخ ولا شفنا اهل الامارات يشتكون

ي رجال كل المواتر اللي تجيك فيها طقطقة تكايات وتخبيط كوابرس وسوناتا وباترول السبب الاكبر ربعنا تحب التفلسف وانه افهم من اللي صانع المكينة ويحط لزوجة اثقل وشوي شوي تتعب الطرمة من ضخ الزيت الثقيل شوي شوي تكايات واذا مالحق تخبط عليه مره وحده ويجي يسب في المكينة

وعليكم السلام
اخوي معه باترول400 وراعي قنص وطرد ويكرف الموتر وماشاء الله فوق300الف ولافيه الا العافيه
بس محافظ على تغيير الزيوت بوقتها لذلك اغلب التخبيط من عدم اهتمام بالزيت ان كان عدم تغيير بوقته او زيت غيرمناسب او سيفون تجاري

استعمال الزيت الموصى من الشركة ومكتوب بالكتالوج وانتظام تغييراته مستحيل تخبط المكينة

يارجال ابعدوا كل البعد عن بترومين وفلاتره المغشوشه

والشئ الاخر حط الزيت الموصى به من الوكاله

وفي فروع ون ستوب خاص لنيسان فاهمين وشغلهم طيب

وراح تعمر المكينه معاك عشرين سنه قدام

فيه مشكله الباترول كثير تخبيط مكاين مدري ليش وكثير اللي يشتكي منه مهي معقوله من الزيت هو السبب لا فيه شي عيب او عيوب من الشركه الزبده خذ تايوتا وتركه النيسان طاح حظه

صحيح اغلب تخبيط السيارات الزيت يمشي عليه فترة طويلة من خلال نقاش طويل مع الزملاء وكذالك قضايا السيارات في الوكالات احرص على الزيت المفروض على السيارة وكذالك عدد الكيلو يكون تقريبا ٤٠٠٠فقط حسب كلام مكنايكي معرف وله خبره في السياراتا

سالفة الزيت كلام.فاضي
معنا سيارات لها ١٤ سنه تعدت ال٥٠٠ الف ك م وكرف ولا قالت شي الحمد للله ..المشكله في جودة المكاين

عندي لاندكروزر 2010 وغير مهتم بزيوته وصيانته
وماشي حول 300 الف وشغال واسافر عليه الف كيلو
ومكيف شغال وطعوسوغيرها
وشيكت عليه قبل اسبوع وصينته بحوالي6 الاف فقط ورجع
ورجع وكاله
التويوتا لايعلئ عليه

مشكلة الباترول في مكينة 400 هي تكاية طرمبة البنزين الاماميه لازم تغيرها كل 80 الف والا بيطيح المسمار داخل المكينه ويعدمها هذي المشكله الي تسبب تخبيط حتى لو كنت منتظم بكل شي 

كم يكلف التوظيب مكينة ٤٠٠
وا سعرها تشليح

عز الله انك صدقت يااخ سفير المشكله في اهمال تكاية طرمبة البنزين واكد هذا مكانيكي مختص في الباتورل يجب تغيرها كل ثمانين الف