أضف سؤال أو موضوع جديد          

الشراء من الخارج او الاصلاح هنا

up 3 down 4
احمد 170 287
قبل 8 شهر و أسبوع



السلام عليكم ورحمة الله وبركاته ..
شباب سيارتي التيما 2009 4v 
وعندي مشكلة في البودي بلف (مخ القير) بعد فحص كمبيوتر
سألت عن سعره هنا وطلع فوق 3000
رحت عند فلبيني وقال انا اصلحه لك بـ800 ريال
وان ماضبط لاتعطيني شي لكن الخوف انه مايتصلح
ويكون مجرد تضييع وقت  واخاف يتعبث بالسياره
وانا محافظ عليها جدا ومصينها من الصدام للصدام
المشكله فيه نتعه خفيفه على سرعه 40
لها الان اكثر من سنتين واكثر اللي يسوقون سيارتي
مايحسون فيها لانها جدا بسيطه لكن مزعجتني ومِصر اصلحها
ولقيت القطعه في امريكا جديدة بـ975 فقط والشحن مجاني
لكن كيف اعرف ان القطعه متوافقه مع سيارتي وانها تركب
بدون مشاكل ياريت تنوروني بعلمكم الخوف اطلبها وماتركب
هذا رقم القطعة في ebay:RE0F10A 
وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شوف.    تقدر تشرط على الفلبيني ضمان ٦ اشهر.  قبل ذلك.    تتأكد ان الخلل منها.   يمكن شي بسيط.  
وارى بعد ماتتاكد.   تسأل عن الفلبيني اذا كان ثقه.    وانا بصراحه.  اثق فيهم.    بس بديت احذر.  لأن طلع منهم نماذج.   سباكين
ولصوص.   قله.  لكن خلوني.  حتى الفلبيني احذره.     عموما. لايزالون الافضل.    ف ارى انك تصلح عنده ب ٨٠٠ ضمان ٦ اششهر
ويمكن. تقعد معك على طول
قبل ذلك.   قل له.   لقيت واحد بيظبطها ب ٥٠٠ بس عشانك فلبيني.    شغل كويس. انت الاولى.  تبي ٥٠٠. اوكيه.     جرب
جايز يقبل.  وجايز يقبل بأقل.    لكن اكرر مر ١٠ ورش مختصه.  منت خسران شي.       وترى تراي ستار.  ياخذون ٢٠٠ فحص
وكشفهم بجهاز.   دقيق


up 4 down 0
عبدالله الشفيعي 1429
قبل 8 شهر و أسبوع



عشان تعرف ان رقم القطعة مطابق لسيارتك لازم تاخذ رقمها من محلات القطع برقم الهيكل 
ثاني شي القطعة المعروضة في ebay ماهي جديدة هذه مجددة 
يعني مصلحة ومعاد تغليفها والبايع كاتب الشي هذا في الاعلان remanufactured
ارسل لي رقم الهيكل على الخاص وبكره اشوف لك رقمها 


up 6 down 0
hussain4 717
قبل 8 شهر و أسبوع



عبدالله الشفيعي
مريت اكثر من ثلاث ورش وكلهم رسلوني لهذا الفلبيني
وبعد الفحص طلع لي ٣ برنتات كلها تخص البودي بلف
وقبل السنه تقريبا فحصت في ورشه اخرى وطلعلي ونفس البرنتات تقريبا
تراي ستار كانو بشارع الاسكان مانقلو؟

hussain4
مجدد يعني اللي عندي يتصلح؟
وارسلت لك رقم الهيكل على الخاص الله يجزاك خير



up 2 down 0
احمد 170 287
قبل 8 شهر و أسبوع



هذا رقم الهيكل للعموم:1N4AL21D59C144783


up 2 down 0
احمد 170 287
قبل 8 شهر و أسبوع



اذا عزمت تغير البلف بودي ترا من الافضل تغير حساس القير وكذلك قطعة كهربائية نسيت اسمها لكن مثل الظفيرة الصغيرة 
طولها ما يتعدى ١٠ الى ١٥ سم مشبكها مثل مدخل الكمبيوتر وظيفتها نقل الكهرباء لمخ القير .

اما اذا عزمت ان الفلبيني يصلح مخ القير فترى هو بينظف بلوف المخ والستت في المخ وينظف مداخل ومشابك الكهرباء 
بمنظف الكترونيات .

وان شاء الله بكلتا الحالتين ترجع سليمة باذن الله 


up 2 down 0
nasser1430 858
قبل 8 شهر و أسبوع



nasser1430
القطعه الصغيره اللي تقول عنها مثل الكيبل تم تبديلها
والبودي بلف تم تنظيفه سابقا ونفس المشكلة
وحساس القير ماطلع بالفحص!


up 0 down 0
احمد 170 287
قبل 8 شهر و أسبوع



اخوي سجل في الموقع وارسل رسالة للبائع برقم الهيكل
وقله يتأكد انها مطابقة ولا لا


up 0 down 1
متسوق جدة 104
قبل 8 شهر و أسبوع