أضف سؤال أو موضوع جديد          

سيارة بديلة في حالة الصيانة

up 2 down 1
كحلي 306
قبل 8 شهر و 2 أسبوع



السلام عليكم يااخوان
حجزت موعد بعد بكرة في العيسى عشان صيانة السيارة
سيارتي باترول 14 ماشي 98 الف
وانا غير منتظم بالصيانة معهم ابد
احس السيارة ماهي صافية وبشيك عليها
سؤالي / هل بيعطوني سيارة بديلة في حال جلست عندهم السيارة اكثر من يومين ؟
يعني اقدر اهايط عليهم واهددهم بوزارة التجارة اذا رفضوا يعطوني ؟
ولا ابلع العافية واعطيهم سيارتي واستاجر سيارة ؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
تقولك وزارة التجارة يابعد حيي
انه اذا كانت صيانة دورية لايحقلك سيارة بديلة
ولاكن لو عطوك مثلا وعد يومين او يوم
انهم ينجزون سيارتك واخلفوا في وعدهم وتاخروا عن الموعد
يحقلك تطالبهم بسيارة بديلة او تعويض مبلغ مادي



up 3 down 0
الرفاعي33 13776
قبل 8 شهر و 2 أسبوع



اخوي الرفاعي .. جاتني معلومة انه يحقلك تطلب سيارة بديلة في حال كان يستغرق صيانة سيارتك اكثر من يومين
حتى لو كنت غير منتظم بالصيانة الدورية
عشان كذا سألت :)


up 0 down 0
كحلي 306
قبل 8 شهر و 2 أسبوع



المعلومة انت فهمتها غلط
المعلومة تقول لو جيت اليوم
وعطوك موعد التسليم بعد بكرة الصباح الساعه 11
ورحتلهم وقالوا والله ياعم كحلي عطنا يومين زيادة وتعال
هنا تنشبلهم يعطونك بديل سيارة او مبلغ مالي
رفضوا بلاغ يوصل الوزارة
اهم شي يطبعلك ورقة موعد التسليم عشان تنشبلهن
اذا تاخروا
والمعلومة جايبها من موقع وزارة التجارة


up 3 down 0
الرفاعي33 13776
قبل 8 شهر و 2 أسبوع



وضحت الحين ..
شكراً لك اخي الكريم :)


up 0 down 0
كحلي 306
قبل 8 شهر و 2 أسبوع



ونوهت الوزارة أنه لا يتم صرف سيارة بديلة في حالة الصيانة الدورية وإصلاحات الحوادث وعند تأخير شركة التأمين

يعني مالك شي


up 1 down 0
ابو عزوز8 406
قبل 8 شهر و 2 أسبوع



إذا تعذر الانتفاع بالسيارة لخلل مشمول بالضمان.
التأخر عن التسليم المباشر لقطع الغيار ذات الطلب المستمر للمستهلك أو ذات الطلب النادر خلال 14 يوم من تاريخ الطلب.
التأخر عن الموعد المحدد للانتهاء من أعمال الصيانة الدورية وغير الدورية.
التأخر عن الموعد المتفق عليه لاستلام السيارة الجديدة.
إذا تأخر الوكيل لأكثر من ساعة واحد بتزويد المستهلك بوثيقة توضح تكلفة وموعد الانتهاء من أعمال الصيانة الدورية من وقت إحضار السيارة.
وهذي شروط الحصول على سيارة بديلة


up 1 down 0
ابو عزوز8 406
قبل 8 شهر و 2 أسبوع



الوكالات ماعاد ينفع الهياط معهم لو تقول لهم بشتكي بيعطونك الرقم على طوووول 

كل واحد يجلس يهددهم مايشتغلون على كذا لذلك خلك دوبلوماسي معهم 


up 1 down 1
benz lover -65
قبل 8 شهر و 2 أسبوع