السنترا مالها فلتر بنزين ....أمر سلبي

وعليكم السلام 
اخوي ابوسند الوضع عادي جدا اذا المحطات الي تعبي منها 
مضمونه 
بتمشيك فوق ال 400 الف بدون تغيير الفلتر او صفاي البنزين 
والحاجات ذي ماتغير الا اذا خربت كلام الكاتلوج كله خساير و وسوسه 

فلتر المكيف هو اللي مهم
و بعض السيارات ما فيها خصوصا" المستوبيشي
جربت الناتيفا و الباجيرو

بالفعل فلتر المكيف اهم من فلتر البنزين
والي يقهر بعض السيارات مافيها فلتر
مثل الجموس الشكل الي قبل 2015 مدري عن الجديد كان حاطين فيه ولالا
والفوردات بالاخير تضطر تنظف الثلاجه من 700الى الف ريال مع فريون جديد
وتنزل نص الديكور كله بسسبب عدم وجود الفلتر

نفس الصني 2010 الصفاية تجي مع الطرمبه قطعه وحده وسعرها 550 قبل 4 سنوات الحين مدري بكم ...

40 ريال في السيارات الأخرى

تذكرت كورولا 2001 و 2002 تأتي بدون فلتر وتشتريه من الوكيل بعد أن تنعدم الثلاجة

ياشباب معي باجيرو ومافيه فلتر مكيف ايش الحل ؟

حولتوا الموضوع لفلتر مكيف !

شي سلبي فعلا وحاليا كل النيسان نفس الطريقه بدون فلتر(صفايه) بنزين .. يجي مدمج مع الطرمبة ولا يحتاج تغيير على كلامهم

امر تجاري بحت .. لكن في نقطه ثانيه ان فلاتر البنزين بالسيارات الجديده عمرها طويل

سيارتي التيما 2010 وماشي حول 200000 والى الان مافي اي ملاحظات على نظام البنزين يمكن العلم تطور واحنا ماندري

ممكن العلم تتطورومتحتاج تغير او ان البنزين الان نظيف ماهو زي زمان

الكابرس و اللومينا بدون فلتر ولا تعاني من مشاكل حتى بعد ممشى ٤٠٠ ألف

تبقى الطرمبة حقت وكالتها ما تغيرت

ينباع بالنت فلتر بنزين لكن مشكلته التركيب فك طرمبه وتغير فلترها

بصراحة امر سلبي للغاية . ومن الامور التي كرهتني بالسنترا .وتوجهت للهوندا.
3 اشياء.
1- فلتر البنزين مُدمج مع الطرمبة وسعره بالمحل الوحيد الذي يبيع قطع سنترا بالخبر 850 ريال وهو مدمج وقد تصل التكلفة 1000 مع شغل يد . لانها تعتبر مثل تغيير الطرمبة بالكامل وفك التانكي وتفريغه واعادته.
2- تغيير البواجي الكثير يقولوا انه لابد من فك الثلاجة واعادتها. ولايعملها بإتقان غير الووكيل.
3- محل واحد فقط وبائع واحد فقط وبالجوال بعد . هو بمنطقة كاملة وبالطلب لقطع الغيار. شئ مُحزن.

للاسف سيارة جميلة لم يخدمها الصانع والوكيل.

الحل بسيط امش بها بدون تغيير لين خربت الطرمبة غير مايبي لها واحد ، الحين ناس عندهم فلتر بنزين مايغيرونه وانا اولهم كنت اغيره للأمانة ايام السوناتا الحين الاوبريس 4 سنين ومشيتها حول 160 الف وداخله بحر 336 الف ماغيرته ابد ويمشي الموتر مابه خلاف

أنا عندي نافارا وفلتر البنزين نفس قصة السنترا، وما كنت لأغيره لولا إن عداد البنزين عندي خربان ما يعطي قراءة صحيحة.

فيه ناس فلتر البنزين يمشي معهم زي الحلاوة الى ان تروح السيارة سكراب من غير شر 
وفيه ناس يخرب او ينعدم معهم فلتر البنزين من اول سنة او سنتين 
مجرد حظوظ لا أكثر .
لكن على قد ما تحرص زود تجيك الخرابات .. انت اهم شيء حافظ على موترك وبيسلك معك باذن الله

لا توسوس الشكوى لله كل السيارات الحين اغلبها الفلتر داخلي تورس كوابرس وسيارات كثير انت امش ممكن 100 الف ممكن 200 الف انت وحظك ووقت تخرب الطرمبه تغيرها وخلاص انتهى الموضوع

طبعاً سالفة انهم يحطونها داخلي ماعليكم من كلام انها ماتحتاج التغيير لا نصابين لانهم يدرون عمر الطرمبة الافتراضي راح يكون اقل وراح تُستهلك اكثر زي ماصار لي مع الكابرس يوم غيرت الطرمبة ،، اما لو زي الفورد قبل تغير فلتر البانزين كل 35 الف كيلو ويا سلام ب 35 ريال وبكل سهولة وتحافظ على الطرمبة