استغفر الله العظيم

خويي عنده سيارة ابوه مريض و شايب وكالة ماشيه 20 الف
فحصها و رسبت في الفرامل الخلفيه و موتري نفس الشيء
مع العلم الفرامل تمام مافيها شيء وغير الراسبين زحمه داخل المكتب
لاسباب تافهه

الله يعين

حبيبي الغرض انك تدفع ٢٤ اعادة الفحص دافع ال ١٠٠ دافعها

يارجال الفحص اجباري اذا تبي تجدد ولا تبيع
والمشكلة يدققون على اشياء تافهه والاشياء اللي
فيها ضرر كبير يمشونها مثل ماقلت ملعنه 
ولا كيف سيارة مطعوج شاصيها من النص 
وفحصها جديد ماله شهر وسيارات مقصوصه 
مكانها التشليح تنجح بالفحص والسيارة الصاحيه
ترسب عشان صاموله ناقصه ولا شعر بسيط بالقزاز 

عن عبد الله بن مسعود رضي الله عنه قال: قال رسول الله صلى الله عليه وسلم: ((ليس المؤمن بالطعان، ولا اللعان، ولا الفاحش، ولا البذيء))

المشكله في ناس برا تعطيهم 250 الى 300 ويمشونها لك ومالك الا ورقه ناجحه بالفحص

الله يقلعهم انا اهون منك رسبوني على دقه في الصدام الامامي وشوف التحشيش حقهم والله رجعت صفيت مره ثانيه والا عدلت الدقه ونجحوني هم بس يبغون فلوس اعادة الفحص 

انا والله سيارتي فيها بلاوي الدنيا

تهريب زيت من القير والمكينه

الأذرعه رايحه فيها

جلد متقطعه وحالتها حاله

فيه صقعه خفيفه بالرفرف الخلفي

الدوده خربانه

بلوط الكفرات ناقص واحد من كل كفر

المهم يبيلها ميزانيه حتى تعدي من الفحص

رحت عند ميكانيكي قلتله ابي اعدل السياره ع شان الفحص

يوم حسبتها شفتها تكلف سعر اغلى من السياره

رحت عند واحد وقلتله السالفه

قال انا اجددلك الفحص واعدل كلش ومالك إلا تعدي من الفحص

وهذا الى صار عطيته 400 ريال شامل كلش

عدل شغلات بسيطه

المهم
ساعتين ثلاث وهو جايني والسياره مفحوصه

بعدها جدد الإستماره

انا كل ثلاث سنوات اروح افحص موتري و يرسب بالفرامل الخلفيه
مهما صلحت ترسب و لا اعرف ليش السبب مع ان كل شيء بدلته
اي بي اس و هبات وراء و قدام و اقمشه جديده و بدلت الزيت
وبدلت الموزع و العلبه اصلي
و لا لقيت اي نتيجه و اصلا الفرامل شغاله احسن مايكون قبل و بعد و كل دا و ترسب

حياك
قبل اسبوع وديت سيارة لي هايلوكس عدت من كل شي الفرامل
الخلفيه لين شدينها يعني السيارة تحسها محجرة
وفعلا عدت 

انا في 2009  رسبوني علشان فرامل يبغالها وزنية مع انها جيدة ما تحتاج يعني ممكن يعطيني ملاحظة

لا والنكتة بعد حاطين لي الفرامل محروقة وهي بالأساس شغالة يعني الغبي المفروض يلف الفرار حق الأنوار .

الفرامل هذي سالفتها سالفة وانا المسكين اروح الورش اللي جنب الفحص  وأقول لليماني يسويها والله ثلاث مرات لين عدت وكلها في نهار واحد

اول مرة و الثانية عدلتها عند اليمني و ما مشي الحال  ورجعت له و سواها من جديد و الثالثة غيرت المسار و عدت أخيرا  

انا متأكد لو اني من البداية مغير المسار كان بتنجح . 

سيارتي فحصها ان شاء الله في جمادى الآخر و يصادف فبراير ونشوف وش بيصير 

انا قبل كم شهر وديت سيارتنا ومشوني
مع ان الكفرات كانت ممسوحة من الجنب والصدامات فيها خدوش
بس فكيت ا لدعامات ودخلت ومشوني من اول مرة

ادخل مره ثانية في مسار ثاني وبتلاقي تعديلات اقل عدلها وتمشي

عاد باقي بس مغامرات ابو سعود وحفيده مع الفحص الدوري ؛)

لاتحط في ذمتك شي

الاشياء اللي رسبوك فيها انا معهم قلباً وقالباً يرسبونك فيها يجيني كوم ديسلايك بسلامته بس كلمة الحق تنقال


حاط تظليلة على الاصطب الخلفي يعني لما تسحب فرامل في شارع منور او حتى مظلم مايبان زين وهذي بحد ذاتها غلط وقد تسبب حوادث والسبة الناس ماتدري انك ساحب فرامل لأن الاصطب مطفي ومايبان


بتقولي فاحصها العام بنفس الحال ومشت لايعني انها مشت انك صح لا هذي وانا معهم فيها والمفروض المرور يخالف عليها بعد واعتقد انهم يخالفون لو اكتشفها فعلياً


شي يهدد حياة الناس او يضر السائقين الاخرين انا معهم فيه والليد بعد غلط عالي ليد لاتقولي ما اشوف ونور الواطي مهب زين هذا مهب عذر اجل بتحط ليد عشان تشوف وتعمي العالم غلط


دائما الزنون والانوار هذي لما تتركب على سيارة من الاساس مهيب فيها تضايق السائقين اكثر من الشد بلد لأنه مصمم لها وموزون بشكل صحيح وعدسته جيدة


الفرامل من سنة ونص يعني ماتبيها تخرب او تنتهي مهب عشانها تهدي خلاص لا يرسبوني رح افحصها وتأكد انت الحين واضح انك ضايق وتبربر بس مافحصتها يمكن لو تروح بيقولك والله باقي فيها شي بسيط فقط ومن حقهم يرسبونك في الحالة هذي


الخلاصة صلح فراملك ورد السيارة شد بلد تمشي نظامي


يعني فيه اشياء ثانية تجمل السيارة ولا تضر اللي حلوك اهم من ذا الخرابيط يعني وش فيه النور الاصفر ينور واحسن من الزنون في الغبار وغيره ركب جنوط ركب شاشة ركب اشياء لا تعمي خلق الله ولا تضر اللي وراك مايدري انك مهدي بسبت هالتضليلة



وبعدين يوم عن يوم النظام يتغير اول ماكنا نعرف ذا اللي يحطون لزقات وخرابيط تشال سياراتهم الحين أي شي يفسد الذوق العام اشقله وجعلهم اقويا العالم بدت تتمسخر بيبي وسناب وشغل مراهقين

والله حظوظ هي ،، 

انا اذكر كان موتري في كسر في القزاز الامامي يعني حول ١٨ سم ،،
والمساحات كانت تالفه ونسيت اغيرها اصلا قبل ادخل الفحص
عندي الانوار غير موزونه و الاصطب يتحرك  فوق تحت شيء بسيط عشان القاعده مكسوره ،،
والبخاخات كانت تحتاج تنظيف و الموتر كان غير صافي والغريب انه نجح في  هذا كله

بس رسب عشان الفرامل و الاذرعه تالف و وزن.
ثم نجح في الاعادة 

بس اتوقع على حسب المدن و المحافظات يختلفون ،، 

بختصر لك السالفة في اربع كلمات

الموضوع حظوظ ونفسية موظفين

من الغباء في بعض الناس يروح الفحص وهو ماكشف على سيارتة

يااخي اكشف على كل شيء وبعدين ابك على راحتك