أضف سؤال أو موضوع جديد          

ملعنه الفحص

up 9 down 5
المتوكل 777 463
قبل سنه و 10 شهر



السلام عليكم ورحمة الله وبركاته

ياشباب وش سالفة الفحص مشددين ولا انا طبيت في ناس نحسة

وربي فحصتها قبل سنه ونص وعلى حالها ماتغير شي ونجحت من أول مره

الحين يقولي فك الزنن وفك الد عالي وكشافات وكمان النور الخلفي عليه تظليلة يقولي فكها والفرامل الخلفيه وربي مافيها شي بس نظام تطفيش


أخبر آخر مره فحصت كانو العمال فلبين وجيهم كلها بشاشه

الحين جاء في وجهي هندي جلس يهز الصدمات والمرايات ماخلا شي ماهزه

بعدين اول مره يفحص الداخليه مراتب وديكور

والموظف سعودي احسه كاره الشغل يشتغل بدون نفس

الزبدة ادري طولت بس منقهر المره الأولى انفحصت والسيارة هيا هيا كان الزنن فيها وكل شي فيها إلى الد

الحين وش الدبره







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خويي عنده سيارة ابوه مريض و شايب وكالة ماشيه 20 الف
فحصها و رسبت في الفرامل الخلفيه و موتري نفس الشيء
مع العلم الفرامل تمام مافيها شيء وغير الراسبين زحمه داخل المكتب
لاسباب تافهه

الله يعين


up 3 down 0
mustafa77 6103 361
قبل سنه و 10 شهر



حبيبي الغرض انك تدفع ٢٤ اعادة الفحص دافع ال ١٠٠ دافعها


up 6 down 3
benz lover 75
قبل سنه و 10 شهر



يارجال الفحص اجباري اذا تبي تجدد ولا تبيع
والمشكلة يدققون على اشياء تافهه والاشياء اللي
فيها ضرر كبير يمشونها مثل ماقلت ملعنه 
ولا كيف سيارة مطعوج شاصيها من النص 
وفحصها جديد ماله شهر وسيارات مقصوصه 
مكانها التشليح تنجح بالفحص والسيارة الصاحيه
ترسب عشان صاموله ناقصه ولا شعر بسيط بالقزاز 


up 4 down 0
w.asa 2053
قبل سنه و 10 شهر



عن عبد الله بن مسعود رضي الله عنه قال: قال رسول الله صلى الله عليه وسلم: ((ليس المؤمن بالطعان، ولا اللعان، ولا الفاحش، ولا البذيء))


up 13 down 9
برق الحيا 88 597
قبل سنه و 10 شهر



المشكله في ناس برا تعطيهم 250 الى 300 ويمشونها لك ومالك الا ورقه ناجحه بالفحص


up 3 down 1
مستريح البال 1 1785
قبل سنه و 10 شهر



الله يقلعهم انا اهون منك رسبوني على دقه في الصدام الامامي وشوف التحشيش حقهم والله رجعت صفيت مره ثانيه والا عدلت الدقه ونجحوني هم بس يبغون فلوس اعادة الفحص 


up 7 down 1
عامر النجبي 24
قبل سنه و 10 شهر



انا والله سيارتي فيها بلاوي الدنيا

تهريب زيت من القير والمكينه

الأذرعه رايحه فيها

جلد متقطعه وحالتها حاله

فيه صقعه خفيفه بالرفرف الخلفي

الدوده خربانه

بلوط الكفرات ناقص واحد من كل كفر

المهم يبيلها ميزانيه حتى تعدي من الفحص

رحت عند ميكانيكي قلتله ابي اعدل السياره ع شان الفحص

يوم حسبتها شفتها تكلف سعر اغلى من السياره

رحت عند واحد وقلتله السالفه

قال انا اجددلك الفحص واعدل كلش ومالك إلا تعدي من الفحص

وهذا الى صار عطيته 400 ريال شامل كلش

عدل شغلات بسيطه

المهم
ساعتين ثلاث وهو جايني والسياره مفحوصه

بعدها جدد الإستماره






up 3 down 4
3abdulrahman 45
قبل سنه و 10 شهر



انا كل ثلاث سنوات اروح افحص موتري و يرسب بالفرامل الخلفيه
مهما صلحت ترسب و لا اعرف ليش السبب مع ان كل شيء بدلته
اي بي اس و هبات وراء و قدام و اقمشه جديده و بدلت الزيت
وبدلت الموزع و العلبه اصلي
و لا لقيت اي نتيجه و اصلا الفرامل شغاله احسن مايكون قبل و بعد و كل دا و ترسب



up 3 down 0
زاهد الاحمدي 477
قبل سنه و 10 شهر



حياك
قبل اسبوع وديت سيارة لي هايلوكس عدت من كل شي الفرامل
الخلفيه لين شدينها يعني السيارة تحسها محجرة
وفعلا عدت 


up 1 down 0
باترول 2020 2615
قبل سنه و 10 شهر



انا في 2009  رسبوني علشان فرامل يبغالها وزنية مع انها جيدة ما تحتاج يعني ممكن يعطيني ملاحظة

لا والنكتة بعد حاطين لي الفرامل محروقة وهي بالأساس شغالة يعني الغبي المفروض يلف الفرار حق الأنوار .

الفرامل هذي سالفتها سالفة وانا المسكين اروح الورش اللي جنب الفحص  وأقول لليماني يسويها والله ثلاث مرات لين عدت وكلها في نهار واحد

اول مرة و الثانية عدلتها عند اليمني و ما مشي الحال  ورجعت له و سواها من جديد و الثالثة غيرت المسار و عدت أخيرا  

انا متأكد لو اني من البداية مغير المسار كان بتنجح . 

سيارتي فحصها ان شاء الله في جمادى الآخر و يصادف فبراير ونشوف وش بيصير 


up 2 down 2
بدر الباثفايندري 1088
قبل سنه و 10 شهر



انا قبل كم شهر وديت سيارتنا ومشوني
مع ان الكفرات كانت ممسوحة من الجنب والصدامات فيها خدوش
بس فكيت ا لدعامات ودخلت ومشوني من اول مرة


up 2 down 1
7ssom 419
قبل سنه و 10 شهر



ادخل مره ثانية في مسار ثاني وبتلاقي تعديلات اقل عدلها وتمشي


up 2 down 2
سند10 1159
قبل سنه و 10 شهر



عاد باقي بس مغامرات ابو سعود وحفيده مع الفحص الدوري ؛)


up 1 down 3
benz lover 75
قبل سنه و 10 شهر



لاتحط في ذمتك شي

الاشياء اللي رسبوك فيها انا معهم قلباً وقالباً يرسبونك فيها يجيني كوم ديسلايك بسلامته بس كلمة الحق تنقال


حاط تظليلة على الاصطب الخلفي يعني لما تسحب فرامل في شارع منور او حتى مظلم مايبان زين وهذي بحد ذاتها غلط وقد تسبب حوادث والسبة الناس ماتدري انك ساحب فرامل لأن الاصطب مطفي ومايبان


بتقولي فاحصها العام بنفس الحال ومشت لايعني انها مشت انك صح لا هذي وانا معهم فيها والمفروض المرور يخالف عليها بعد واعتقد انهم يخالفون لو اكتشفها فعلياً


شي يهدد حياة الناس او يضر السائقين الاخرين انا معهم فيه والليد بعد غلط عالي ليد لاتقولي ما اشوف ونور الواطي مهب زين هذا مهب عذر اجل بتحط ليد عشان تشوف وتعمي العالم غلط


دائما الزنون والانوار هذي لما تتركب على سيارة من الاساس مهيب فيها تضايق السائقين اكثر من الشد بلد لأنه مصمم لها وموزون بشكل صحيح وعدسته جيدة


الفرامل من سنة ونص يعني ماتبيها تخرب او تنتهي مهب عشانها تهدي خلاص لا يرسبوني رح افحصها وتأكد انت الحين واضح انك ضايق وتبربر بس مافحصتها يمكن لو تروح بيقولك والله باقي فيها شي بسيط فقط ومن حقهم يرسبونك في الحالة هذي


الخلاصة صلح فراملك ورد السيارة شد بلد تمشي نظامي


يعني فيه اشياء ثانية تجمل السيارة ولا تضر اللي حلوك اهم من ذا الخرابيط يعني وش فيه النور الاصفر ينور واحسن من الزنون في الغبار وغيره ركب جنوط ركب شاشة ركب اشياء لا تعمي خلق الله ولا تضر اللي وراك مايدري انك مهدي بسبت هالتضليلة



وبعدين يوم عن يوم النظام يتغير اول ماكنا نعرف ذا اللي يحطون لزقات وخرابيط تشال سياراتهم الحين أي شي يفسد الذوق العام اشقله وجعلهم اقويا العالم بدت تتمسخر بيبي وسناب وشغل مراهقين


up 5 down 1
a.ibrahem 3123
قبل سنه و 10 شهر



والله حظوظ هي ،، 

انا اذكر كان موتري في كسر في القزاز الامامي يعني حول ١٨ سم ،،
والمساحات كانت تالفه ونسيت اغيرها اصلا قبل ادخل الفحص
عندي الانوار غير موزونه و الاصطب يتحرك  فوق تحت شيء بسيط عشان القاعده مكسوره ،،
والبخاخات كانت تحتاج تنظيف و الموتر كان غير صافي والغريب انه نجح في  هذا كله

بس رسب عشان الفرامل و الاذرعه تالف و وزن.
ثم نجح في الاعادة 

بس اتوقع على حسب المدن و المحافظات يختلفون ،، 


بختصر لك السالفة في اربع كلمات

الموضوع حظوظ ونفسية موظفين


up 2 down 1
king.king 832
قبل سنه و 10 شهر



من الغباء في بعض الناس يروح الفحص وهو ماكشف على سيارتة

يااخي اكشف على كل شيء وبعدين ابك على راحتك


up 1 down 0
قناعة 1
قبل سنه و 10 شهر