أضف سؤال أو موضوع جديد          

عن ماء اللديتر وبلف الحرارة لتغير

up 2 down 1



السلام عليكم ورحمة الله وبركاتة ،، 

عندي ياا اخوان حرارة السيارة ملاحظ لها فترة ترتفع حاجه بسيطه عن الطبيعي اللي انا معتاد عليه من يوم اشتريتها ، طبعاً جديد وبالأخص مع الطلعات لو طلعة بسيطة الاحظ الأمبير يرتفع شوي ، اللمهم قلت بغير البلف والمويه

س / ماهي طريقة تغير الماء الصحيحة هل بعد ما افرغ الماء القديم انتظر السيارة لتبرد تماماً لإضافة الماء الجديد ؟ او اعبي نسبة قليل واشغل واكمل الباقي ؟

س / وبنسبة للهواء عشان اللديتير ما ياخذ هواء كيف الطريقة بضبط ؟

س /  عن البلف السيارة ددسن مكينة بخاخ مريت صناعية الخليج في الرياض اكثر من يقول تغير البلف مكلف لأنه اسفل تحت السيور ولازم نتطلع السيور صحيح كلامهم ؟

س/ اللي يعرف ورشة كويسة سواً في الخليج او الصناعية القديمه بحكم اني موب من اهل الرياض ابي احد يدلني على ورشة كويسة ،  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي سبب ارتفاع الحرارة هي الرديتر يكون مسكر من الاوساخ
طبعا اذا كنت تعبيلها موية عادية يسبب ترسبات في الرديتر
الحل فك الرديتر وتنظيفه من الداخل
بالنسبة للهواء داخل الرديتر والمكينة طريقتها تفك اللي لين يطلع موية
ما اعرف اشرحلك لانه سيارتي ييجي ليين على القربة الموية
تفك الراجع وتنتظر لين يخرج موية بدون هواء
انت شيك على اللي الي ييجي من القرية تحت
وشوفه اذا قاسي احتمال يبيله تنظيف من الداخل
بالنسبة لبلف الحرارة حقين الرديترات يقدرو يشيكو عليه
لو اعرف محل مضمون كان دليتك عليه
الافضل تروح الصناعية القديمة او صناعية النسيم
صناعية الخليج ما عندهم سالفة
موفق اخوي


up 0 down 0
sh-ta 35
قبل 12 شهر



ماقد غيرت المويه ، حقت الوكالة ، وازودها اي سدلكو اخضر اذا نقص


up 0 down 0



نوع سيارتك وموديلها وممشاها ؟؟؟


up 1 down 0
sh-ta 35
قبل 12 شهر



ددسن ٢٠٠٩ ممشى ٧٧ 


up 0 down 0




ما شاء الله
الممشى ممتاز بالنسبة لمديله
لكن لا تستبعد الي قلت لك عنه
مديله قديم نوعا ما
وطبعا كله احتمالات
لازم تفحص عشان تتاكد


up 1 down 0
sh-ta 35
قبل 12 شهر



لا تضع إلا ماء نيسان الأصلي فقط لضمان طول عمر الرديتر.


up 1 down 0
7
قبل 12 شهر



ياخوي اول شيء تسوي تسييخ للرديتر ويفك البلف ( ترى مكانه ورى
السيور وامره بسيط لكن هم يكبرون الشيء !!) وبعدها تنظيف دورة
التبريد في المكينه كامله بجهاز عندهم والاغلب لونه اصفر .
وبعد ماينظف خلف يحط علبة او علبتين ماء مقطر لاخراج بقايا
ماء تنظيف دورة التبريد في الرديتر والمكينه وبعدها خله يركب البلف
( البلف فيه زي المسمار الصغير جدا ويكون عند التركيب اتجاه بالاعلى
لايركب البلف والمسمار في الاسفل !!)
وبعدها خله يركب الرديتر وبعد تركيب الرديتر ضروري يفك قربة المويه
وينظفها ضروري وبعد مايركب القربه تعبي المويه المخصصه 
.
وموية الددسن لها وزنيه في دفتر الوكاله
(واكبر خطأ تركب موية اصليه 50/50 وفي دفتر الوكاله
مكتوب 30 مركز و70 مقطر !!ولا حصلت النسبة هذي70/30
الا في موية ميستوبيشي من الوكيل !! )) وخذ علبتين تكفي وسعر
العلبه 35 ريال تقريبا وبتلقى عليها رقم 70٪ او 30٪ او الاثنين مع
بعض وعب الرديتر بدون ماء مقطر ، وعب القربه الى الحد وانتبه تزيد!!
.
ومن ناحية الهواء بسيط بعد ماتغير المويه رح ووقف الموتر على مرتفع
ولو بسيط جداً وخل الموتر اقل شيء ساعه عشان يبرد 
وبعدها شغل الموتر وافتح غطاء الرديتر وخل الموتر شغال تقريبا
15 دقيقه وبعدها شغل المكيف وخله شوي وبتشوف فقاعات هواء
تطلع واذا نقص الماء زود موية من العلبه اللي شريتها وبعدها اذا 
ماعاد شفت فقاعات هواء خلاص قفل الغطاء وتوكل على الله 
.
ونصيحه غير غطاء رديتر من الوكاله والبلف بعد خذه من الوكاله 
لاني اخذت بلف حرارة ددسن من قطع غيار معتمد
وقال وكاله !! وبعدها اكتشفت انه خرطي فيفضل من الوكاله 
.
.
والله يوفقك 


up 1 down 0
عبدالله 711 769
قبل 12 شهر



شاكر لكم ،، يعطيك العافيه عبدالله ، انا متابع مواضيعك لي فتره ولا اعرف ارسل رساله خاص بغيت رقمك اذا مافيه احراج فيه شوي استفسارات 


up 1 down 0



الله يعافيك اخوي ،، توني اشوف ردك وانت الله يرزقك لو ضغطت
لايك ولا دسلايك هههه عشان اعرف انك رديت ! لكن ابد عطني رقمك 
وانا بتواصل معك واتس 


up 0 down 0
عبدالله 711 769
قبل 7 شهر و 2 أسبوع