رأيكم بنيسان صني وسعرها 2011

عمليه جدا جدا للبلد

حياك الله اخي الكريم  شكلك تقصد الشكل الكوري 
السعر العادل  لا يتجاوز ال ١٥ الف  الى ١٧ الف في حال النظافة 
نعم هي سيارة تصلح للاستخدام اليومي وسيارة كررف بكل ماتعنيه 
الكلمة ،  
يعيبها ضيق المساحة الخلفية 
اذا تاكل حفر ومطبات كثير بتسمع طقة  كرسي المساعد 
تكييفها بارد جدا تبارك الرحمن 
.
.
كفرات الوكالة تقلل من الرساوة خصوصا اذا تجاوزت تريلات 
ولكن الحل تركيب كفرات اعرض ( تلقى مقاساتها على طرف باب السائق ) 
.
.
باذن الله لو تحافظ عليها بتعيش معاك اكثر من ٣٠٠ الف كلم وماتطلب الا اشياء استهلاكية 
ومبروك مقدما 

كانت معي وحده ٢٠١١ لكن كنت مغشوش فيها ارباقها طالع والشاص ملحم 
ولكن قعدت معي ٩ شهور كرفتها كرف الويل يوميا من المدرسة للبيت على ١٧٠ و ١٦٠ لان البيت والمدرسة كان بينها خط واحد مسافة ٧ كيلو 
وما قصرت كفو شريتها وتحتاج أقمشة خلفية وبعتها وانا ما صلحتها 

معروض 2005صني راعيها طالب فيها 3اللاف ريال لان مسافر خروج نهائي
يعني لو تكاسر في السعر لحد 10 يكون حلو لان اسعار السيارات طايحة بالمرة

على كلام صاحبي والعلم عند الله ويحلف لي انه شاف كورلا 2011 اتباعبت بسعر 13الف ريال قير عادي لان صاحبها كان مرة مستعجل عالبيعة
والله يوفق الجميع

سعرها اذا البدي بلد يصل 13 الف
السيارة ممتازة واهم ما تمتاز به التكييف
يعيبها الضيق
سيارة عمليه وحقت كد ومد لكن شكلها قبيح
بالنسبه لنقل الملكيه النقل ب 350 ريال والتأمين
حسب العمر اذا عمرك فوق ال 26 تكافل الراجحي
يطلع عليك ب 566 ريال من الموقع مباشرة بدون
وسيط مكتب بالنسبه للنقل لاتروح للمعارض اللي
بالواجهه اسعارهم غاليه روح المعارض اللي بالداخل
حتى ممكن تلاقي ب 300 ريال بس لف انا نقلت قبل
فتره موتر ب 350 ريال قبل شهرين ..بالتوفيق

نسيت ابين شئ بالنسبه للتامين هذا السعر
اذا كان سجلك خالي من الحوادث

تكرف جدا في الأردن سيارات تكاسي واصلة مليون كيلو

جزاكم الله خير جميعا وبارك فيكم
ما قصرتوا وبيض الله وجهكم وحرمه عن النار

بالنسبة للسيارة بعد المكاسرة الرجال وافق على 13 الف والصراحة صارلي شهر ادور سيارات بالموقع لاكن مع الاسف لما اشوفها على الحقيقة تطلع غير عن المعروضة بالموقع وكله ضياع للوقت وهدر للمال اثناء الفحص.
ولكن هذه السيارة هي انضف سيارة شفتها خلال فترة البحث.

اخوي العزيز (اسم المستخدم محجوز) شكرا لك على المعلومات القيمة لاني اليوم شفت احد مكاتب نقل الملكية وقال التأمين بى1000 ريال ونقل الملكية ب 450 ريال
ما اعرف الى متى هذا التسيب والاستغلال والله المستعان