التيما 2015 فل كامل كم تسوى ؟

فيما يخص السعر انا ماعرف تحديدا ولكن فيه طريقة تعرف السعر العادل لها 
شوف اسعار الالتيمات المعروضة ويكون قريب لممشى السيارة اللي تبغاها 
وقارن اسعارها باسعار المعارض وباذن الله راح تعرف كم السعر المناسب 
.
ولعل الاخوة الافاضل يفيدونك مباشرة . 
.
.
بخصوص الاعتمادية انا املك ٢٠١٤ ٤ سلندر 
الان ماشية ٧٧ الف واستخدام سنتين  تبارك الرحمن ممتازة عزم قوي 
واقتصادية في الوقود ( ٨ ريال لكل ١٠٠ كلم )  
طلعت عليها  للرياض وسرعتي ١٣٠ والبنزين يعطيني قريب ٩٠٠ كيلو . 
والحمدلله مافي سخونة للقير مثل مايزعمون
القير يسخن اذا طولت على سرعة ٢٠٠ واكثر
تكييف بارد جدا 
رساوة عاليه في الملفات 
.
.
الارغب ٤ سلندر وعزمها جبااار 
عزلها الارضي اقل بشوي من المازدا ولكنها اوسع 
اعتذر للاطالة واي استفسار حاضرين 

كفى ووفى الرد الاول

عزيزي بالنسبه للسعر كما هو الحال النيسان دائم سعره طايح

ولكن جوده وقوه وتحمل مكينه 10/10 لصالح نيسان

انت تاكد من العداد مو ملعوب فيه

وتاكد من مكينه وقير وخذ رقم لوحتها ومر ون ستوب او الوكاله شوف اهو مغير زيت قير عندهم

لان القير اهم شئ

والاربع سلندر طياره تكفي وتوفي

افادوك بالاستخدام والا سعار على حسب النضافه انا اعطيها من 40 ال 45 تقريبا

بيض الله وجيهكم