أضف سؤال أو موضوع جديد          

وش سبب كثره اعلانات بيع الماكسيما بممشى قليل؟

up 1 down 1
nawafabdullah 62
قبل 4 سنه و شهر



السلام عليكم
قبل7 شهور استأجرت ماكسيما 2016 SV و من بعدها وانا معجب بالماكسيما للامانه الموتر مواصفات مقابل سعر شيء يستاهل
و بغض النظر عن الكلام على الـCVT كله مايهمني لأني سبق جربته في التيما 2012
الغريب اني اشوف لها اعلانات للبيع وهي بممشى ماتعدى 20 الف بالكثير , انا تجربتي للموتر كانت 3 ايام فقط فـ يا ملاك الموتر هل فيه عيوب او مشاكل و اللي بايع ماكسيما بسبب عيب شافه ياليت يتفضل يعلمنا وش شاف فيها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مو بس الماكسيما تلقى لها اعلانات بيع كثيرة ... تقريباً كل المواتر 
لكن بما انك والعلم عند الله لك نية تشتري وحده فأكيد تشوف انه نسبة بيعها كثيرة وهي جديدة او شبة جديدة 
وترا اكثر المواتر المعروضة للبيع تلقاها يا اقساط او ايجار منتهي بالتمليك ويبون يفتكون من سياراتهم لانهم تورطوا 
بقيمة القسط اللي يقص الظهر فأقرب طريقة هي التنازل .


up 13 down 1
nasser1430 873
قبل 4 سنه و شهر



والا الماكس سيارة لا يعلى عليها شكل ومضمون لكن سعرها غويلي شوي 


up 4 down 0
nasser1430 873
قبل 4 سنه و شهر



القير يخوف 
في واحد نزل إعلان للبيع الشكل الجديد يقول في مشكلة في القير 
وفوق هذا أصوات الديكور فيها 


up 3 down 3
king 191919 -10
قبل 4 سنه و شهر



غلطة النيسان تصمم سيدان سبورت مكينة قوة 300
و اخرتها قير CVT اللي يوفر حق مكاين اربع سلندر

لكن بالنسبة لكثر البيع ترا شي نفسي انت تلاحظه
اذا حطيت عينك على موتر و شفت كثر اعلانات بيعه تبدا توسوس


up 7 down 1
أبو نجوى 2442
قبل 4 سنه و شهر



لو تسوي إحصائية بتشوف الأفالون أكثر عدد معروضه للبيع .. بسبب انت مركز على الماكسيما شفتها كثيرة بالنسبة لك وشكلك لك خاطر فيها ;) ،،،
عموما الموتر جبار وعليه ضمان 5 سنوات مفتوح الكيلو واقتصادي بالبنزين اللتر يمشيك 13.9 كيلو مثل صرفية السوناتا


up 6 down 2
abb20 53
قبل 4 سنه و شهر



عشان انت ناوي تشتري ماكسيما


up 2 down 0
ماجد العتيبي 22 35
قبل 4 سنه و شهر



شوف ياصاحبي نصيحه مني شوف المواتر ع الطبيعه ممكن اللي هنا يكونون معجبين في المكسيما و مدحولك السياره بس لا تغلط و تشتري اي موتر اسالني انا توني شاري موتر ماشي ٤٠ الف قبل اسبوع و فحصت و كل شي و اخرتها طلع فيه عله بالكهرباء


up 1 down 0
moaad al-shreef 12
قبل 4 سنه و شهر



يعطيكم العافيه جميعاً
كلامكم منطقي من ناحيه اذا تابعت موتر معين بتلاحظ ان اعلانات البيع فيه كثيرة , لكن بالنسبه للماكسيما اساساً ماتشوفها بالشارع كثير و تشوف اعلانات بيع المستعمل فيها و ممشاهن قليل كثير يخليك تشك ان الموتر فيه مشكله سواءً بخدمات بعد البيع او مشاكل ميكانيكيه وغيره

اخوي moaad الله يعوضك خير انا لو بشتريها باخذ اصفار


up 1 down 0
nawafabdullah 62
قبل 4 سنه و شهر



لالاعادي م فيها شي
ابن عمي معاه مثلها 2016 اظن واموره زي اللوز


up 0 down 0
mjnonko 3
قبل 4 سنه و شهر



السلام عليكم 
اخوي نواف اذا ممكن تعلمني عن محل ايجار السيارات اللي لقيت عنده ماكسيما 2016
ابي اشتري الموتر ولكن متردد
خذيت تجربة قيادة بس ماتكفي موديني لشارع ورا الوكالة ثم نرجع شي غريب مادري
 كيف يعتبرونها تجربة قيادة .... ونفس الشي مع فولكس واجن باسات نفس الطريقة 

فتفضل شيء استأجر موتر وتجربة على خط طويل براحتي

وشكرا


up 0 down 0
abu fahad1438 9
قبل 4 سنه و شهر



ابو فهد استاجرتها في دبي بمحلات الاجار في ديره فيه كذا محل عندهم ماكسيما


up 0 down 0
nawafabdullah 62
قبل 3 سنه و 11 شهر



الله يجزاك خير اخوي نواف 
ماقصرت يالغالي 


up 0 down 0
abu fahad1438 9
قبل 3 سنه و 11 شهر



يابن الحلال ان معي ماكسيما ٢٠١٧ وكالة ماشاء كملت سنة قوة في المحرك مكيفها ثلاجة وايضا اقتصاديه في البنزين ..

لا يهمك احد ومع ذلك عليها ضمان خمس سنوات قير ماكينة مكيف علبة الفرامل علبة الدركسون.





up 0 down 0
السهم الملتهب 1 2
قبل 3 سنه و 10 شهر