أضف سؤال أو موضوع جديد          

صيانة ٥ الالف ددسن

up 1 down 3



شريت ددسن ٢٠١٥ اصفار وسويت الصيانة المجانية عند العيسى والحين صيانة ٥ الف وبغير الزيت ومحتار اغيره عند الوكالة ولا برا 
لأن سعر الوكالة حوالي ٥٧٥ مع الصيانة واخاف اغيره برا ويروح الضمان 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يارجال الدددسن ماصنعت الا للجلد
وش لك بالوكاله وصيانتها
والدددسن ددسن لاتقنيه ولاتكلنوجيا ماهي سياره اوربيه فاخره لازم صيانه
انا بالهايلكس فقط 1000 كيلو ماعملو بها شي
و5000 كيلو غيرو الزيت وعبو الكفرات 45
وفتحو غطا الرديتر و اغلقووه.
قلت هذا وجهي ان جيتكم وسحبت عليهم
هايلكس وش بها اصينها وادفع مبالغ
اودي ولايخت على غفله



up 4 down 0
امير الاصيل 1673
قبل سنه و شهر



عفوا
اذا خايف علشان الضمان شوف بترومين او مركز معتمد عندهم
واذا الدعوه فيها لهف دبل 3 مرات بالسعر هنا نكبه
لانه لاحقا بيقولون تنظيف بخاخات وتصفية مكينه وفلاتر
وبواجي وووووووو


up 1 down 0
امير الاصيل 1673
قبل سنه و شهر



رحت لبترومين على اساس انه ارخص بس طلع نفس السعر 
بس شكلي بخليها تغير زيت من غير صيانة


عندي هايلكس ١٦ من شريته ماسويت له صيانه واغير له زيت 
a1 عند بنشري متعامل معاه من زمان كل ١٠ الالف انا مشتري 
جديد عشان اريح راسي مو كل شهر اصينه بمبلغ وقدره
اذا كذا اشتري مستعمل واصينه كل شهر


up 2 down 0
w.asa 2061
قبل سنه و شهر



ياخوك الددسن موتر جلد من الاخير معي ددسن ١٥ لها ٨ شهور
ماشية ٥٠ الف ماقد غيرت لها الا زيت وسيفون وامش ماشاءالله

اهم شي الزيت 10w30 ولايردك شي


up 1 down 1
alamri19 94
قبل سنه و شهر



وشو 575 ريال سرقه
برمضان غيرت زيت للددسن بخمسين ريال أظن 3 علب بس
وبينتظر تمشي 10 الأف وبغير السيفون بس للحين مد\ري من وين ألقى الأصلي


up 0 down 0
أبو حظيظ 67
قبل سنه و شهر



ابشركم انا ما اعرف الوكالات الا اذا فيه عيب مصنعي يطلع فجأة او استدعاء من المصنع يكون فيه تبديل 
قطعة او اصلاح على حسابهم .

اهم شيء اعمل صيانة لموترك من مركز موثوق بفواتير مطبوعة ... وجميع الفلاتر واهمها فلتر زيت المكينة والقير
وفلتر هواء المكينة والمكيف والقطع الاستهلاكية خذها وكالة أصلي واحتفظ بجميع الفواتير في ملف عندك ( للحاجة لا سمح الله ) 


up 0 down 0
nasser1430 858
قبل سنه و شهر



بترومين هم بعد وكلاء نيسان و تقدر تغير زيت عندهم بدون الصيانة اللي بالجدول.  يعني تقدر تمشيها زيت و فلتر و تطلع عليك

ب 140 ريال.  و الأحسن من بترومين  ون ستوب وهو تابع للحمراني ارخص و خدماته احسن و ما عندهم حركات نصب بترومين.


up 0 down 0
بدر الباثفايندري 998
قبل سنه و شهر



سلامات على وش مبلغ 500 وفوق وش بيكشفون عليه مثلا هذا الددسن مافيه الا مكينه وقير !!


up 0 down 0
mission 827
قبل سنه و شهر



غيرت عند بترومين بدون صيانة ولاعاد اني مغير عندهم لانهم غالين  


كان عندنا ددسن 2015 نحط زيت 10w30 وتاخذ 3 علب فقط بسيفون او بدون


up 0 down 0
كارينو 549
قبل سنه و شهر



معي 2015 من فضل الله ماشي 130ماقد طبت الوكاله وش بيغيرون كل تغيرتين زيت غير فلتر اشتر اصلي وكل 60 الف غير
فلتر هواء اذا ماحولكم غبار واجد وغير البواجي على100الف وزيت القير 150الف
كان معي ولازالت2005 مطبق نفس الطريقه الحين ماشيه حول 500الف وباعطيها العامل اعلمه عليها والحمدلله ماغيرت الا اشياء
استهلاكيه


up 0 down 0
بن سحمي 118
قبل سنه و شهر



الموتر الجديد مايحتاج صيانة يحتاج استخدام وكد لاددسن ولاغيرة لانه طالع من المصنع وزيوته جديدة لايلعبون عليكم خذلك 4 علب زيت وفلتر اصلي واقرب بنشري تثق فيه


up 1 down 0
بريق الرياض 260
قبل سنه و شهر