أضف سؤال أو موضوع جديد          

اشتريت ددسن 2015 وكاله وعندي كم سوال

up 4 down 2
i_riiitzl 13
قبل سنه و شهر



سلام عليكم 

صباح الخير يارجال 
الحمد لله اشتريت ددسن 2015 ولله يعطيني خيره ويكفيني شره 
المهم يارجال عندي كم سوال وابي الجواب ؟ 

1 - وش حل حنة المكينه ؟ 
2 - اغير الزيت بعد 1000 كيلو ولا بعد 5000 الاف احسن ؟ 
3 - افضل زيت للدسن ؟ 

وسلامتكم يارجال ولله يعطيكم العافيه  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


عندي ددسن 2014 وكالة بالنسبة للحنه ما لاحظت عليه 
ممكن مع الوقت يتمرن ويضبط معك 
والزيت اللي استخدمه 10w30 


up 1 down 0
088mansour 758
قبل سنه و شهر



الحنه مامنها مفر مامعك الاالا تشغل مسجلك وتسكر قزازك
الزيت بترومين10/30
الزيت بعد5000 من فضل الله مشيت 123000ولاقد غيرت شي فيها



up 2 down 1
بن سحمي 118
قبل سنه و شهر



مع اخوي وكاله15
حنه على 100 .110
واذا وصل 120 طلع صوت تقول دبه
...
الحنه مالها حل ويقال مراوح سوبارو تخفف .
...
على ماعتقد لان الدفرنس محشور
مع ابوي2009 ماشاء الله تبارك الرحمن
اشهد ان هو الددددسن جوده
لاحنه ولاشي .
وميزة 2015 اقتصاديه بالبنزين فقط



up 2 down 0
امير الاصيل 1673
قبل سنه و شهر



الدفرنس محشور صح لان مع اخوي2005تفتح الكبوت نفس بعض لاكن
الي عندي عزمها اقوى مع الطلعات يعني الي اطلعها يالثالث يالله يطلعها
بالثاني


up 0 down 0
بن سحمي 118
قبل سنه و شهر



وعليكم السلام

اولآ الحنه اتوقع عندك حنتين مو حنه اذا الدفرنس محشور ماراح تروح الحنه الا بتغييره الى دفرنس ثاني
والحنه الثانيه وهو السبب المشهور للحنه بكل سيارات المرواح مكانيكيه هي الحل تغيير المرواح الى كهرب حتى راح تسفيد صرفيه اقل وتكييف اعلى
وحراره افضل وعزم اعلى

ثانيآ الزيت على 5000
ثالثآ افضل زيت المهم اللزوجه الموصى بها من المصنع وخذ اي زيت


up 0 down 0
المنطق يقول 679
قبل سنه و شهر



الف مبروك والله ويعطيك خيره ويكفيك شره
الحنه لها حل لكن بنسبه تقريبا ٥٠ الى ٧٠ في الميه وهو تركب مراوح سوباروا
لكن عندي سوال
البنزين هو اقتصادي ولا كلام ؟ البنزين كم تفلله ويمشيك كم كيلوا؟


up 0 down 0
bssam13 244
قبل سنه و شهر



الحنه مع الوقت تتعود وتتمرن المكينه لا تحكم عليه من الحين
افضل زيت 30w10 بترومين ولا شفت منه ضرر يمدحون نفس اللزوجة موتوركرافت نصف تخليقي
نصيحتي لك لاتعدي الزيت 3500 الى 4000 للددسن تبقى معك المكينه بلد في الصيف لان الكرتير صغير في الشتاء مايخالف
الله يعطيك خيرة ويكفيك شره


up 0 down 0
بريق الرياض 260
قبل سنه و شهر



ياخوي الله يعطيك خير موترك ويكفيه شره 
من ناحية اللزوجه عندك 30-5 او 30-10
وللفائدة اكثر اضغط اسمي وبتحصل جميع الزيوت وشف اللي يناسبك


up 0 down 0
عبدالله 711 769
قبل سنه و شهر



الله يبارك لك فيه ويعطيك من خيره ويكفيك شره.

حنة الماكينة معروفه بالددسن منذ القدم
وحلها مراوح كهرب مرسدس او سوبارو مع كتاوت طبعا والحنة ماراح تختفي لكن راح تخف بنسبة كبيرة.

بالنسبة للزيت غيرها على 5000 افضل والنوع انت ورغبتك ويفضل ترجع لكتيب السيارة افضل موجود فيه الزيت اللي ينصحون فيه الوكالة.


up 0 down 0
بوحمد4445 76
قبل سنه