أضف سؤال أو موضوع جديد          

باترول 2015 كمبيوتره خربان

up 1 down 0
abo7t7ot 6
قبل سنه و 2 شهر



السلام عليكم جميعًا،، لقيت لي باترول بلاتينيوم ٤٠٠ حصان موديل ٢٠١٥ ماشي ١٥ الف كمبيوتره عطلان وراعيه موقف السيارة بالورشة لها حول السنه،، وبيبيع بحدود من ١٠٠-١٢٠ الف . هل يسوى اني اخذه واصلح الكمبيوتر؟ وكم قيمة الكمبيوتر؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لو كان فيه خير ما رماه الطير

يقال هذا المث لللذي يريد أن يأخذ شيئاً قد تركه أحد قبله
فالشيء المتروك لا خير فيه ولذلك استغنى عنه صاحبه ..


up 11 down 1
ابو يزيد1414 62
قبل سنه و 2 شهر



تاكد منه ليش راميه يمكن غرقان بالسيل 


up 7 down 0
الخور قريبه 353
قبل سنه و 2 شهر



تاكد من وضعه لايكون غرقان ولا حرقان



up 4 down 0
امير الاصيل 1674
قبل سنه و 2 شهر



ياخي حتى لو فيه كمبيوتر بس وش ترجي من سيارة منطوله في الورشة لها سنة وقيمتها فوق 100 الف بعد

ابعد منه نصيحه 


up 4 down 0
yasser alyasser 502
قبل سنه و 2 شهر



وبعدين لو على قولك الكمبيوتر عطلان اذا السياره سليمه المفروض يشمله الضمان و يزبطوها الوكاله .. بس تأكد وش فيها ونصيحه ابعد عنها كل البعد و انساها


up 4 down 0
تصآميم 196
قبل سنه و 2 شهر



تأكد لايكون جته موية واذا قدرت تشوف تحت الدركسون وعند الدواسات اكرمك الله اذا في صدا فابتعد عنه 


up 2 down 0
ابو حسين.......... 811
قبل سنه و 2 شهر



موضوع انها واقفة سنه في ورشة اهم من موضوع الكمبيوتر 
ممكن انسرق منها شي في هاذي الفترة او اتغيرت قطع اصلية بقطع تجاري 
و البودي الله اعلم بوضعة مع التراب و الزيوت و الحرارة 
و في الأخير ما اقتنعت الصراحة بسبب وقوفه 15 الف و كمبيوتر خربان ماتجي 
و لو كان فعلا كمبيوتر كان صلحه راعيه على الضمان الا اذا كان داخل سيول او شي 
وقتها ما بتخلص مشاكل الكهربا اللي في السيارة و بيرميها صاحبها في الورشة 
و على اي حال ما انصحك فيه حتى و ان صدق الرجال و المشكلة كانت كمبيوتر 
وقفته سنه في الورشة بتجيبلك خرابات من تحت الارض لين تكره السيارة 



up 2 down 0
shadowz33 1091
قبل سنه و 2 شهر



هذا اغلب الضن غرقان والسيارات الحديثة بعكس القديمة اذا غرقت تعطلت فيها الحساسات والكمبيوتر والظفيرة ونصيحة لاتقربة


up 0 down 0
الجوابر1 386
قبل سنه و 2 شهر



ابعد عنه دام هذا رد كل الشباب


up 0 down 0
mission 827
قبل سنه و 2 شهر



يعني قيمته جديد فوق 200 الف
وماشي 15 الف
وتاركه بالورشه سنه عشان كمبيوتر ؟؟؟؟؟؟
ويقدر ياخذ كمبيوتر وكاله بعد حتى لو سعر الجيب 50 الف
لاكن الموضوع فيه بلااااااااا
والتشليح ياكثرها بيلاقي حتى ب 2000

انت افحص وشوف


up 0 down 0
الجنؤبي 146
قبل سنه و 2 شهر



ماحيسيبه من فراغ انتبه من هالنقطه وسعره غالي دامه غرقان
ومضروب كمبيوتر السياره وماضرب الكمبيوتر من فراغ 
اكيد من التماسات ولخبطه خرب الكمبيوتر
اشتري غيره ولو زياده 20الف مايضر بس خذ النظيف والرزه
وفي الباجيرو وبعض الجيوب اشوفها رخيصه جدا مقارنه200الف اشوفها كثيره


up 0 down 0
احمد شريف 3194
قبل سنه و 2 شهر



صاحي انت تحط 120 الف على خرده مرميه لو فيه قسم بالله مارماه اخذ كمبيوتر من التشليح لو ب2000 ريال وراح باعه باعلى سعر


up 0 down 0
فيصل طلال... 149
قبل سنه و 2 شهر