باترول 2015 كمبيوتره خربان

لو كان فيه خير ما رماه الطير

يقال هذا المث لللذي يريد أن يأخذ شيئاً قد تركه أحد قبله
فالشيء المتروك لا خير فيه ولذلك استغنى عنه صاحبه ..

تاكد منه ليش راميه يمكن غرقان بالسيل 

تاكد من وضعه لايكون غرقان ولا حرقان

ياخي حتى لو فيه كمبيوتر بس وش ترجي من سيارة منطوله في الورشة لها سنة وقيمتها فوق 100 الف بعد

ابعد منه نصيحه 

وبعدين لو على قولك الكمبيوتر عطلان اذا السياره سليمه المفروض يشمله الضمان و يزبطوها الوكاله .. بس تأكد وش فيها ونصيحه ابعد عنها كل البعد و انساها

تأكد لايكون جته موية واذا قدرت تشوف تحت الدركسون وعند الدواسات اكرمك الله اذا في صدا فابتعد عنه 

موضوع انها واقفة سنه في ورشة اهم من موضوع الكمبيوتر 
ممكن انسرق منها شي في هاذي الفترة او اتغيرت قطع اصلية بقطع تجاري 
و البودي الله اعلم بوضعة مع التراب و الزيوت و الحرارة 
و في الأخير ما اقتنعت الصراحة بسبب وقوفه 15 الف و كمبيوتر خربان ماتجي 
و لو كان فعلا كمبيوتر كان صلحه راعيه على الضمان الا اذا كان داخل سيول او شي 
وقتها ما بتخلص مشاكل الكهربا اللي في السيارة و بيرميها صاحبها في الورشة 
و على اي حال ما انصحك فيه حتى و ان صدق الرجال و المشكلة كانت كمبيوتر 
وقفته سنه في الورشة بتجيبلك خرابات من تحت الارض لين تكره السيارة 

هذا اغلب الضن غرقان والسيارات الحديثة بعكس القديمة اذا غرقت تعطلت فيها الحساسات والكمبيوتر والظفيرة ونصيحة لاتقربة

ابعد عنه دام هذا رد كل الشباب

يعني قيمته جديد فوق 200 الف
وماشي 15 الف
وتاركه بالورشه سنه عشان كمبيوتر ؟؟؟؟؟؟
ويقدر ياخذ كمبيوتر وكاله بعد حتى لو سعر الجيب 50 الف
لاكن الموضوع فيه بلااااااااا
والتشليح ياكثرها بيلاقي حتى ب 2000

انت افحص وشوف

ماحيسيبه من فراغ انتبه من هالنقطه وسعره غالي دامه غرقان
ومضروب كمبيوتر السياره وماضرب الكمبيوتر من فراغ 
اكيد من التماسات ولخبطه خرب الكمبيوتر
اشتري غيره ولو زياده 20الف مايضر بس خذ النظيف والرزه
وفي الباجيرو وبعض الجيوب اشوفها رخيصه جدا مقارنه200الف اشوفها كثيره

صاحي انت تحط 120 الف على خرده مرميه لو فيه قسم بالله مارماه اخذ كمبيوتر من التشليح لو ب2000 ريال وراح باعه باعلى سعر