ماهو رايكم في نيسان اكس تريل 2017

قليل جدا انتشاره
والنيسان مشاكل القير تخوف فيه
عندك المورانو جدا قليل تجده واذا حصلته يامخبط قير او مغير قيره
ايضا الارمادا وقفوووه تجده شبه جديد وسعره بالارض


والحديث يطول
لاكن يازين الموتر العملي يريحك ماينكبك بعله وهو جديد

هو نفس مكينة و قير الالتيما اربع سلندر 2.5 CVT
تحسن نظام القير هذا و سعره طيب على مواصفاته مثل الالتيما
ب٧٠ او ممكن اقل استاندر دفع امامي مثبت سرعة
و انا شخصيا" محتار بينه و بين التوسان هونداي
اللي ب٦٥ الف و مكينة 2000 حقت الالنترا
الراف فور تويوتا ب٨٠ خالي من المواصفات
لكن دفع رباعي مستمر من اقل فئة

اللي يميز الاكستريل و اي سيارة بقير CVT صرفية البنزين الممتازة
و مكيف نيسان مضمون تبريده

كان من ضمن الخيارات بالنسبه لي هو الاكستريل والالتيما 
بس صراحه قليل انتشارها وتخوف وخذيت كامري ٢٠١٧ عال العال الحمدلله

مهي مشكلة اللي يدور بديل بقير معروف
لكن يجيك مدرعم يمدح بالاكورد
و هي صار بقير CVT مع السيفيك و جيب CRV
و الكورولا من ١٦ و اليارس من ١٧
كلها بذا القير كله واحد من انتاج اي شركة

سيارة عصرية وجميلة ىصرفية البنزين ممتازة

مشكورين على الطرح ونتظر باقي الاخوه الي المستخدمين لسيازه لتعم الفائدة

أنا أفكر فيه حاليا سعر الخليجي ستاندر بدون دبل و جنوط و 5 ركاب بـ59000 ريال

رحت للوكالة ابجربه قالوا ال2017 منتهي عندنا لذلك موقفين سيارة التجربة
طلعت ادور في محلات الايجار ماحصلته للأسف

سألت موظف في محل بن ماضي مانصحني لأن قطع البدي لازم طلبيه في حال لاقدر الله سويت حادث..
وكذلك شاورت كهربائي سوداني أثق فيه و نصحني بالابتعاد عنه و اقترح لي التوسن من هونداي..

فقلت له الهونداي معجبني كشكل لكن مكيفه تعبان و ماني مقتنع في الكوري أبدا..

حاليا بدون سيارة و كل يوم لي رأي مره cx5 مازدا ومره راف فور ومره اكستريل ومره اشطح لسيارات برا التشكيلة
محتار أتمنى لو فيه قروب اكستريل يضفوني معهم..

نفس تفكيرك يالقفاري
انا كمان الكوري ان كان توسان والا السبورتاج ..غاسل يدي منه
داخلية سودا كئيبة باضاءة للطبلون كنه صيني ازرق للهيونداي واحمر للكيا
ومكيف خايس ...طبعا ادور مستعمل ماشي قليل من ٢٠١٣ وفوق
المازدا c5 .....ممتاز جدا وتبريد ثلج ...لكن عيبه ارتفاع سعره وصغر الشنطة
ااما الاكستريل بطل بكل ماتعنية الكلمة ...وبالذات الفل
داخلية بيج جلد تفتح النفس
بانوراما ..وعد واغلط من المزايا
صف ثالث ...ولو انه صغير ..لو اضطريت تركب فيه احد كبير ممكن ..
تقدم مراتب السائق والراكب وتقدم المراتب الوسط ... يعني حق توصيلة قريبة ..
واللي يقلك قطع غياره غالي ماعنده سالفة انا معاي التيما ٢٠١٣ ...نفس المكينه والقير ..ماشكيت من شي والاسعار
طيبة وفي ياباني وفي تجاري
لكن ...بالنسبة للسعر غالي شوي علي
.....ان ما حصلت نظيف وسعره طيب ...
باخذ راف 4 من ٢٠١٢ وتحت
واذا سألتني ليش
لأنه يمتلك شنطة بحر عكس ٢٠١٣ البهايم حطوالاسبير فيها صارت شنطة يارس
..وسهل ولاهو معقد ...
انا بين هالسيارتين وبسس

اعرف بعض الزملاء معهم اكستريل محد يشتكي منه لكن اغلبهم ممشى قليل ما تعدا 50 الف كلم