ناوي باذن لله على صني 2016 استفسار

معي صني 2016 والقطع مادري عنها اخذتها على عماها ومرتاح معها القطعة الوحيدة الي اعرفها هي السيفون قبل الخصم ب34 وبعد ب28

طبعا اخذتها من الوكيل 

معي لها سنتين 2015 ما شاء الله مكيف بارد و وسيعه من الداخل

وممتازه ما عدا شكلها الخارجي وهذا تقدر تشوفه قبل لا تشتري
+ لايك للجميع

والله ياخوي الله العالم قطعها غالية كل الي شراها مدح تكييفها وكرفها والقطع ماجاب طاريها
اجل سيفون زيت ب28 وحق هونداي وكيا ب 10 ريال

والنعم بذا الموتر من ناحية الكرف والصبر وقطع الغيار معقوله 

وهو سعره رخيص ٢٨٥٠٠ اصفار اكرف امه ٤ سنوات وبعه تشليح منت خسران 

يكفي بعد توفيق الله ان سعرها مناسب جداً مقارنه بمثيلاتها 
صل صلاة الاستخاره واذا ارتحت اشترها وانسى كلمة قطع غيار 
لانك لو بتفكر بالحوادث لا سمح الله ما راح تشتري ابداً ( والله الحافظ ) 

ترا سيفون الكورولا بـ 45 ريال
كل السيارات فيها قطع رخيصه وغاليه

انا معاي وحده 16
كارف امها كرف سفريات اقتصادية بانزين وزيت
3 وربع علب زيت مع السيفون سيفونها ب 25 الي 28 ريال
تكييف فوق الممتاز رساوة لك عليها اذا فيه هوى قوي جدا من يمين او يسار
اذا من الامام ماتتعدى 140 اسعار قطعها رخيصه فلترالهواء ب120 فلتر مكيف 80
الاقمشه امامي والخلفي اسعارها متوسطه وليست غاليه
عموما مناسبه للي يبيها دوام جامعه لطالب او خطوط دوام الي دوامه
يحتاج خط توفر عليه بانزين وسلامتك ياخوي

^^
كارف ام امها واخر شيء2016 اي كرف الله يجزاك خير
جديده توها ماينحكم عليها

وبعدين تاخذ3علب مع السيفون

عندي وحده2015 غيرت الفحمات الاماميه على ممشى
30الف واستخدامي شاق سعر الفحمات بالوكاله 200وشوي
مدري كم بالضبط وعند محلات قطع الغيار150ريال
اسعار فحماتها نفس اي سياره ﻻهي غاليه وﻻ رخيصه
لكن تعتبر غاليه بالنسبه لي ﻻن المفروض تكون اقل على فئتها
ركبت فحمات ياباني45ريال بس مدري عن جودتها

اكسنت افضل
لاكن الاكسنت مشكلتها عللها كثرة بعد ما غيرو قيرها
..
اذا سالت مستخدمين الصني ومدحوها توكل ع الله سعرها زين

الصني ماحد اشتكى منها. والاكسنت ماعليها عن تجربة.

ما يميز الصني
1- سعر منافس جداً الأقل في فئتها .
2- تكييف ممتاز .
3- واسعة داخليتها .
هذه المميزات غير موجودة في الاكسنت إلي أشغلونا بها الناس ، بالنسبة للكرف اعتقد تكرف مع المحافظة ولا فيه فرق بينها
وبين أي سيارة ثانية في هذه النقطة .

نسيت اقولك
السياره ضيقه بالامام لاهي واسعه ولاشيء
اما مسافة الارجل الي جالسين بالخلف
واسعه مره لكن قدام ضيقه مره
لو تجلس قدام وتبي تقدم المرتبه تبلش برجلينك وين توديهم هههههه

وثاني شيء مافيها اماكن تحط اغراضك الشخصيه
اذا اغراضك كثيره بتبلش ماتدري وين تحطهم ولافي تكايه بالنص

وثالث شيء مراتبها نازله مره ماراح تكون مريحه للجلسه الطويله
لان مراتبها نازله ولايمديك ترفعها اخ بس لو ترتفع مراتبها تصير%%

افكر في وحده لي
اكرفها 10 سنوات قدام بس الي يخوفني الرساوة والثبات فقط
لاني سمعت ان رساوتها زفت

صني ، اكسنت ، افيو ، يارس ،....
هذا سيارات اقتصادية و ليست سيارة حق سرعة عالية
حدها 140 كم للخط الطويل لان المحرك صغير ولا تتحمل الضغط
العالي و كذلك البدي خفيف و نظام التعليق غير مجهز للمنعطفات
او الفرامل القوية .

خويي استاجر صني 2017 وسافر فيها دبي من الرياض لدبي وتحسف انه اخذها اذا انت راعي خطوط لا تاخذها لكن داخل البلد كويسه ومكيفها ثلج

انا اداوم عليها كل شهر 1150 كلم من الشمال
من اول ماطلعتها لها معاي الان سنه ونصف
ماشي عليها الان فوق 100 الف فرقة معاي بصرفية
البانزين فقط تستهلك 70 الى 75 ريال في الروحه
والرجعه وعلى سرعه فوق 140 كلم وتاخذ 3 علب وربع مع السيفون
بدون سيفون 3 علب وفرة علي الان انا ماخذها فقط لدوام
كان معاي جمس فقط في الروحة ياخذ 250 ريال بانزين
الان فرقة معاي 75 ربال في الروحه بالصني
وكل واحد يشوف ميزانيته وياخذ السيارة الي تناسبه
وبنسبه لسيارة الصني انا كارفها كرف ولاغيرت فيها
بعد استخدام سنه ونصف فقط كفرات واقمشة امامي وخلفي
وفلتر مكيف وفلتر هواء والحمدالله ماشية معاي على احسن
مايكون والله الحمد اهم شي الزيت تغيرة مع السيفون كل 5000 كلم
وسلامتك

ملاحظة الزيت ٣ علب مع السيفون وبدون السيفون ٢.٨ مكتوب في الكتالوح
ليش تزودون في الزيت