جشع التجار و المصلحين

15 14

لايمكنك التصويت حتى الحصول على 20 نقطة على الأقل
إضغط هنا للإخفاء

بدر الباثفايندري 1125
قبل 7 سنه و 2 شهر

السلام عليكم,

كيف حالكم يا شباب؟ اليوم صار معي موقف الا وهو سيارتي الباث حبيت ازينها بصدام من بلدها بعد ما مشيت

بصدام تجاري (تايواني) لمدة سنتين.  المهم ربي وفقني و حصلت واحد بنفس لون السيارة يعني يركب على طول

بدون مشاكل بس بعد ما اخذته و وصلت البيت و تشاليح الدمام بعيدة عن بيتي شوي يعني على خط بقيق.

المهم حصلت فيه شق خفيف من ورا و مو باين كثير يعني اللوحة ممكن تغطي عليه وما حد بينتبه بس قلت

لو ينرش بيطلع احلى شكله, المهم عصر نفس اليوم و كان قبل امس هالكلام.  المهم صليت العصر  و على

الساعة 4 نزلت الثقبة لمحل حق فايبر و اعطيه الصدام و اتفقنا على سعر 350 ريال قلت يللا توكلنا على الله.

المهم قبل لا امشي من عنده طلب مني 100 ريال علشان اجرة يده و تخصم من ال 350 يعني بعد ما يخلص

بيبقى له عندي 250 كامل حقه, المهم اليوم بعد العصر اروح له و يفك الصدام القديم و يركب الجديد ماشاء الله

عليه شكله وكالة.  المهم بعد ما ركبه كامل مع الكشافات و اللوحة اسأله كم توقعت بيقوللي 250 و الا الصدمة

الكبرى قاللي 450 قلت ليشششش؟؟؟؟؟!!!!!! انت اخذت مني 100 ريال قبل يعني نقص منها تطلع حسبتك 250

تاخذ فلوسك وخلاص امشي من هنا, اركب سيارتي و اطلع من عندك.  بدا يتناقر معي وانا اتناقر معاه و اعلي

صوتي عليه ما دري حسيته يستهبلني هو باكستاني و خذيتها قاعدة من ابوي حسب خبرته يقوللي ترا الباكستانيين

لا يغرونك في دينهم ينصبون و يلعبون عليك عيني عينك.  وهنا ما اعطيه فرصة يلعب علي عطيته 250

وكل شوي يقول لي" الله و أكبر ايش هذا" و انا اقول له "ايش هذا انت؟؟" 

قلت هذا اللي عندي 250 تبيهم والا امشي عنك ما خذيتهم, عطيته اياهم و اقفل الباب و يفتح الباب علي

ويقوللي ما يمشي ابي زيادة هذا خسارة و قلت له انت ماخذ مني 100 قبل الشغل و الحين تطلب زيادة بأي

حق؟؟ يعني 450 واللي اعرفه دايم شغل الفيابر بين 100 الى 300 و بس لا 400 ولا 500.


حتى اتذكر ابوي مره عدل صدام برادو اصلي شد بلد و كان بسبة حادث كله على بعضه فايبر و رش ب 250

كامل.  و هذا الوقح طلب مني زيادة والصدام اللي اخذته سليم ما به صدمة بس شق بسيط يمكن حجر او شي

في الطريق شقه لأنه تشليح من باثفايندر ثانية نفس سيارتي.  الصدام اخذته تشليح ب 550 ريال 

بصراحة حسيت الموضوع فيه نصب من الباكستاني و استغلال يعني 450 ليش طيب ال 100 اللي عطيته

ايها وين راحت المفروض ينقص من السعر يعني تطلع 250 بعد ما يركب الصدام.  ال 100 على انها عربون

للشغل اللي ابيه منه.  ويفهمني و يقوللي 350 نقص منها 100 تطلع 250 طيب اعطيتك 250 و ليش زعلان

يعني انت معاك حقك كامل ايش تبي زيادة؟؟؟

المهم عطيته ال 250 و دفيته من على باب السيارة و قفلت الباب و عشقت ريوس و مشيت من عنده و يناظرني.

هذا اللي صار معي و من ناحية الحق حقه اخذه على اقدم نعال عندي وانتم بكرامه.

اكره اللي يحاول يستهبلني او يستغلني.

إبلاغ

الردود