قصتي .. فإن صدقا وبينا بورك لهما في بيعهما ..

28 2

لايمكنك التصويت حتى الحصول على 20 نقطة على الأقل
إضغط هنا للإخفاء

nissan100 107
قبل 6 سنه و 7 شهر

السلام عليكم ورحمة الله وبركاته
حبيت أنقل لكم قصتي هذه من باب ( شكر النعمة والنصح والاعتراف بالفضل لله سبحانه وتعالى ) ،
قال تعالى : ( وَأَمَّا بِنِعْمَةِ رَبِّكَ فَحَدِّثْ ) [الضحى:11]
وروى البخاري ومسلم عن حكيم بن حزام رضي الله عنه، عن النبي صلى الله عليه وسلم قال:
البيعان بالخيار ما لم يتفرقا، فإن صدقا وبينا بورك لهما في بيعهما، وإن كذبا وكتما محقت بركة بيعهما.
.
.
بداية كنت أملك سيارة نيسان صني 2009 قير عادي ، وتعرفون أول سيارة دايما تكون لها ذكريات
ومعزة خاصة ههههه ، المهم كنت محافظ عليها ، أغير الزيت دائما على 3000 كلم ولا اتجاوزها ( من زود الحرص)
دائما اغسلها بنفسي ولبستها تلبيسة للمحافظة على المقاعد ، واستمريت على هذا الحال حتى العام الماضي
مثل هذا الشهر الفضيل ( 2016 م - 1437هـ ) ، يعني مدة استخدام ( 7 ) سنين ،
.
وفي آخر سنة كانوا الاصدقاء والاقارب ينصحوني بتغييرالسيارة بحجة انها اصبحت قديمة وانها ضيقة
وغير واسعة ، فتوكلت على الله وعرضتها للبيع في حراج ، وبينت كل عيوبها .
المهم بعد تقريبا 20 يوم جاني رجال طيب ( اسأل الله ان يباركله ) قال ابغى اشوف السيارة ، واتفقنا على السعر ، تواعدنا بعد صلاة المغرب وقابلته وطلع وجرب السيارة ، وقال بوديها ورشة نكشف عليها قلت تم ، يوم وصلنا ، نزلت وفتحت الكبوت والشنطة ووضحت له كل شيء يخص السيارة وماخبيت عليه اي شيء . وتذكرت إن اللي يوضح عيوب سلعته فالله يباركله .
و بعد الفحص قاله الميكانيكي السيارة وكالة ماشاء الله ومافيها اي حوادث .
.
.
تمت المبايعة بفضل الله ، وبدأ مشواري في البحث عن سيارة بديلة ، وقلت بآخذ سيارة عائلية وسيعة مستعملة ، وطبعا مع كامل الاحترام لجميع عشاق السيارات بجميع فئاتها ، ركبت الاكسبدشن وبصراحة حسيت مقاعد الصف الثاني ضيقة ، شفت كمان يوكن قصير استخدام امريكي ونفس المشكلة المقاعد الوسطية ضيقة وكان سعره مرتفع حول 92 الف ( ماذكر موديله لكنه فل كامل ) ، والسكويا ماحبيتها علشان شكلها .
المهم وبعد المشاورة وحسب المبلغ اللي كان في يدي ، قررت آخذ ( أرمادا ) ، ركبتها وكانت اوسع من الكل سألت المعرض قال الفحص علي اذا طلع شيء ، قلت تم ، كان موديلها 2013 ستاندرد ماشية 70 الف ، وهو يرسل معاي العامل اللي في المعرض ، وطلعت جربت السيارة وفحصتها ، الأمر العجيب هنا : شافها الميكانيكي قال ياعمي اذا تبغى تشتري السيارة هذه فالله يباركلك ، السيارة وكالة مانفك فيها مسمار . ( تبارك الرحمن ) و بصراحة فرحت وانبسطت وقلت الحمد لله ، وتذكرت إن الله عوضني لأني صدقت في بيعتي .
رجعت المعرض وتوكلت على الله واخذتها بـ 55 الف ريال ، ومثيلاتها تباع ذاك الوقت بحدود 65 – 70 الف وممشاها تعدى 100 الف ، وهذه قصتي مع توفيق الله سبحانه والصدق في البيع .
وزي ماذكرت هذه من باب ( شكر النعمة والنصح والاعتراف بالفضل لله سبحانه وتعالى ) .

إبلاغ

الردود