أضف سؤال أو موضوع جديد          

اللي يبي التيما الفين وخمسة تعال

up 18 down 24
الفارس45 31
قبل 2 أسبوع و 2 يوم



السلام عليكم

بدون اطالة قصتي مع التيما ٢٠٠٥ ٦ سلندر

انا كنت معجب بهذي السيارة لدرجة ماتتخيلونها

مكينة قوية قير عادي ست نمر شكمانين

اشتريتها من واحد نظيفة جدا جدا مكينة ٩١٪

اخذتها وبديت استخدمها بدون سرعه وهبل ٥ شهور

بعدها بديت اركب مواصير فلتر واصفي طبلونها سرعة جنونية راسية ما شاء الله على ٢٦٠ وسيده

فجاة وانا امشي ٢٦٠ الموتر وقف حرارة وانتظره نص ساعه يبرد واشغله وامشي شوي الا صوت عامود الكرنك طالع

واروح اسقط له مكينة ب ٤٠٠٠ من الحاير وعليها ضمان شهر وادوس عليها وترجع تخبط وغيرتها عالضمان

وزبطت المكينة معي شهرين مع الدعس بعدها قبل رمضان بكم يوم اصلح ارضية كاملة واسمي بالله موجهه لمكة اعتمر انا ووالدتي الا طفت عند البيت اشيك عليه طلع السلف واغيره و امشي بعدها بيوم ويخرب الدينمو واغيره وامشي اليوم اللي بعده وتخبط راس المكينة واوضبها نص توضيبة ب ٤٤٠٠ قطع وكالة وامشي عليها لمكة واعتمرت ولله الحمد على اخر رمضان وانا راجع للرياض الموتر اذا وقف تىتفع الحرارة اتش واشيك عليها بنفسي طلعت من راس المكينة

واكمل عليها بدون وقوف الا للبنزين وعند طلعة المزاحمية ابتلشت وتطفى بالطلعه واخليها وارجع اكمل لين وضلت نقطة تفتيش الخرج وتقول مكاني هنا وادق على نسيبي بالخرج وياخذ الوالدة للبيت وادق على سطحة واروح ابي ابيعها وما جابت لي الا ١١٥٠ وبعد طلعة الروح والمصيبة قيمة السيارة ب ١٣ الف وصيانتها تقريبا ١٣ الف واخر شي بعتها ب ١١٥٠ لا و ١٥٠ حقت السطحة هههههههه الحمدلله على كل حال للعلم كل شهر اغير دينمو والسبب مجهووول

اخذت لي كامري وماشا الله هذا توني راجع من الجنوب مشيت عليها فوق ال ١٠ الاف كيلو خلال شهر ونص وزي الحلاوة ما شاء الله المهم وزبدت الموضوع انتبهوا من الالتيما ولا تغركم من قوتها تراه بتعذب اللي بيسوقها ويستخدمها حتى لو بيحافظ بتاكلك




والمعذرة عالاطالة بس والله من غبنة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي اذا حديد تحت يدك ماسلم منك ههههههههههههههههههه

سواقتك ورجلك حاره وتبي السياره تصمل معاك

والحين تجي تقول اخذت كامري وماشاء الله

يعني بتجي تعيب الالتيما وتقول الكامري افضل اوكي امنا بالله ومشينا على كلامك

لكن هذا وجهي اذا على سواقتك هذه يالكامري ماتكمل معاك سنه


ههههههههههههه


up 0 down 1
aboahmed2014 338
قبل 2 أسبوع



سيارتي لها ست سنوات فاكها على يدي اذكر اني مرتين 
وصلت ل٢٠٠ ومرة ١٨٠ اما دايما بين ١٠٠ ل١٢٠ 
يارجال اعصابي تنشد 
وانت الطبلون واهمال وتقول ليه تعطلت 
واذكرك تويوتا او هونذاي او اي سيارة 
دام بتعاملها بذا الاسلوب والله حتبهذلك 
ماشالله اشوف سيارات بالموقع وبرا موديلات قديمة 
والله تفتح النفس من نظافتها 
الله يصلحك هههههههه


up 0 down 0
ابو امااني 2069
قبل 2 أسبوع