أضف سؤال أو موضوع جديد          

مقارنة بين الددسن والهايلكس

up 9 down 20
fale7080 -13
قبل 3 أسبوع و يوم



سلام عليكم 
كيف الحال 

اول شي صلوا على النبي 
انا رحال راعي خطوط 
وجربت الثنتين الددسن والهايلكس 
الددسن قوي وصبور والي يقول يتفكك 
معليكم منه 
والهايلكس صبور بعد وفخم واقوى من الددسن في القومه 
بس مشكلته يتفتف بسرعه والددسن عكس 
يعني لو معي هايلكس وواحد معه ددسن 
وقمنا بنمره ٥ الهايلكس يروح في القومه 
لاكن بعدين يتف تف وتثبت سرعته وبعدين الددسن يجيبه 
بالراحه وللمعلوميه الهايلكس يتفتف على ٢١٥ الى ٢٢٠
واددسن يتفتف على ٢٣٠ الى ٢٣٥ 

والله يكفيكم شر السرعه 

وذا تبون نصيحتي خذوا ددسن ارسى من الهايلكس 
واوفر 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ددسن وخطوط يا سلام على الراحة سيارات السيدان اذا مسكت خط 400 كيلو توصل ظهرك زي لوح الخشب متكسر كيف الددسن


up 1 down 0
المتوكل 777 260
قبل 3 أسبوع و يوم



سيارات السيدان اصلا مقاعدها زي الحجر بالذات الكوري


up 2 down 1
mohammed.199 65
قبل 3 أسبوع و يوم



واضح التعصب 1000 بدمك . الددسن احسن مافيها اعطال قليله ومكيفها ثلج . وسلبياتها المقاعد الخلفيه مرتفعه وضيقه وماتصلح تحط وراء كبار ب العمر يمكن اطفال .

ونوع المخمل المصنوع منه المقاعد الاماميه مريح ولين وممتاز . اما الهايلوكس وراء اوسع من الددسن . ومكيفها بعد ثلج . لاكن احسن بالخط من الددسن صحيح تنطنط مع السرعه وحتى الددسن تنقز نقز بالخطوط المكسره وصوت الحنه بمخك .

وسالفة انها تمشيء 235 اتفلها من لسانك بعد طلعت الروح تجيب 200

وسيارات نقل ماتصلح للسفر نهائي . تحمل عليها تبن وشعير وتروح للغنم



up 11 down 5
سعود 15 23
قبل 3 أسبوع و يوم



الله يرحم والديك وين الددسن ٢٣٠ ؟؟ انا معي ددسن ٢٠١٥ تفصل
على ١٨٠ والظغط على ٦ ونص بعد 

الددسن موتر خدوم ماعليه كلام ، لكن لو رجع الوقت والله ماخذ الا هايلكس


up 2 down 1
alamri19 91
قبل 3 أسبوع و يوم



ياخي ماعمري شفت صاحب هايلوكس الا وماسح الطبلون هههههههههه

وحقين الدداسن سواقتهم راكده




up 3 down 0
aboahmed2014 338
قبل 3 أسبوع و يوم



وش 230! 
كلها يالله يالله 200 
لان ماهي مصممه اصلا سرعة 
تصمميمها عزم مثل تحميل وسحب 


up 2 down 0
راقي m 47
قبل 3 أسبوع و يوم



تف و تف
وش هالتفال هذا !!!!

بالله هذي مقارنه هههههه


up 2 down 1
1405-1985 985
قبل 3 أسبوع و يوم



الله يعينك على نفسك ياراع الاعلان.

يعني ماهمك بالسيارة الا انها تجيب 200 و220 لاحول ولاقوة الا بالله.

ارفق بحالك ياخوي وترفق بالناس ترا الطريق ماهوب لك لحالك.

سيارات الددسن والهايلكس اسمها نقل يعني خصصت للنقل تشيل فيها وتحمل ماهوب تصفي الطبلون.

نسال الله الهداية لشبابنا وصلاح حالهم وصلاح البلاد.


up 2 down 0
بوحمد4445 37
قبل 3 أسبوع



اجل 230 ههههه ددسن وهايلكس يالله يالله تجيب 190 و200


up 0 down 0
فيصل طلال... 142
قبل 3 أسبوع