سلف السيارة

10 5

لايمكنك التصويت حتى الحصول على 20 نقطة على الأقل
إضغط هنا للإخفاء

بدر الباثفايندري 1125
قبل 6 سنه و 8 شهر

السلام عليكم,

اليوم يا شباب بكلمكم عن موضوع بدأ معي من سنتين الا وهو موضوع سلف السيارة او بالانجليزي (Starter)

من حول سنتين كنت الاحظ بمشكلة في تشغيل السيارة و المشكلة كانت عبارة عن انه السيارة ما تعطي سلف.

ولكن الأنوار على الطبلون شغالة و البطارية جديدة اسبوع تقريبا.  و هذا الكلام من سنتين و الآن بعد السنتين

هذولي رجعت معاي نفس المشكلة غيرت البطارية جديدة الاسبوع اللي فات و امس الصباح كنت بطلع, ركبت

السيارة و اشغل عيت تشتغل سويتها يمكن حول الست مرات قلت يمكن اصابع البطارية ماهي مشدودة و اشدها

بمفتاح 8 ملم ( اللي يمشي على صواميل بطارية السيارة) شديتها لين آخر شي و اجرب وللأسف بائت بالفشل.

مريت على كهربائي قريب من بيتنا و ركبته معاي في سيارة ثانية في بيتنا وشارح له المشكلة. لما وصل البيت

عندي فتحت له الكبوت و شيك على البطارية و نورت لمبة يعني سليمة فيها كهربا.  قاللي احتمال من السلف,

قلت له أكيد؟؟؟؟ ما بي اغير قطعه و تطلع ما هي هي, قاللي أكيد 100%.  المهم تمدد تحت السيارة هو وانا قعدت

داخل السيارة نحاول نشغلها و كل شوي انشغل و انشغل لين فجأة اسمعها تشتغل وبعدين تطفي مرتين ثلاث و من 

ثم اشتغلت واخوكم يقلبها تكبيرات العيد من جد الجو حر والرطوبة و العرق في جسمي

و ملابسي, ابتلشت بذا السلف.

سألته ما يمكن يتصلح قاللي لأ لازم تغيير و تاخذه من محلات قطع الغيار وتجي لعندي اركبه لك و نصحني

بعدم اطفاء السيارة لأنه لو طفيتها ما راح تشتغل.  المهم خليتها شغالة لين غيرت بعض ملابسي و وصلت الرجال

لورشته و حاسبته أخذ مني 80 ريال لأنه سلف الباثفايندر موقعه في مكان صعب يجي بالظبط فوق الشكمان يسار

تحت الراكب الأمامي.  المهم وانزل على كهرابائي صاحبي في الخبر اتعامل معاه وقلت طالما السيارة شغالة

حق مشوار واحد قلت خلاص بطلع عنده بوقفها و بطلع بسيارة ثانية او بتاكسي لمحل قطع الغيار اشتري سلف و برجع

له.  

المهم, دخلت عنده علمته السالفة و قاللي ما عندك مشكلة دخلتها وقفتها و ركبت سيارة ثانية من عندنا في البيت

ورحت الثقبة اشتري سلف اصلي من محل قطع غيار نيسان و موظف المحل جابلي ماليزي و رفضت آخذه!!

قلت له ابي الأصلي الله يخليك وايش ما يكون سعره بدفع ما تهمني الفلوس سيارتي موقفها عند كهربائي ابي اخلص.

و قلت الله يلعن ابو التجاري ما يعمر بيعدملي ام السيارة وانا ابي ارتاح ما بي اقعد على اعصابي كل في مشوار.

المهم للمعلومية سلف الباثفايندر يا شباب القديم طبعا 2003 - 2005 قبل الخصم ب 1850 و بعد الخصم ب 1350

و المحل هذا انا زبونهم يعني مو اول مرة اشتري من عندهم.  المهم خذيت السلف و رجعت للكهربائي عطيته

اياه و قاللي انه راح تاخذ وقت العملية خل السيارة تبرد شوي و ارجعلي بعد الظهر تكون جاهزة ان شاء الله.

المهم مريته بعد العصر و ما شاء الله حسيت السيارة شي ثاني صوت السلف اختلف صار اسرع من قبل ولاحظت

الفرامل بعد مشدودة دعستها ما ادري ايش العلاقة بس فعلا لاحظت سيارتي اتغيرت بعد السلف يمكن سوالي خدمة

شدهم لي.  أنا عارف طولت عليكم بس حبيت اقولكم معاناتي مع ذا السلف و كانت تروح و تجي المشكلة و عرضتها

للحمراني و الكهربائي هذا صاحبي و خفت ينلعب علي مثل ما نلعب على بعض الشباب بأنه تتغير قطعة

وتطلع بالنهاية ماهي الخلل.  

بس الحمد لله ربي وفقني.

بالنهاية انصحكم  يا شباب اي مشكلة تصير في سياراتكم تأكدوا قبل لتغيروا لأنه العمالة هذه نصابين و عندهم النصب

مثل السلام عليكم, وانصح بالأصلي يعني قطع الغيار الأصلية و ملعون ابو التجاري رخيص لأنه الجودة ردية.



سامحوني طولت عليكم.

إبلاغ

الردود