ابغى طريقة لتنضيف المكينة

اتفضل هذا فديو يشرح لك طريقة تنظيف محرك السيارة

https://www.youtube.com/watch?v=PRSoRkM8GcM

انفخها هو مبدئيا
واذا ما نفع في بخاخ اسمه GUNK طبعا له انواع انت خذ حق المكاين تحصله في سوق كوم

بيض الله وجيهكم

السبب ترشيح من وجه غطاء البلوف

سبب الترشيح اسخدام زيت اثقل من الموصى فيه

او انتهاء العمر الافتراضي ل وجه غطاء البلوف

والله وانا اخوك من سهرك في الليل تهندس في سياراتك علمتك انا خذها وودها عند مصلح ماتسمع الكلام اسمع اذا صحيت شوف صاحبك
حولت له فلوس وصلته الساعه 2 في الليل

كثير ناس للاسف تتخوف من هالموضوع  الموية ماراح تسبب اي مشكلة بالكهرباء الا لو تعرضت لسلك مجروح بالكبوت .. تابع كلامي وشوف 


 اول شي لله والحمد انا طول حياتي اغسل داخل كبوت سياراتي بمسدس الموية حق المغسلة  ولا يصيرلها شي .. بشرط 
 

انت غسله بنفسك لاتخلي العامل يغسلها ابدا .. وحاول انك تغسل بوقت الظهر والسيارة باردة نسبيا  ..
حاول تخفف او لاتجيب الموية ع ثلاث اشياء 
الدينمو ابدااا  والكمبروسر ولو كنت مولف مراوح امامية ار عندك اسلاك مكشوفة لاترشها بس .. 
ترى الشغلة مضمونة سمي الله ولاتوسوس ماراح يجي بسيارتك الا الخير وبتشوفها تلق لق 
وبعد الغسيل  وقف السيارة وفك الكبوت وخليها تنشف ومسحها ولمعها وادعيلي .. 

** ملاحظة صغيرة لو سيارتك من الموديلات القديمك وفيها اسلاك مكشوفة - روح محل ساكو يتباع عنده حامي للاسلاك ضد الموية وفي عنده علبة صفراء صغيرة حامية لاي شي ممكن يتعرض بالموية 
وانا مركبها عندي بكبوت السيارة ومقفل عليها الكتاوت الاضافية .. 

تلميع المحرك انا سويتها في بترومين و موتري نفسك باثفايندر 2003 و تدري كم بياخذ عليها؟؟ الفلبيني ما يحدد لك سعر انت عطيه

اللي تقدر عليه.  انا عطيته 10 و المدة من 15 الى 20 دقيقة وانت واقف مثل عملية غيار الزيت.  آخر مرة سويتها في 2013

ما ادري اذا للآن موجودة.  حتى انا بعد مكينتي اب المعها بس متحير اسويها بنفسي والا اشتر المحلول من ساكو بس الجو حر 

ورطوبة عندنا بالشرقية انا وقفة ما اتحمل كيف لو احت في السيارة؟ لو برد اشوى شوي.

بالنسبة للترشيح, هذه واحدة من الثنتين يا عندك هوز مخروم يهرب, او غطا خربان يحتاج تبديل. مثل كيف غطا الرديتر مثلا.

اسيديلكو  ماينفع الكويلات لان فيها ماده زي الزيت  تمسك الاوساخ والاتربه  الله يكرمك والسامعين افضل حل تنظفها ببخاخ اكترونيات 
والزيوت المتراكمة من غطيان  البلوف +بلف التبخير  اذا تعطل وصوف المكينة +وجيه صدر المكينة 
التلميع فيه محلات تلميع يظبطونها لك والسعر ع حسب كل محل يختلف عن الثاني  واستخدم للفورد زيت خفيف جميل جدا وأداء افضل 

بيض الله وجيهكم جميعا
وفعلا رحت لمكانيكي فاهم قلي سببها وجه غطا بلوف وبلف البخار
حتى السيارة عندي اذا كويت لها وهي واقفه يخرج دخان ابيض
وقلي ذي منها بعد
المهم بيض الله وجيهكم على النصايح
وبالنسبة للزيت الخفيف الي هو حق الوكالة 5/10 اتوقع كنت ناوي احطه
بس قالولي مهو كويس هذا مهيئ للمناطق الباردة بس هنا مع الحر
بينقص معك الزيت (يتبخر) والله اعلم

انا الباثفايندر عندي احط لزوجة 10دبليو 30 و ما منه مشكله اشوفه احسن من 20 دبليو 50