أضف سؤال أو موضوع جديد          

مشكلتي مع التأمين ونجم تحديث حل المشكله

up 2 down 1
احمد 170 286
قبل شهر و 2 أسبوع



السلام عليكم ورحمه الله وبركاته
طبعا تعرفو موضوعي السابق وهذي تكمله له
في يوم الثلاثاء حصل لي حادث واتصلنا على نجم
وطلع الخطأ 100% على الطرف الاخر 
وجهني نجم لشركة التأمين بعد تقدير السيارة
اللي صار خلصت التقديرات وتوجهت لشركة التأمين يوم الخميس 
وصلت الساعه 8 صباحاً لشركة التأمين وقدمت اوراقي
بشكل طبيعي
المفأجاه اتصل فيني موظف شركة التأمين بعد ربع ساعه
وقال تأمين الطرف الثاني اللي عندنا منتهي من شهر5
تعال وخد اوراقك وتوجه للمرور
رفضت الكلام هذا واتصلت على نجم وقدمت شكوى
واتصلو فيني بعد 40 دقيقه الله يجزاهم خير
وقالو كلام شركة التأمين خاطئ التأمين لازال جاري
وينتهي بنهاية السنة طلبت منهم يرسلو لي ايميل 
بهذا الكلام ورفضو الا بطلب رسمي من شركة التأمين
رجعت واتصلت على شركة التأمين كلمت الموظف
ورد علي " حاليا السستم عطلان لكن اول مايشتغل راح
اتواصل معاك" 
انتهى الدوام ولاتواصل معي
اتصلت على شركة التأمين حاولت اقدم شكوى لكن ماافادوني الا بالتوجه للفرع والشكوى للمدير مباشرة
الان انا انسان عندي دوام وطبيعه عملي حساسه
ومااقدر اطلع من دوامي كل شوي لااجل خطأهم
وتعاسة انظمتهم حسيت انهم يشتغلو على ورق مو كمبيوتر!!
المغزى من الموضوع شركه التأمين تقول التأمين منتهي
تعال وخد اوراقك ولا ترا يمكن تضيع!!!
نجم يقول التامين ساري لنهاية السنة
كول سنتر شركه التأمين يقول مستحيل نجم يوجهك علينا ويكون التأمين تبع الخصم منتهي
بالله  مشكلة بسيطة تافهة مثل هذي وعجزانين يحلوها بينهم!
انا وش ذنبي اعطل شغلي عشان انظمتهم التعبانه
الان ايش الحل برايكم هل مؤسسة النقد تحل موضوعي
او كيف اتصرف معهم 
واعذروني على الاطاله ولكن الموضوع منرفز ومستفز
وشكرا لكم ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام ورحمه الله و بركاته
احيانا غلطه بسيطه بسبب جهل موظف او تقصير منه يبهذلك و يتعبك الله يعينك


up 2 down 0
ابو تركي1401 -40
قبل شهر و 2 أسبوع



الله يكون في عونك بالنسبة انك تنجز شي بالتلفون فلاتخسر نفسك اتصالات
رح لهم وخش في عيونهم
والسيستم عطلان هذي حجة اللي وده يلف ويدور
شكل الطرف الاخر معه معرفه في اللشركة ويبي يطفشك



up 2 down 0
ali400ali 160
قبل شهر و 2 أسبوع



الله يقويك وينصرك عليهم ،
طول بالك ، حقك ماراح يضيع وبالنسبه للعمل لاتخلص امورك بيوم واحد وتنقطع عن عملك
اول شي مر التامين الموظف اللي دق عليك وخذ منه خطاب رفض والسبب حق الرفض
لان لابد عند الرفض من شركه التامين يعطونك خطاب مع ذكر السبب ومختوم

بعدها اليوم التالي مر نجم وقدم ثبوتياتك لهم بالرفض من التامين وخذ صور من كل شي 
وخلها تقبع بينهم ايميلات وبعدها كل شوي دق على نجم وشف وش صار على شكواك

مانفع معك في كل الحالتين خذ خطاب التامين وخطاب نجم بانه وجهك لهم والتامين ساري
وتوجه لموسسه النقد ، 


الله يكون بعونك ، والله مالومك الوضع هنا للاسف فوضوضي ..

طول بالك اهم شي

وفيه حل اخر حبذا تتواصل مع اللي صدمك ويرسلك واتس صوره من استماره التامين حقته كانها ساريه
ولمن تروح التامين الموظف توريه صوره الاستماره بانها ساريه ..


up 0 down 0
wooow.r 83
قبل شهر و 2 أسبوع



الله لايوفق شركات التأمين دنيا واخره

طبعا اذا لك حق عندهم يذلونك واذا بياخذون فلوس منك على طول ايقاف خدمات


up 0 down 0
x-bariq 111
قبل شهر و 2 أسبوع



سجل كلام نجم وشركة التامين فديو واحتفظ فيه وقت الشكوى

شركة اليانز بعد ماسلمتهم الاوراق كاملة عطاني ورقة المتطلبات المستلمه مكتوب فيها ناقص تقدير شيخ المعارض وانا مسلمه

ويقول كل المراجعين كذا وبعد يقولك تجاهل رسالة طلب معاينه السيارة يعني صلح موترك !

بمعنى لوصلحت و جحدوني بورقة شيخ المعارض باكلها وبتبهذل والله اعلم لكن فالاخير نزل المبلغ والحمد لله

ولا فهمت وش فايده اللف والدوران ذا كله




up 0 down 0
abo3edh 240
قبل شهر و 2 أسبوع



اذا شركات التأمين تابعة لوزارة التجارة اتصل عليها بيحلون لك المسألة بعد الله


up 0 down 1
الشريف بدر 272
قبل شهر و 2 أسبوع



شركات التأمين تابعها
لمؤسسة النقد


up 0 down 0
كورولا111 113
قبل شهر و 2 أسبوع



اليوم الصباح رحت للتامين وحولني الموظف على خدمة العملاء
شيك موظف خدمه العملاء وقال التامين ساري مين قالك منتهي
قلت موظفكم اخد الاوراق ورحنا للموظف وانحلت المشكله
طلع موظف مايعرف النظام ولاابي اتكلم عليه واغتابه
اصلا من اول مره دخلت عندهم وانا غاسل يدي منهم
حسبي الله ونعم الوكيل والحمدلله على كل حال


up 1 down 0
احمد 170 286
قبل شهر و 2 أسبوع