احد يتفضل لي بعيوب و مميزات قير CVT اللي مركب على ماكسيما

طبيعي مافيه تعشيقات.

القير ماله تعشيقات ، أصلا مافيه لا تروس ولا كلتشات ولا شي

مجرد بكرتين بينهما جنزير يدور باستمرار فقط.

بس العزم احيانا ما ارتفاع صوت المحرك يخوف يعني صوت عالي وانت ماشي 100

كمان سمعت ان صيانته ماهي مكلفة واذا سرعت بسرعات عالية اجباري يرجعك لسرعة اقل

غير صحيح ان صوته مزعج على سرعة ١٠٠ الا اذا كانت سواقتك عنيفة جظا فهذا امر اخر.

المكسيما سرعة ١٠٠ الضغط على ١ ونص تقريبا !! عن اي ازعاج تتحدث عنه.

بالنسبة للسرعات العالية مدري ما قد اسرغت ولا قد صار شي من هالقبيل

لازم تعرف طريقة عمل الCVT . القير يثبت دورات عالية الى ان توصل للسرعة المطلوبة, طبعا بعض الشركات صارت تبرمج القير بحيث انه مايضغط على المكينة يعني لو السرعة المطلوبة حسب الدعسة 160 لما توصل السيارة لسرعة 120 تبدأ الدورات تقل للحفاظ على المحرك وكانها غيرت رقم الترس, عند الوصول لسرعة 160 يرتاح القير وينزل عداد الدورات ( كأنها بدلت لاخر نمره مثلا القير ال8) انت جرب تثبت السرعة على 100كم وراقب عداد الدورات وصوت المحرك اذا فيه صوت قوي يعني عندك مشكلة.

قير ممتاز
وله ميزاته ولكن لانه جديد ف السوق وصيانته جديده
مريح للسياره ...قلة الصرف في البنزين
ضغط المحرك معقول .......
لكن يلزمه حذر في الصيانه .....
وما اي واحد يعرف صيانته.......
القديم قوي ........لكن متشعب وقطعه كثير ......

ياخوي القير هذا مافيه شي على فكره من 2012 وفوق تجي مبردين قير يعني امورها تمام ولا تشل هم القير دوس فيها واهم شي كل 40 الف غير الزيت والفلتر واهم شي يطلع الزيت اصلي حق الوكاله اسمه سفني

بيض الله وجيهكم وابعدها عن النار - انا جديد على السيارة لاني 4 سنوات استخدمت كامري وغاثتني بالعزم الضعيف وفجاة انتقلت الى 6 سلندر وقير CVT.

طيب وحرارة القير مع الخطوط يقولون  يسخن القير واجباري تهدي السياره 
حتى لو كنت تمشي ١٤٠ ترجع للميه او اقل بعد ولا تقدر تزيد السرعه نهائياً
اللي جرب يفيدنا 

لا يالغالي انا سافرت 1500 كم ما قلت سرعتها بالعكس كل ما مشيت مشت معك واذا غيرتها قير عادي اسرع