اخر إبداعات اصحاب البناشر.. تغيير الزيت والسعر مفاجأة

المفروض كل واحد سحب على المراكز اللي ترفع الاسعار طالما ان حماية المستهلك تغط في سبات عميق 

الرد اللي قبل ٣ ردود.  اظن  ااا لله.      مافيه احد قال فلان اكل حلال حنا نتكلم عن اسعار وارتفاع غير مبرر
تدري رمز ومراكز التوفير وش يخليها تكسب حتى ان في الدمام فتح ٤ محلات بوقت واحد.  الحسين آب وتوفير العائله وغيرها
لانهم يرضون بالربح القليل فيأتيهم. زباين برزق كثير.   هالمراكز. عمالها واجد حول ٣٠ وفوق وكهرب ومكيفات كثير بحكم كبر المساحه
ويبيعون ب ٥  وب ١٠.     ف الله يرزقهم. وهذا ذكاء منهم.       حنا نستفيد وهم اكيد يستفيدون ويربحون
لكن الاستغلال.    من اي شخص بغض النظر عن جنسه وجنسيته مرفوض. تقول وراهم زوجه وعيال ووو.    وحنا ماورانا التزامات واسر
ومصاريف.   كلنا ورانا التزامات. وسبق ان ذكرت اني حر في مقاطعتي لمن يرفع سعره والذهاب الي اخر
ف المعقول معقول.       عشان تفك صره  وتحط زيت تاخذ ٥٠
ياخي.  مكيفاتي مركزيه.  ويوم  صار السقف يخر. ف فتحت قوقل ولقيت السبب حاجتين ماصوره مسكره او طرنبه
جبت الباكستاني.     قلت ممكن طرنبه بسوي نفسي خبير.   قال بنشق السقف ونغير ووووو. يكلفك ٦٠٠.  قلت اوف.   فيها شق سقف
خلني افكر.   جاب خويه كلمه جوال وجاني.    قام يتبسم وكأنه بيبشرني بولد. قال مافيه شق سقف. يعني انبسط
قلت انا مايشق سقف الا بعد ما اجيب ١٠ نفر ويقررون.     المهم فيه فتحه دخل يده وغير الماصوره الصغير.  خلال دقيقه ونص انتهى
خلصنا.   قال ٦٠٠ اي والله.     قلت انا باقل يعني مجنون.    والا بكري يعني تيس.   قال اتفاق.  قلت ما اتفقت هو قال بشق السقف
واسوي عمليه طويله ب ٦٠٠ ولا وافقت وبعدين طلعت ماصوره
خذ ١٠٠ واذا مافيه تهريب عطيتك ١٠٠ قال لا.     ٦٠٠  قلت انقلع
كلمت اجاويد. وهو باكستاني متعامل معه وصادق وامين بس كان في جده.   والا خبره.  ودايم قرآنه في جيبه.     
قلت القصه كذا وكذا قال عطه ٨٠.  قلت ١٠٠ قال لانزيد
مريت واحد جنبهم شغله تكييف وتبريد. قلت عندي انسداد وابيك تغير الماصوره.  قال ٥٠ ريال.      
رحت له وعطيته ال ١٠٠.   رميتها لانه رفضها.      قال سعودي مافيه كويس قلت انتا علي بابا كبير 
ف هذا وامثاله  وش نسوي فيه.             الي متى النصب من البعض واستغلالنا. واستحمارنا
اللي يبي الرزق ويبي يصرف على عائلته يقبل بالمعقول.