أضف سؤال أو موضوع جديد          

تم تغيير زيت القير CVT للمره الثالثة لنيسان سنترا

up 8 down 0
abdullah4517 183
قبل 6 شهر



السلام عليكم ورحمه الله
بعد ما شفت موضوع الأخ العزيز (عبدالله ابو سند) عن تجربته في تغيير زيت القير لنيسان سنترا وانه تطرق
في موضوعه لتغيير فلتر القير نبهني لنقطة مهمه وهي وجود فلتر للقير ( اول مره ادري ان للسنترا فلتر قير ههههههه)
فقلت ضروري اغير زيت القير والفلتر قبل يصير مشكله للقير
علما اني سبق وان غيرت زيت القير مرتين قبل

الأولى عند 100 الف كيلو اظن

الثانية عند 160 او 170 الف

وكلها تغيير عادي الاولى عند ون ستوب فك الصره تحت وبعد ما يفضى يكب زيت NS3 كامل
والثانية كذلك بس في بنشر عادي


الثالثة عند 230 ألف كيلو متر عند ورشه
تم تغيير الفتر
وجه الكارتير ما لقيته فشريت معجون يقوم بالمهمه

التكلفة 100 ريال عند ورشه عادية شامل تنظيف الحوض ب البنزين ويوم جف تماما ركبه وتركه ساعه لين يجف المعجون
ثم صب الزيت علبه كامله 4 لتر

الي استغربت منه انه نزل زيت كثير يوم فك حوض الزيت بمعنى انه لو بس تفك الصره بدون الحوض او الغطاء السفلي
لا يجب وضع نفس كميه الزيت مثل ما لو بتغير الفتر وتنظف

تكلفه الفتر والزيت بحدود 300 ريال مني متأكد

للأمانه مافيه تغير بالاداء كبيرقبل وبعد ما عدا حنه بسيطه اختفت بعد ما غيرت الزيت

الصور بضيفها لاحقا يرفض الاضافه هنا ويجي الخطأ (Failed to write file to disk)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ممتاز الله يعطيك خيرها

صح الكمية هي 4 لتر بالتمام

زيتها اسمه cvt ns-3

فعلا الكرتير هندسته وتصميمه غريب لان الصرة جايه باعلى نقطة فالزيت ينزل شوي بس لان الزيت كله متجمع تحت بالزاوية فلابد من فك الكرتير في كل مرة تغيير الزيت

الاحظ انك تطول عليه مرة مرة ! حاول تغيره كل 40 الى 50 الف بالكثير وحاول انك تنتظم لانه قير حساس زي ما انت خابر


ما شاء الله تبارك الله

موترك ماشي 230 الف ، كيفه معك ( القير / العزم / المكيمة وووو)


وشي القطع اللي غيرتها ؟


ماشاءالله تبارك الله الله يكملها المليون معك وزود
السيارة ممتازه بخدمتها وتستاهل المحافظه



ماشاء لله عليكم 
صاحب الموضوع انا عندي اكسنت 2016 قيرها CVT متى تغيرها وكم علبه وهل يحتاج فك كرتير  ولا بس صره 


up 0 down 0
mm.2015 138
قبل 6 شهر



فعلا صارت لي بالالتيما مالقيت فلتر

وحط صمغ وجلس نص ساعه وحط الزيت بالكامل وقفل السره

وامورها تمام


بس لي ماغيرت بعد 100
وفقك الله




up 0 down 0
aboahmed2014 422
قبل 6 شهر



السيارة حلوه وراسه ومريحه
العزم تعبان
سر المحافظة على السنترا هو انه ما تشد عليها بالدعسه والله اعلم
يعني الي رجله حاره ما تصلح له






mm.2015
بالنسبة للاكسنت ما ادري بالضبط وش الي يتغير شف الوكاله او اسأل المجربين



up 0 down 0
abdullah4517 183
قبل 5 شهر و 4 أسبوع



و انا ماشي بالسياره تحصل رجه متوسطه بالسياره كلها لمده ثواني و تختفي
تتكرر مرة كل اسبوع تقريبا ... كانت حصلت قبل ذلك مرتين في سنه... السياره 2015 ماشيه 31000
هل ممكن تكون مشكله قير


up 0 down 0
shams8275 1
قبل 2 شهر و 2 أسبوع



ياصاحب السنترا .. انا عندي سنترا 2014 وفكيت العكس
ونزل منه زيت القير .. فما عرفت كم بالضبط نزل

قلت كويس راح اغير زيت القير .. رحت للوكاله وشريت NS3
فيه 4لتر .. المشكله رحت عند بنشري وقالي انها تاخذ 3 لتر ونص
وذحين نص لتر موجود عندي .. بالعاده انت كم لتر تغير ..
طبعا بدون فك وجه الكارتير او اي شي ثاني بس فكيت الصره ونزل الزيت
و بعدين قفل الصره وسحب الزيت الباقي بالاله اللي عنده ..

ابي اعرف كم لتر هي تاخذ .. وسلامتك ..


up 0 down 0
محمد 3013
قبل أسبوع