أضف سؤال أو موضوع جديد          

صوت يطلع عند دعسة البنزين ولقيت المشكله وجاااري الحل

up 7 down 7
aboahmed2014 504
قبل 10 شهر



السسسسسسسلام عليكم والرحمة والبركات

اخواني هذا موضوع قديم لي بإمكانكم الدخول عليه

بالضغط على اسمي


المشكلة تكن بسيارتي التيما 4 سلندر

من اول ماشريتها وكاله على يدي ماشاء الله تبارك الله


طبعاً المشكله لو تصدقون واجهتني من بعد ست اشهر من طلعتها من الوكاله

وكان عبارة عن صوت يطلع خفيف عند دعسة البنزين ويختفي صوت غريب زي الجررررر.


طلع معي مسؤل من الحمراني وقتها ب 2009 وساق السياره والصوت عيا يطلع (هههههههههه

وقال السيارة طبيعية واذا طلع ثاني ارجع فيها

المهم بعدها اربع سنوات يطلع خفيف شهر وسنه يختفي

وبحكم عندي سيارة العمل تركتها بس حق السفريات فقط



وقبل سنه استفحل الامر وصار يطلع ويزعج حتى الراكب معي

رحت فكيت الاقزوز ولحمته وبرضوا المشكله

امس قلت بما انه ويكند بطلع الورشه عند فلبينين بورشه محترمه متعامل معاهم شغلهم طيب


المهم جرب السياره وسمع الصوت وعلى طول قال الكمبرسور >> عشان تعرفون ان الفلبينين شغلهم امانه وصدق
ولايحب اللف والدوران مثل بعض الجنسيات


وطلعها على الحفره وقال مبدئياً بشد لك السيور

وطلع عندي شبه منتهي شداد السير واخذت وكاله 150 وغيرته الى الان الصوت مابين
وقال روح وجربها



على وحده الفجر مسكت خط الدمام الرياض

المهم والصوت لازال يطلع مع الدعسه اذا قومت السيارة وبعدها يختفي

واجنب على الخط

واطفي المكيف وادعس تخيلوا الصوت اختفى واحول القيرعادي


واجرب على سرعات وادعس وافك الدعسه ومافي صوت ^_^


واليوم باصدفه رحت منتدى عماني وطلعت نفس المشكله والحل بتغير الكمبرسور

وطلع فيه عيب بالكمبرسور من التيما 2008 الى 2012 بعد 12 عدلوا العيب



وجاري شراء كمبرسور جـديد وتركيبه وراح اوافيكم باخر الاخبار







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


طالما الكمبروسر بارد ولا فيه مشاكل فقط صوت بسيط ولا تسمعه الا وانت واقف
ليش الخسارة خله لا ضعف تبريده ولا شيء عشان تقول بتغيره
بس عشان شوي صوت حط فلوسك بشيء تستفيد منه افضل من تغيير كمبروسر عشان صوت بسيط


up 4 down 2
ابو تركي1401 -190
قبل 10 شهر



الحمدلله اللي يسر لك حل مشكلتك
اعذرني اذا ما فهمتك تمام ولكن

اعتقد انك بعد تغير الشداد طلع معاك الصوت ولكن خفيف
اذا كان الكمبروسير شغال تمام ويبرد والصوت خفيف انصحك توفر المبلغ واصبر عليه

اذا كان الصوت عالي ومزعجك .. غيره وارتاح
احسن ما فيك كتبت مشكتلك وحلها ولا حذفت مواضيع مثل الغير
بالتوفيق


up 6 down 0
a7md.r 57
قبل 10 شهر



ابو تركي مرحباً الف

بالعكس الكمبرسور تبريده طيب

لكن الصوت صار مزعج وصار قوي لدرجه حتى اللي راكب معي ينزعج منه

وانا والله ابي اشتري راحة نفسي اخاف يزيد اكثر وابتلش بخرابات ثانيه انا في غنى عنها




up 2 down 3
aboahmed2014 504
قبل 10 شهر



اخوي احمد

الصوت مثل ماذكرت لازال ومزعج بشكل مرعب

ولكن انت تعرف السيارات الحديثه اذا ماغيرت قطعه خربانه تخرب قطع اخرى

اشكرك على المرور


up 1 down 0
aboahmed2014 504
قبل 10 شهر



طيب طالما انه عيب مصنعي في الكمبريسر حقها وش الخراب تحديداً رمانات ولا ايش بالظبط حرام تغير كمبريسر يبرد وتخسر مبلغ وقدره صوت خله يطلع


انا الحين موتري بعد ممشى 300 الف صار عندي مع بداية قومة الموتر والمكيف يشتغل زي صوت ونه خفيفة ووون ويختفي اذا زدت سرعتي ومايطلع الا مع المكيف وانا متأكد انه من الكمبريسر بس ماقصر ماشاء الله من عام 2009 وهو على بلاده وتكييفه ماشاء الله تبارك الله ثلاجة ومنيب مغيره لين ماعاد فيه رجاء ومتأكد لو بمر كهربائي بيقول رمان ولا شي وبزبطه ان شاء الله وبيزبط


خلني امر عليهم بس اذا فضيت ان شاء الله وبشوفه ، الخلاصة لاتغير اذا ماله اثر


up 2 down 0
a.ibrahem 3000
قبل 10 شهر



ابراهيم الله يسعد ايامك عزيزي

نفس مشكلتي

والمكيف من ابدع مايكون تبريده وللعلم مابدلت فريون من يوم شريتها ماشاء الله

لكن الصوت صار قوي وهذا اللي خلاني ابدل الكمبرسور
على العموم انت شوف المشكله على قولتك بالرمان وانا برضوا بمر كم كهربائي ونتواجـد على خير


up 3 down 0
aboahmed2014 504
قبل 10 شهر



عليك السلام صوت الكمبروسر مايطلع الا من الرمان 


up 0 down 0
نواف الحربي4 345
قبل 10 شهر



حياك الله نواف

امس مريت باكستاني وقال الكمبرسور مافيه مشكله ممكن من الرمان او قطعه ذكر لي اسمها بس نسيتها

وقال اليومين هذه تعالني من الزحمه اللي عنده

على العموم بشوف والله يسررر


up 0 down 0
aboahmed2014 504
قبل 10 شهر



خساره. تدفع قيمة واحد جديد. والي عندك 
مافيه اي خلاف. غير الصوت. 

الافضل لك. واوفر لك بالتكلفه 
انك توديه لواحد فاهم وتضمن شغله 
واذا فعلن الصوت من الكومبروسر 
مثل.  الرمان. او قطعه غيرها   راح تبين معه 
اذا فكه. وماراح يكلفك كثير بئذن الله 

والله يفرجه عليك. روح له بعد يومين وان شاء الله تتيسر

واذا انت بالرياض. بدلك على واحد فالنسيم الشرقي 

شارع النخيل. مقابل مجمع الاتصالات. 
محله جمب المحطه  اسمه عبدالعزيز تقريباً 
شلغه مظبوط لاكن زحمه دائماً