هل ورقه المبايعه تخلي مسواليتك

الواضح من كلامك ان المشتري راح يستخدم بدون ما يجدد وليس فقط فترة التجديد كم يوم او اسبوع
بالحاله هذي لا اعتقد انها تخلي مسؤوليتك ولا تحصل معرض يقبل بالشيء هذا
تخلي مسؤوليتك انت بعد تعب مطارده لتنزيل المخالفات عنك بحال ما سدد
ولكن المعرض راح يتضرر بغرامه و ممكن يتقفل لمدة شهر بسبب انه خرج السيارة من المعرض
بدون نقل الملكيه و انه اصلا سوا المكاتبه و الاستماره منتهيه
يعني بتكون معك مجرد ورقه ممكن حتى بدون ختم

يعطيك العافيه يابو تركي 

يا الاخي الكريم تبي تخلي مسؤوليتك حولها بطريقه نظاميه وخل تجي الرساله من ابشر ورتاح والله الموفق

نصيحه لك يالفارس جدد موترك وافحصه
بطريقه هذي تبيعه ونت مرتاح وينقل بسم المشتري
وتفتك من مخالفات ساهر وسدد وغيره
اعرف واحد باع بطريقه هذي والي شرى باعه لواحد ثاني
ولا يدري موتره وين الحين ويضطر انه يبلغ عنه من اجل
يخلي مسؤوليته والموتر مسجل عليك بنظام أبشر
وفالك التوفيق

العلم بع موترك بطريقة نظامية ، ولا تجيب لعمرك المشاكل والمصايب


بكره ولا بعده يا شباب اشتكيته والرجال مدري وينه وماعاد يرد علي والشرطة قالوا وفعلوا بي

هذا غير لو صدم بالموتر وانحاش ولا لو صدم وحجز الموتر ولا غيره محد بيطارد الا انت


في هالزمن قريبك اللي هو قريبك لعاد تثق فيه خلك انت وياه نظامي عشان بكره ما تخسره


ياما عيال عم وهقوا بعض وتوقفت خدماتهم بسبت كفالة ولا غيره وذاك يقولك مامعي فلوس مقدر اسدد ، وغير اللي موقفه خدماته بسبت قريبه صدم بموتره وانحاش ولا اللي هو


خلاصة الكلام معه فلوس بيتحمل تجديد ونقل اهلاً وسهلاً غيره قله منيب مجبور ابيعك لو تبيعه بأقل ولا تبيعها تشليح وتشتري راحة بالك ، ولا الله لايهينه كانه جاد وصامل يبي الموتر قل بطيح لك من قيمة الموتر اللي يكفي تجديدها ونقلها وبسجلها عليك شيك ولا غيره وشف وش بيقول


غير هالخيارات لا تدور وانا انصحتك وانت حر


موفق

شكرا كلامكم صح لاهنتو