أضف سؤال أو موضوع جديد          

تم تغيير زيت قير نيسان سنترا

up 4 down 0
عبد الله أبو سند 162
قبل 2 شهر و أسبوع



بسم الله الرحمن الرحيم


السلام عليكم ورحمة الله وبركاته


لقد تم تغيير زيت قير سيارتي نيسان سنترا 2014 محرك 1.6 عند مركز ( ون ستوب ) فرع حي النزهة ، تقاطع طريق الملك عبد الله مع أبو بكر ، طبعا العمالة فلبينية

غيرت الزيت + فلتر جديد + وجه كرتير جديد والحمد لله تم تنظيف الكرتير والمغناطيسين مزبوط

والضمان 3 أيام !



النقطة المهمة هي ..

الجماعة عبو لي 3 لتر و 500 ملي بالضبط ، الحقيقة استغربت توقعتها تاخذ 4 لتر لان الجالون حق الزيت 4 لتر !

الغريب ان العامل ما صب الزيت القديم بجالون فاضي لكي يعرف الكمية لا ، صب 3.5 لتر مباشرة وبثقة كبيرة وبدون قياس اي شي او معايرة اي شي ، قلت له كيف عرفت المقاس والسيارة مافيها عصا قياس ، قال ان السنترا هذا مقاسها ويقول انها ليست اول مرة اغير للسنترا


وش رايكم يا اخوان وخاصة من يملك السنترا








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


فك الكتلوج قسم صيانة القير وشوف كم المكتوب
لو 3 ونص تمام
لو اكثر او اقل تروح لنفس الفرع و تتفاهم مع المدير
عشان يتعاقب و مايجلس يفتي من راسه في سيارات الناس


up 2 down 0
monjed salih 97
قبل 2 شهر و أسبوع



الكتلوج لا يحتوي على اي معلومة بخصوص كمية زيت القير للأسف


up 2 down 0
عبد الله أبو سند 162
قبل 2 شهر و أسبوع



كم غيروا زيت القير
والاغراض انت جايبها معك وﻻمن عندهم
بالنسبه للمقياس مالك الا انك تشوف واحد معه
سنترا مغير الزيت ولو عندك لغه اكتب باليوتيوب
تغيير زيت القير سنترا بالانقليزي واذا ماتعرف ترجمها بترجمة قوقل


up 0 down 2
d7ooom777 869
قبل 2 شهر و أسبوع



٢٠٠ ريال شغل يد

الزيت والفلتر ووجه الكرتير كلها من الوكالة جايبها معي

ولله سألت ناس كثير مغيرين واحد يقول ٣ وتص وواحد يقول ٤ ووو مافيه علم وكاد يعتي


up 2 down 0
عبد الله أبو سند 162
قبل 2 شهر و أسبوع



امشي عليها شوي.  وبعدين. عاير الزيت

شوفها ناقصه ولالا


up 0 down 0
sell 162
قبل 2 شهر و أسبوع



مالها عصا قياس للمعايرة للاسف


up 1 down 0
عبد الله أبو سند 162
قبل 2 شهر و أسبوع



اتجه فورا لأكبر مركز صيانة نيسان واستفسر


up 0 down 0
النمر606 87
قبل 2 شهر و أسبوع



لا اعرف شي يمدحه الناس ومتخصص بنيسان الا ون ستوب


up 1 down 0
عبد الله أبو سند 162
قبل 2 شهر و أسبوع



ارجو من ملاك السنترا الافادة هنا وخاصة ممن غير زيت قيرها


up 0 down 0
عبد الله أبو سند 162
قبل 2 شهر و أسبوع



اخوي السيارات اللي مالها عصا
يكون فيها مسمار لوزن الزيت يجي جمب القير
يعبي الزيت اللي يبدا ينمب من المسمار ويوقف
خلاص كذا يكون الزيت موزون
اما مكانه مالي خبرة بس هذا اللي عرفته من كلام الشباب


up 2 down 0
متسوق جدة 131
قبل 2 شهر و أسبوع



نفس الكلام متسوق نفس صره التعبية عبي حتى يبدى ينقط منها

نفس االنظام بالانسر مافيه عصا معيار


up 2 down 0
abo3edh 240
قبل 2 شهر و أسبوع



بحثت باليوتيوب عن تغيير زيت قير الCVT سنترا
ماحصلت الا موديلات قديمه مدري وش نوع القير
وحصلت التيما كيف يتم تغيير زيت القير وقيرها CVT
كلهم معيار الزيت هو نفسها الصره الي تعبي منها
اول ماتفتح الصره حق التعبئه يطلع مع الغطاء حدديده حق المعيار
مدري عن حقتك فيها او لا شف الراوابط تحت

https://www.youtube.com/watch?v=dELcvcNSoqk

https://www.youtube.com/watch?v=-JByqE-CSU4

https://www.youtube.com/watch?v=AVaKRRyrQT0

https://www.youtube.com/watch?v=8kRHM48JWnk

https://www.youtube.com/watch?v=rhOFQKvB-QQ




up 0 down 2
d7ooom777 869
قبل 2 شهر و أسبوع



وش الحل ؟!

ارجع لون ستوب ولا كيف لان كثير يقولون ٤ لتر !!


up 0 down 0
عبد الله أبو سند 162
قبل 2 شهر و أسبوع



انا مثلك غيرت لسيراتو ووسوست وجيت المنتدى اقلهم عبيت 3 ونص وهل هي 4 ونفس حالتك لانه برضه ماحسبت الزيت القديم وحطه عن ثقه وطبعا قريت وحتى ثاني يوم كلمت ورش اعرفهم ومهندسين كيا كلهم سباااكين اللي يقلي 7 واللي يقلي 5 ونص وكلهم بثقه .. الزبد حتى لو حصلت بالكاتالوج السعه راح تكون كبيره لانها محسوبه على كل السعه في حال انزال القير كامل وتوضيبه ومستحيل تحصل لا عالنت ولا بالكاتلوج عن السعه الحقيقيه للتغيير كصيانه دوريه .. الزبده انا وسوست وفعلا رجعت للرجال قلي ياعمي في مسمار او البرغي خلاص هو فيه وزنيه معينه ويعرف انه تمام مثل ما قال الاخ فوق وفعلا القير مشيت بعده 30 الف وبعت السياره وكان حلاوه .. لكن الاهم لك تكون غيرت لزيت نيسان الاصلي وانا صراحه حسيت فيك ولفيت كثير مواقع اجنبيه وبالاخر اقرب اجابه حصلتها انه تحتاج 3.78 لتر لكن لسنترا 2009 والقير طبعا cvt .. انت جرب السياره هالثلاث ايام وشوف التنقيلات مافي حنه مافي تأخير مافي شي امورك بالسليم ولاتوسوس وصدقني اكيد الرجال مر عليه كثيييير وكل يوم تغيير زيوت القير لاتخاف


up 0 down 0
camaro28 387
قبل 2 شهر و أسبوع



جزاك الله خير.

نعم حطيت زيت اصلي من الوكالة الموصى به.

لكن العامل ما استخدم الصرة الجانبية وشافها الى ان تقطر لا عبى على طول


up 0 down 0
عبد الله أبو سند 162
قبل 2 شهر و أسبوع



يمكن انه وازن الكمية من تجارب سابقة ، لذلك عباها بدون معايرة والله أعلم.


up 0 down 0
عبد الله أبو سند 162
قبل 2 شهر و أسبوع