أضف سؤال أو موضوع جديد          

تجربتي البسيطة لصني 2016

up 24 down 1
مجرد متصفح 656 137
قبل سنه و 5 شهر



السلام عليكم وكل عام وانتم بخير وبصحة وسلامة 

حاب اعطيكم تجربتي الصغييرة للصني 2016 

طبعا اخذتها ب 31 الف نص فل 

فيها بلوتوث وجناح وسيدي وتحكم دركسون وريموت وعداد رحلات وارباقين وABS 

ف السعر مقابل المواصفات اشوفها كويسة والسيارة يباني تجميع هندي 

السيارة عزلها لصوت المكينة اشوفها جيد جددا والعزم  اشوفه ممتاز بحكم ان كان معي كرلا 1300 سيسي هههههههههه 

ومريحة السيارة من ناحية المراتب والعضلات طلع الوالد عليها مرتين وانا مرة خط 1300 كيلو جبيل الطايف رساوتها طيبة الى 140 والهدوء كويس بالنسبة لي و صرفية البنزيم اعبيه فل بالخط يطلعلي تمشي 600 كيلو لكن هل هي صحيحة الله اعلم 

المكيف ماحتاج اتكلم عنه ماشاء الله تبارك الرحمن كان معي كرولا 2007 مكيفه بارد بس المروحة مالها صوت يوم شريت الصني ودقيت مكيفها انخرشت من قوة مروحة الصني ماشاء الله 

طبعا السيارة مشت بس 6500 ومحافظ عليها ف ماقدر احكم عليها من ناحية الجودة والعملانية لانها توها جديدة بس السيارة بشكل عام كويسة من ناحية المواصفات والسعر 

نجي للعيوب والملاحظات :

بالخط كنت مشغل المكيف مافيه اي مشكلة يوم وصلت نقطة تفتيش الطايف طفيته ووصلت الطايف وقعدت 

اسبوعين تقريبا ماشغلته بحكم الاجواء ف بعد الاسبوعين نزلت مكة مع الهدا وصلت عند كبري عرفه قلت اشغل المكيف الجو استحر شغلته طلع صوت احتكاك المروحة بالديكور استغربت الصراحة 

السيارة جديدة وصوت احتكاك مروحة المكيف بالديكور فطفيته وشغلته بعد ساعة اشتغل طبيعي ولا فيه شي قلت لازم اوديه الوكيل دامها عل الضمان 

قعد الصوت يطلع لمده 3 ايام اشيك عليها مرة يطلع الصوت ومرة يختفي وبعدها اختفى الصوت نهااائي من حاله 

الملاحظة الثانية في فراغ بالصدام الامامي عند الاصطب الايسر والاحظ وانا اسوق عند اي حفرة تهتز الاسطب ماني عارف هو كلبس ماني عارف بالظبط 

وبس والله هذا الي عندي ادري اني طولت لكن تحملوني اول مرة انزل تجربه ههههههههه 

والسلام عليكم 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تقرير ممتاز تشكر عليه. الملاحظات اللي عندك الأفضل ان تروح الوكالة تخليهم يشيكوا عليها. وفي نقطة مهمه هي ان السيارة المستخدمة كرولا ومكينة أصغر. علشان اللي استخدم سيارة من فئة افالون وازيرا وتورس راح تكون توقعاته مختلفة والعكس لما احد يستخدم صني 5 سنين ويروح يشتري فئة سيدان كبيرة راح يشوفها ممتازة حتى لو انها سئية بالنسبة لفئتها.


up 4 down 0
dell2012 769
قبل سنه و 5 شهر



صحيح انا التجربة الي سويتها بناء على تجربتي للكرلا 2007 من ناحية العزل والهدوء والرساوة والراحة 


up 4 down 1
مجرد متصفح 656 137
قبل سنه و 5 شهر



الله يعطيك خيرها ويكفيك شرها
ومثل ماقلت الصني حلاتها بسعرها
ومكيفها ماشاءالله
عندي صني مثل شكل الي عندك
ماعندي اهتزاز بالنور مع الحفر
او اني مالاحظتها مدري تاكد من النور عندك
بالنسبه لصوت احتكاك المروحه ماواجهتني
والصرفيه اشوفها تصرف
اعبيها والطبلون يعطيني 500كم او اكثر
بس كلام فاضي اذا صفرت عداد الرحلات بعد
ماعبيها وتولع اللمبه يطلع عندي انه مشاني
380كم وبعض المرات اقل اذا رجلي حاره 320كم حدها
خلال فترة التمرين ورجلي ابرد من البارده
مشتني بالقوه 490كم
وفيها ميزه ماقلتها الي هو ارتفاعها عن الارض مقارنها
بالسيارات الاخرى من فئتها ارتفاعها ينسيك انها تحك بالمطبات

بالنسبه لمراتبها اشوفها ماهي مريحه ابداا
ونازله مايمديك ترفعها كانك بحفره

يمكن لاني مستخدم سياره امريكيه ماني متعود على النيسان
لانها تعتمد على السياره الي مستخدمها قبل
بس المشكله بنزول المراتب يرفع الضغط مايمديك ترفعها

بس صوت المكينه وانت تسوق كنها جنبي
من قوة صوتها ههههههه



up 1 down 0
d7ooom777 426
قبل سنه و 5 شهر



ههههههههه والله نسيته بالنسبة للوسع السيارة السيارة وسيعة جدا وبالنسبة لي اشوفها مريحة بالركوب وهذي تختلف من جسم لجسم 

وصوت المكينة انا متعود على كرلا الله وكيلك طاحونة بدون عزم بالمقارنة مع الصني 


up 4 down 0
مجرد متصفح 656 137
قبل سنه و 5 شهر



يعطيك العافيه وتجربة ممتاز ومشكور ع التقرير

اما بالنسبة بصوت الخرفشه عند مروحة المكيف  فغالباً اما يكون ورق شجر ناشب فيها او بلاستيك داخله من برا و تلاقيها خرجت او تكسرت ،،

صارت معاي،،


up 2 down 0
panamira 1880
قبل سنه و 5 شهر



انا معاي وحده مثل موترك لها سنه ونص معاي كارفها كرف
سفريات وخطوط صرفيت بانزين ماتصرف وزيت تاخذ ثلاث علب
وربع مع سايفون بنسبه الي اهتزاز النور تاكد من كلبسات الاسطب
يمكن مع مطب ارتخن والفراغ الي تحت الصدام تاكد من الكلبسات
انا مره صدمة علبه مويه وسط فاضيه لمن وقفت حصلت الكلبسات منفكه
الهواء يلعب فيها اذا كان الهواء من يمين او يسار ماتقدر تسرع فيها
اكثر من 140 لكن على العموم اقتصاديه جدا


up 1 down 0
ftfr999 270
قبل سنه و 5 شهر



^
تاخذ 3علب مع الفلتر تاكد لاتروح عليك الصوف
كنت اغير بالوكاله ويحطون 3علب مع الفلتر
وجيت ابغير عند وان ستوب قالي تاخذ 3علب وربع
بالاخير جاء مديرهم وقال تاخذ 3علب وغير ثلاث علب
وعاير الزيت قدامي وقدام الي قال 3وربع وطلع فعلا
3علب بالضبط مع الفلتر

في شئ سلبي بالسياره مدري هي عندي ولاعند كل الناس
الي هو دخول الروائح الكريهه من هواية المكيف حتى وانت
مسكر الهوايه تدخل الريحه
الحل انك تشرطن الفتحه حقت االهوايه تحت ديكور المساحات


up 2 down 0
d7ooom777 426
قبل سنه و 5 شهر



وعليكم السلام وانت بخير وصحه وسلامه

ويعطيك العافيه على الموضوع
الصني مصيبتها في الخلفية لو تتعدل تطلع روعه لان الوجهيه اشوفها جميلة
والداخليه صراحه اقل من المنافسين تحس قديمه لكن كسعر مالها منافس الان تحصلها 28 الى29


up 2 down 1
المنطق يقول 679
قبل سنه و 5 شهر



وكل عام ونت بالف خير 
والله يعطيك العافيه على الموضوع. 

والله يعطيك خيرها ويصرف عنك شرها والله يهنيك فيها 




up 1 down 0



يعطيك العافيه على التجربة  إستفدت من موضوعك كثير


up 1 down 0
..wolf.. 44
قبل سنه و 5 شهر



انا استاجرتها من االمطار بالرياض وقعدت معي تقريبا 4 ايام الصراحة مقارنة بأخواتها من فئتها هي الاكبر والاوسع والابرد تكييف والعزم ممتاز.

ويعطيك العافية على نشر تجربتك.


up 1 down 0
بوحمد4445 76
قبل سنه و 5 شهر



معي 2015 لها اكثر من سنه ونصف وماشيه حدود الـ 80 ألف
المميزات وسيعه من الداخل مقارنه بفئتها ومكيف لا يعلى عليه وصرفيتها ممتازه
العيوب شكلها الداخلي والخارجي ماهي انسيابيه وتتاثر بالهواء في السرعه او الهواء الشديد
سافرتعليها مرتين 350 ك ( الرياض - الشرقيه ) وباقي الاستخدام داخل المدينه
+1 لايك للجميع


up 1 down 1
هاتف1 142
قبل سنه و 5 شهر



الصدق حلوه اقتصاديه ومريحه ويكفي نيسان

بس شكلها غبي غبي الشكل القديم احلى اشوف


up 2 down 0
aboahmed2014 765
قبل سنه و 5 شهر



يا اخوان الصني وش صناعة المكينة والقير ؟ هل صناعة يابانية وتجميع هندي او كلها تتصنع في الهند تحت اشراف نيسان


up 0 down 0
khalid24 58
قبل سنه و 4 شهر