أضف سؤال أو موضوع جديد          

مشكلة التيما 2009 vs التيما 2011 تحديث 1

up 5 down 5
احمد 170 292
قبل سنه و 2 شهر



السلام عليكم
عندي مشكلتين بالسيارتين مالقيت لها حل
اول مشكلة في الالتيما 2009 اذا كتمت  الدعسه فجأه لااخر شي تطفي السيارة وكل ماشغلتها تطفي واضطر انتظر ٣ دقايق
وبعدها تشتغل واحيانا من اول دقه سلف تشتغل لاحظت
ريحه بنزين وقت ماتطفي واحاول اشغلها
المشكلة الثانيه في الـ2011 
اذا وقفت ربع ساعه الحراره توصل النصف والمكيف يفصل
مع العلم الحراره  تكون ثابته على النصف وعند المشي تنزل الحراره وترجع طبيعيه و المكيف يبرد
شيكت على المراوح  سليمه الرديتر فل وللاحتياط
غيرت المويه بحكم اني مااستخدمها كثير 
ولا زالت المشكلة موجودة




ويعطيكم العافية







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الاولى شيك على الطرمبة حق البنزين والكويلات والبخاخات
الثانية شيك على بلف الحراره وقوه شفط مراوح التبريد لانه
المراوح درجات ممكن تكون شغاله ضعيف وماتشفط كويس عسانةتبرد


up 2 down 0
mohammed8989 238
قبل سنه و 2 شهر



المراوح قويه وتاكدت من السرعتين شغاله مضبوط


up 0 down 0
احمد 170 292
قبل سنه و 2 شهر



على مسؤولتي المشكله عندك من حساس الحراره تبع المراوح اللي يعطي أمر للمراوح انها تشتغل عند درجه حراره معينه أكيد فيه خلل المراوح شغاله لكن تتأخر
لأن قراءة الحساس خطأ ومع المشي السياره ما تحتاج مراوح للتبريد فترجع الحراره طبيعيه
ما يحضرني أسم الحساس محلات قطع الغيار يعرفونه


up 1 down 0
للآجره 277
قبل سنه و 2 شهر



الـ 2009 عندك مشكله فالاحتراق والاحتراق معادلته بسيطه بنزين - هواء - شراره
اي زيادة او نقص في احد الامور الثلاث يسبب خلل فالاحتراق تقول تشم ريحة بنزين يعني البخاخ يبخ بنزين بس ما يلقى كمية هواء او شراره كافيه
شيك على البواجي والكويلات وشيك على الثروتل ونصيحتي افحص كمبيوتر عند مختص نيسان يحدد لك مكان المشكله


up 1 down 0
للآجره 277
قبل سنه و 2 شهر



عندي ملاحظه ياشباب في الـ 2011 لما اطفي المكيف
المراوح ماتطفي تاخد وقت ويكون صوتها عالي 
عكس الـ2009 مجرد مااطفي المكيف تطفي المراوح


up 0 down 0
احمد 170 292
قبل سنه و 2 شهر



عندي زيها 2010 بالنسبة للمراوح ماتطفا بسبب الحرارة مرتفعة المفروض ثابتة عالربع تطلع وتنزل شي بسيط

انا ارتفعت الحرارة عندي الى النص فجأة ماسك خط هديت ونزلت الحرارة بعدهها فضيت موية الرديتر وعبيتها موية مقطرة وشغلت السيارة ورجعت فضيتها وبعدين عبيتها موية تويوتا الحمرا وضبطت الحرارة معد ارتفعت

مروحة الالتيما فيها سرعتين او ثلاث وتشتغل دايما اذا شغلت المكيف والجو حار واذا الجو معتدل ماتشتغل مع المكيف

وبالنسبة للمروحة مع الحرارة تشتغل اذا طلعت الحرارة فوق الربع شي بسيط واول ماتنزل تطفى على طول


up 0 down 0
x-bariq 174
قبل سنه و 2 شهر



ال 2009 اكيد من طرمبة البنزين


up 0 down 0
ابو محمد بيشه 101
قبل سنه و 2 شهر



بالنسبة ل 2011 عندي نفس المشكلة على مكسيما بعد حادث 
المروحة ماتشتغل إلا سرعتين و الثالثة ماتشتغل 
فمجرد ماأوقف بزحمة أو إشارة ترتفع الحرارة إلى ماقبل النص و إذا مشيت نزلت للربع 
و مثل ماتفضلت أحيانا أطفي المكيف و تستمر المروحة تشتغل 
أنا المشكلة عندي من الكتاوت تبع المروحة 
شف شيك على الكتاوت و حساس المروحة طبعا الألتيما إذا ماني غلطان 3 سرعات للمروحة 
شيك على الأمور هذي إذا كانت سليمة احتمال يكون الرديتر فيه مشكلة و لا الطرمبة 


up 0 down 0
أبو راشد 33 899
قبل سنه و 2 شهر



ال2011 بودي وكاله وماتعرضت لااي حوادث نهائيا
هاليومين استخدمتها بشكل مكثف
لاحظت شي غريب الحراره ترتفع مع الوقوف في الظهر فقط
واذا مشيت حتى لو ١٠ امتار تنزل ويبرد المكيف
في الليل والعصر مافي اي مشكلة حتى مع الوقوف
لو قلنا المرواح بس المراوح قويه لكن لاحظت انها ماتفصل
وتشتغل زي الـ2009
السيارة بتلحس مخي ):


up 0 down 0
احمد 170 292
قبل سنه و 2 شهر



شيك على :
- الاديتر : يمكن فيه تهريب او انسداد ويمكن يحتاج تسييخ او تغيير بواحد جديد - وسعره جديد للاوتوماتيك حول 1100 ريال اصلي وفيه تجاري بـ 200 ريال .
- بلف الحرارة : يمكن انه قديم عندك ومتآكل ويحتاج تغيير - سعره 40 ريال ويغيره لك بـ 50 ريال
- ليات الاديتر : شيك على ليات الاديتر يمكن يكون واحد منها مشقوق او مخروم ويهرب موية .
- غطاء الاديتر : يمكن انه يكون قديم ويحتاج تغيير .
- البخاخات : شيك على البخاخات يمكن انها مسدودة او مكربنه ويمكن تحتاج تصفيه مكينة او تنظيف بخاخات بمحلول بخاخات او فك وتنظيف .
- البواجي : شيك على البواجي يمكن انها منتهيه عندك وتحتاج تغيير - وكل 25 الف لازم تغير لها بواجي .
- بوابة الهواء الثروتل : شيك على بوابة الهواء يمكن انها مكربنه عندك وتحتاج تنظيف

بالمختصر :
شيك على الاديتر عند حقين الاديترات بالصناعية + المراوح عند كهربائي
وسو لها تصفية مكينة : تغيير بواجي + تنظيف بخاخات + تنظيف الثروتل بوابة الهواء + فلتر هواء جديد + فلتر مكيف جديد .

وارتفاع الحرارة المفروض انها ما تتعدى الربع للالتيما ..
واذا ارتفعت الى النصف وترجع تنزل اذا مشيت اعرف ان المشكلة عندك بالاديتر يكون مسدود وما ينزل الموية للمكينة + بلف الحرارة ويحتاج تسييخ للاديتر او تغيير مع بلف الحرارة .

شاهد هنا :

https://www.youtube.com/watch?v=4CPqhyaUFQU

https://www.youtube.com/watch?v=9zQ5re63Wf4

https://www.youtube.com/watch?v=ioBRj3wiiW0

https://www.youtube.com/watch?v=TkdRESwRhV4

https://www.youtube.com/watch?v=YWxDygrOYTs




up 0 down 0
.. عبدالإله .. 417
قبل سنه و 2 شهر



تم حل مشكلة الالتيما 2009 وطلعت من  دعسة البنزين
وتم تغييرها بـ550 شامل القطعة والبرمجة


up 0 down 0
احمد 170 292
قبل سنه و 2 شهر