أضف سؤال أو موضوع جديد          

المروحة تعمل دائما وصوتها عالي

up 2 down 0
s00r 46
قبل سنه و 5 شهر



السلام عليكم
خويي معه جيب باترول 2016 ولاحظنا من قبل رمضان ارتفاع صوت المراوح خصوصا اول مايمشي بعدين تفصل
واحيانا حتى وهو يمشي 100 او 90 ايضا تعمل المراوح بصوت عالي

هل ووضعها طبيعي خصوصا في فصل الصيف
او تتوقعون عنده مشكلة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يمكن من الحساس حق المروحه


up 1 down 0
faisal0 0 236
قبل سنه و 5 شهر



طبيعي ياغالي بس وانت ماشي 90غريبه تشتغل وش الحكمة 
عالعموم حاول تتاكد من الموية حقت الرديتر والقربة لو في نقص مافي نثص ان شاء الله مافيها اي شئ


up 1 down 0
احمد شريف 3198
قبل سنه و 5 شهر



 تأكد من المراوح لانها تشتغل على سرعتين 
اذا السرعه البطيئه طافيه يصير كل شغلها على العاليه 


up 1 down 0
nader21 34
قبل سنه و 5 شهر



2016 جديد تحت الضمان على الوكاله تحل المشكله


up 1 down 0
امير الاصيل 1678
قبل سنه و 5 شهر



وكذالك عندي نفس المشكله المروحه اعلا درجه اكسبديشن ٢٠١٦
مدري فيها عطل او نضامها كذا


up 1 down 0
abo adeep -57
قبل سنه و 5 شهر



الله يعطيكم العافية

وكل عام وانتم بخير


up 0 down 0
s00r 46
قبل سنه و 5 شهر



وضعها طبيعي دامها تفصل وجرب السياره وقت الفجر والجو بارد شفها تشتغل علطول وعند السرعه 90 تشتغل بعد وقت الفجر او لا


up 1 down 0
Pro rare 451
قبل سنه و 5 شهر



أعتقد وضعها طبيعي الدنيا صيف و حر 
بالنسبة لأبو أديب الاكسيبدشن الجديد كله كذا عشان تبريد التيربو 


up 1 down 0
أبو راشد 33 917
قبل سنه و 5 شهر



تأكد من كمية ماء الرديتر والقربه لو فيه نقص تجد المروحه صوتها عالي ليش?? حساس المروحه يقرأ درجة حرارة ماء الرديتر فيجد نقص يقوم بتشغيل المروحه على السرعه العاليه لتعويض نقص الماء بالتبريد كحل مؤقت لو طولت على وضع كذا المروحه تنحرق لانها على طول شغاله أو الماء ينقص ويضرب رأس المكينه ..حدثت معي بباترول فتك 2008وطلع تهريب ماء وتم حله بعد مابهذاني. . سيارتك جديده اعرضها على الوكيل لاتخلي الورش تلعب فيها .الرد فصحى على عاميه... إن شاء الله وفقت بالرد


up 1 down 0
راضي بقربك 29
قبل سنه و 5 شهر



يا ان كلتش المروحة خربان او يحتاج برمجة 



up 1 down 0
32
قبل سنه و 5 شهر



مثل ماقالو الشباب طبيعي حر شديد


up 1 down 0
النمر606 105
قبل سنه و 5 شهر



شف هي ان المروحه تشتغل باعلى درجه خاصه بوقت الشمس عادي وطبيعي

بس ان سالفه تمشي ٩٠ او ١٠٠ تشتغل اول مره اسمع فيها

ع العموم كل السيارات تشتغل مراوحها باعلى درجه فوق ٣٥ درجه وعلى حسب درجه تبريد الماء داخل المكينه والمكيف بعض الاحيان حتى بالليل تشوفها على درجه عاديه اثناء الوقوف او الدعس ولا جاي من مشوار تشتغل بسرعه عاليه مع المكيف وتنزل للدرجه اللي تحتها لحالها شي طبيعي


up 1 down 0
7amood1930 303
قبل سنه و 5 شهر



موديل 2016 جديد ماشاء الله تبارك الله 
لكن ما قالوا الاخوان افحص ماء الردايتر والقربة الاضافية 
لاني اول مره اسمع ان المراوح تشتغل والسيارة تمشي خصوصاً 
انها سرعة كافيه لانها تبرد على المكينة والرديتر بشكل كافي جداً 


up 1 down 0
nasser1430 859
قبل سنه و 5 شهر



للفائدة

كانت معي لومينا قبل سنوات ولاحظت ان المروحة تشتغل اذا وقفت وتطول وتفصل اذا تحركت وكنت بسفر ووقفت عند احد المحطات وحصلت ماء الرديتر ناقص ..
هذا أحد الأسباب.


up 1 down 0
fsam 217
قبل سنه و 5 شهر



افحص كمبيوتر عند فني ملم فيه وراح تجد ايش المشكلة الاساسيه ، موضروري تكون المراوح عطلانه فربما هناك شي ثاني عطلان او لايعمل صح او فعلاً الاديتر ناقص وهنا الكمبيوتر اعطى اشارة بتشغيل المراوح تعويض حتى لا تنظر المكينه .


up 1 down 1
ابو لؤي2017 54
قبل سنه و 5 شهر



صوت المروحة طبيعي بس دفعه ال 2016 بعضهم يراجعون الوكاله به غيرو كلتش المروحة او يسوون له برمجة


up 1 down 0
بريق الرياض 262
قبل سنه و 5 شهر