مشكلة في الهوبات

وعليكم السلام
شوف اذا الخدوش سطحية وبسيطة اخرط الهوبات وماعليك
الا العافية
اما اذا الخدوش عميقة ومحفر الهوب انصحك تغيره واصلي كمان
وابعد عن التحاري ترا فرامل ماينلعب فيه لاسمح الله تركب تجاري وينكسر
عليك ويحصل مالايحمد عقباه
الافضل اصلي جديد او خذ اصلي من التشليح

عليك السلام والله الخرط ماهو مكتوب بكتالوج السيارة مدري مين مخترعه الخرط ينحف الهوب واحتمال مع الحراره ينكسر واحتمال مكاين الخرط ماتوزن الخرط كويس واحتمال يصير فيه ميله وترج السيارة بالعربي خطيررر الافضل التغيير بس دام ماحد اعطاك هديت العيد اخرطها لين يرزقك ربي وغير الاربع اصلي عاد الاسعار صلخ امزح مدري والله عن الاسعار 

بس على ماعتقد انه خدوش سطحية
مستحيل يكون تضرر الهوب كثير لانك مامشيت عليه واجد
حسب كلامك
ف اشتري فحمات جديدة واخرط الهوبات وتوكل على الله

وعليكم السلام


ياغالي باختصار

غير الفحمات اصلية اصلية اصلية

وامورك طيبة ان شاءالله 

الهوب مايضره الخرط اول مره ولاثاني مره لكن فالثالثه عاد حاول تغير الهوب
والافضل تغير الفحمات قبل ماتستهلك بنسبة 100% حتي يدوم معك الهوب لفتره اطول

ان شاء الله الخرط بيجيب نتيجة وبتضبط معك وما انصحك تركب تجاري لانه يسوي لك مشاكل منها الصوت

بيض الله وجيهكم +1 للجميع

بإمكانك تستغني عن الخرط بطريقه يحاول 99% من سباكين الصناعيه انك ماتعرفها ؟؟؟

السبب ان الخرط يجيب لهم سعر مابين 60 الى 100 ريال .. غير انه يعدم الهوب بعد فتره فهم مستفيدين منك مستقبلا لانك راح تركب جديد ثم تخرطه وتخربه وتركب جديد وتخرط ويخرب وعلى هالسيره

لكن هالطريقه ذي بالعادة مجانا واذا زادت حدها 20 ريال وغير كذا ماتأثر ولاتنقص على العمر الافتراضي للهوبات .. الطريقه هي جبلك ورقه صنفره وخله يصنفر الهوب ويرش عليه بنزين او بخاخ تلميع ثم يركب الفحمات (( الاصليه )) وبإذن الله امورك بالسليم

اخرط الهوبات وامورك زينة ان شاء الله
الخرط اول مرتين او ثلاث ما يضر طالما الهوب فيه سماكه ويتحمل خرط

مايحتاج تخرط الفحمات الجديدة بتساوي سطح الهوب وبتروح الشموخ

الهوب ما ينخرط الا اذا فيه رجه اذا مسكت بريك 

فيه ناس يخرط دايم اذا غير بيركات وهذا غلط 

المصنع حاط قطر وسمك محدد للهوب عشان يشتت الحراره 

وما يحمى بسرعة بس اذا خرطت انت تقلل سمك الهوب وتسبب مشاكل

اكثر بعد فتره . 

للعلم ممكن يطلع لك صوت تصفير ااذا غيرت الفحمات مع مسك الفرامل

لاكن طبيعي ومع الوقت يروح يعني اذا بتدت الفحمه تتشكل على سطح الهوب

ياعزيزي اسال صاحب الورشه اذا ينفع فيها الخرط ولا لا
اذا ينفع اخرط وتوكل على الله
ونصيحه ركب فحمات اصلي اصلي اصلي غير كذا بتتعب
ما تجلس معك 6 شهور وتجلس تصفر

^^^

على بالك ان راعي الورشه بيرفض اذا قلت له بخرط ههههههههههه

يارجل تلقاه سباك ماكمل ولا تعليمه الابتدائي وهمه الاول والاخير يسحب الفلوس منك بأي طريقه

الخرط غلط اساسا وازيد على كلام الاخ نواف الحربي انه ممكن يحرق نظام الاي بي اس بأكمله والسبب ؟ ان مكاين الخرط غير دقيقه فممكن تخرط هوب اكثر من الثاني وراح يكون فيه اختلاف بقوة الفرمله خصوصا لا صار كفر يمسك 70 % والثاني 30

ورب الكعبه اعرف ناس بالجنوب خرطو هوبات جيب لاندكروزر وبعد اسبوع مسكو خط العقبه وتكسرت عليهم الهوبات والفرامل صار مايمسك وطاحو من فوق الجبل وتوفو 5 اشخاص الله يرحمهم جميعا وبسكنهم فسيح جناته

ياعزيزي الاخ يقولك ما معه حق هوبات
افضل يخرط ويستودع نفسه على الذي لا تضيع ودائعه
الله سبحانه
اما اذا يقدر يركب هوبات يركبها وكاله
وللمعلوميه سياره وزنها ثقيل وهوب معدوم النصيحه تغير الهوب جديد

جزاكم الله خير تم تغيير الهوبات والفحمات.. الهوبات اتعدمت ما ينفع معاها خرط..