أضف سؤال أو موضوع جديد          

هل الألتيما تتحمل الخطوط

up 5 down 1
أبوإبراهيــم 78
قبل سنه و شهر



السلام عليكم ورحمة الله وبركاته 
مساكم الله بالخير جميعاً ..

يا اخوان أنا أفكر جديا في شراء الألتيما من 2015 وفوق

هل هي تتحمل كثرة الخطوط ؟ وهل السيارة عمرها طويل اذا كان استخدامي كويس؟
لأني كل يوم راح امشي فيها تقريبا 150 كيلو 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما انصحك فيها. سيارة. ورش وكثيرة الاعطال وقيرها يسخن ويفصل مع الخط وكلامي عن تجربة. بالصيف ماتقدر. تسافر الا بالليل. ويجونك اصحاب الالتيماء الحين يعطوني دس لايك. زي كل مرة. ولعلمك. انا استخدمت. 2005و2010 . ماتنفع. ميزتها ماتصرف بنزين ومكيفها ثلج.


up 10 down 26
ابومزعل 338
قبل سنه و شهر



تحسن قير CVT من ٢٠١٣ و ان كان في استدعاء لتغيير القير
او البرمجه على الضمان لطرازات الست سلندر

مشوارك بسيط رايج جاي ١٥٠ اي سيارة تنفع
انا معي التيما قير عادي اشتريتها ب٢٠ موديل ٢٠١٠
و ممتازة للخط ثبات راحة مكيف مواصفات ممتازة على استاندر

كان معي مثلها جديدة نفس الموديل قير CVT ضرب علي على ممشى ٢٢٠ الف
لاسباب مجهولة مظكن كان في تسريب لزيت القير
و كان يفصل اذا طولت على سرعة ١٦٠ و فوق يرجع ١٢٠ لعشر دقايق
هذا اللي يغث فيه و الا سيارة تكد و قطع غيارها متوفر اصلي بسعر طيب




up 10 down 1
1405-1985 1296
قبل سنه و شهر



بالنسبة للي يتفلسفونمن ال 2013 القير تغير وماصار يفصل (:
واساسا ماكان يفصل الا مع السرعات الجنونية اما المشي الطبيعي
مايفصل
بالعربي خد السياره وانت متطمن موفق خير


up 9 down 2
احمد 170 287
قبل سنه و شهر



الله يعافيكم جميعا لكن الصراحة السيارة تبقى شوي مجهولة يعني احس هي توافيق 
ممكن اطيح بشي كويس وممكن لا 
الشي الثاني اتمنى والله اشوف احد معه التيما ممشيها فوق 200 عشان نحكم صح


up 3 down 1
أبوإبراهيــم 78
قبل سنه و شهر



نصيحة يابو ابراهيم ابعد عنها. شف المتعصبين. يعطوني دسلايك. عشان تكلمت من واقع تجربة. خذلك كامري اوسوناتا. اكثر شعبية


up 2 down 8
ابومزعل 338
قبل سنه و شهر



سيارتي التيما 2009 ماشية الى الان 310 الف كيلو
نصيحة خد السياره وانت مرتاح 
تدري اهم ميزه بالسياره بالنسبه لي 
تعليق السياره والمراتب مريحه مريحه مريحه ماابالغ اذا قلت
السياره تعتبر الاريح والانعم في فئتها
من عشقي لها شريت 2011 ولا زالت معي


up 5 down 1
احمد 170 287
قبل سنه و شهر



مع صاحبي 2015 6 سلندر قير CVT كل اسبوعين تقريبا مسافر فيها من جده للمدينه واحيان يكمل الرياض ماشتكى منها بس للامانه
انا معاي سوناتا يقول الموصفات عندك احسن واكثر بس سالفة انه اشتكى من سيارته نهائيا ماعمري سمعته يشتكي بالعكس يمدحها بالخط
رساوتها ونعومتها واشوفه بالسناب احيان مصور العداد تحت 200 اعرفه يسرع الله يكفينا شر السرعه
الزبده نفسك فيها خذها ترا سياره ماعليها كلام وسالته عن القير ماشتكى منه يمشي فيه عادي وهذا والله واعلم ممكن اشتكى وفي ناس اذا
فيه بلا بسيارته احيان مايطلعه لكن عطيتك الظاهر واتمنى اني ماقصرت معك


up 7 down 1
abdulmalik14 90
قبل سنه و شهر



شف بقلك نصيحة لا تعتمد على الممشى كثير
شوف فوردي 2005 ماشي فوق 400 ونظيف حتي يوم سويت غسيل للمكينة توقعت بنزل الزيت اسود طلع لونه بني فاتح حتى البنغالي قال هاذي وكالة
كمان لا تنسى انه يتبرمج على الرقم الي تبغاه
بس اعتمد على نظافة السيارة نفسها وافحصها انت بنفسك خذ فرة في النت وتعلم كيف تفحصك جلد البلوف والشنبر والمكينة وكل شي وافحصها كمبيوتر

الالتيما مالي خبرة فيها لكن نيسان شركة كويسة ومعروفة صناعتها افضل من شركات كثير



up 0 down 1
mercy_sa 609
قبل سنه و شهر



الله يبيض وجيهكم جميعا ويجزاكم خير على الإفادة 
والظاهر لي انها سيارة كويسة لكن تبغالها واحد حريص ورجله ميب حارة


up 2 down 1
أبوإبراهيــم 78
قبل سنه و شهر



مع خوي التيما 2011 يسافر خطوط وداخل المدينة وعز النهار وماشتكى منها القير افضل من لا يكون ماشاء الله تبارك الله


up 2 down 2
ahmed-5 61
قبل سنه و شهر



الالتيما من 2013 وفوق حسنو القير وصار ما يسخن نهائيا ً
كان فيه مشاكل في قير الالتيما الست سلندر فقط ( نتعه خفيفه على السرعات المنخفظة ) واخوي معه التيما 2014 6 سلندر وفعلا كان فيه نتعه لكن عاديه المهم بعد ممشى 150 الف راح لهم وغيرو له القير مجانا جديد والحين ما شاء الله لا نتعه ولا شي
اخوي ابدا ماهو محافظ على سيارته وكارفها خطوط والحمد لله ما اشتكى من شي
انصحك تاخذ اربع سلندر اقتصاديه ومنها تطمن ما فيها مشاكل وبالتوفيق يارب للجميع


up 2 down 2
zy23j 103
قبل سنه و شهر



الله يجزاكم خير ويكتب اجركم جميها ماقصرتوا ، وبإذن الله ابستاجرها واجربها قبل


up 0 down 0
أبوإبراهيــم 78
قبل سنه و شهر



اللي مامعه التيما لايفتي من راسه او من كلام اخوياه

انا عندي من 2009 للحين ماخذها حق السفريات وماشاء الله تبارك الله ماتطلب الا زيت وبنزين وقطع استهلاكيه

القير فيه ميزه على الخطوط الطويله والسرعات العاليه تقل السرعه وتكون على 120 وماتقدر تزيد
لي يبرد القير وهذا امان للقير عشان مايخبط

زيت القير يتغير على كل 100 الف والقير بطل

والبنزين اقتصاديه

انا كنت اعبيها 95 والحين بدلت لاخضر وماشاء الله اعبيها عشره تكفييني ثلاث ايام بالرياض

وبالنسبه للخطوط الطويله ماشاء الله لاقوة الا بالله ان بغيت راحه او سرعه او عزل

حتى المسجل من نظام بوس 8 سماعات تطربك صح

عيبها الوحيد واللي اشوفه انه تغير في الموديلات الجديدة انها مننزله بالمره يعني يركب معك اثنين ثلاث

تاخذ مطب يحك بطن السياره




والنصيحه لاتاخذ مستعمل ماتدري مع من كانت حتى لو ممشاها بسيط

طق لك وكاله ووفقك الله


up 1 down 2
aboahmed2014 572
قبل سنه و شهر



ابو مزعل انت يا انك شاريها مستعمل

وكارف امها وقومات ومطارحات وتجي تسب ههههههههههه


up 1 down 1
aboahmed2014 572
قبل سنه و شهر



لا والله التعصب. انا معي اكسنت الان لها سنة الحمدلله. اطلق منها . والا التيماء. فاشلة. تزعلون. والا ماتزعلون وانا كنت من معجبيها.


up 0 down 2
ابومزعل 338
قبل سنه و شهر



احسن سيارة صنعت الالتيماء. تعبيها فل. تقعد معك سنة وماتخرب الا بعد 10سنوات.


up 0 down 2
ابومزعل 338
قبل سنه و شهر



ابو مزعل فديت راسك

شريت اكسنت ولها سنه معي

قسم بالله انها زباله

وما استخدمها الا لروحتي للعمل والرجعه فقط وباقي المشاوير على الالتيما

الاكسنت صح اقتصاديه لكن صندقه

لامسجل زي المسجلات ولا راحه فيها وتناقز ومكيفها زفت وصغيرة

وحتى ما اضمنها بالسفر على سرعات هههههههه يعني تتجاوزني تريله اطير

ريح راسك وطق لك التيما 2017 وراح تدعي لي بالزوجه الثانيه هههههههههههههه


up 0 down 1
aboahmed2014 572
قبل سنه و شهر



والله هي سيارة جميلة ومريحة وشكلها جميل ..
من ناحية قير CVT لعلمكم ان هالقير الان كل سيارات نيسان عليها هالقير من الصني حتى الباثفندر والماكسيما
وهالقير الان شركة هوندا وتويوتا بدأو يركبونه على سياراتهم لأن هذا التوجه القادم للقيور لأنه قير عملي وسلس واقتصادي بشكل كبير للبنزين
واللي يقول انه يسخن وما ادري ايش هذا للموديلات القديمة 2010 ونازل وبرضوا ما يسخن الا في اوقات اذا كان الواحد ماشي عليها 180 طول خط السفر ولا يهدي
فطبيعي يسخن ويفصل لحماية القير ..
اذا بتاخذها وممشاها اقل من 50 الف فتوكل على الله .. والافضل تستأجرها قبل وتجرب قير CVT لأن بعض الناس ما هو متعود عليه وعلى سلاسته في التغييرات ..
وميزتها انها اقتصادية بالبنزين بشكل كبير .. يعني تعبي فل 91 يجلس معك اسبوع كامل داخل الرياض او 850 كيلو بالخط للاربعة سلندر ..
والافضل تاخذ اللي عليها جنوط 17 ارسى لك على الخطوط .. وقير CVT له زيت خاص في الوكالة اسمه نيسان NS-3 يتغير كل 60 الى 70 الف كيلو مرة ..
واذا حطيت اي زيت غير هالزيت او غير هالرقم يخبط عليك القير مباشرة .. وهذا الشيء موضح في دفتر الصيانة والمالك ..
واذا بتشتري 2017 افضل برضو لأنهم عدلو فيها اشياء كثيرة ميكانيكيا ً ..
والله يرزقك ويوفقك


up 1 down 0



طبعا زيت القير اللي اسمه نيسان NS-3 هذا لموديلات 2013 وطالع
واللي من موديلات 2012 ونازل زيت اسمه نيسان NS-2
تلاقيه في الوكالة او محلات قطع الغيار .. ويتغير في الوكالة او بترومين او ون ستوب او المراكز والورش المعتمدة


up 0 down 0



شوف وانا اخوك من تجربه وابعد عن كلام البعض المتعصب السيارة شريتها 2017 قبل 6 شهور وكاله ماشية الان 63 الف
ويوميا امشي عليها من الظهران الى الجبيل المسافه 80 رايح و80 راجع يعني 160 غير مشاوير داخل البلد السيارة ممتازة
ومريحة للشخص وعائلة صغيرة راح تبهرك في التوفير المقاعد جدا مريحه في المسافات الطويله والثبات ممتاز بعد هذا كله
السيارة ماتنفع للسواقه المرجوجه او سواقة مراهقين يعني قومات وتحديات قيرها ما يتحمل هالامور لانه اقتصادي نقطة ثانية
زيتها ns3 تغيره كل 40 الف في الوكاله بس
يعني اذا انت عاقل وسواقتك عادية هادية صدقني تخدم معك وتعيش واي سياره
بتسوقها بالطريقه الخطاء قومات وتحديات مردك للورش نصيحة اخيرة جربها بنفسك واترك كلام الناس سواء التيما او غيرها
جرب السيارة بنفسك واحكم بنفسك والله يباركلك مقدما


up 1 down 1
shalsh 321 49
قبل 12 شهر