أضف سؤال أو موضوع جديد          

تجربتي مع تنظيف ثلاجة مكيف المكسيما .

up 11 down 0
n.a.1010 65
قبل 4 سنه و 8 شهر



السلام عليكم ، مساء او صباح الخير .
نبدأ الموضوع سيدة ، كنت اعاني من ضعف شديد بدفع الهواء
قلت خلني اغير فلتر المكيف ، واجيب العدة وافك الدرج واتفاجأ ان م فيه فلتر للمكيف
واقلب يمين يسار م لقيت واجيب كشاف بشوف وش المشكلة طلعت من الثلاجه مسدودة ووصخ ودنيا واقفل واروح حقين الفريونات واقول كم تنظيف الثلاجه الي يقول 500 والي يقول 700 واسالهم ليه يقولون لازم فك طبلون ونطلع الثلاجه نغسلها برا ، المهم وارجع البيت وابحث باليوتيوب والقى طريقة واطبقها .
الي تحتاجه مفك ولي ماء المهم نبدا:
تفك الدرج حق الراكب
تلقى غطا الفلتر قدامك تفكه
وتجيب لي الموية وتصب داخله وتحرك فيه بمفك لين ينظف بتلاحظ راح ينزل الماء من تحت السيارة
المهم لاتنسى تحط سفرة او كيس تحت الدرج لان يمكن ينزل ماء خفيف .
النتايج :
دفع الهواء صار قوي بشكل واضح ،
كان فيه ريحه عفن الله يكرمكم وراحت .
الحكمه الواحد لازم يعتمد على نفسه والدنيا تجارب و منها توفر فلوس .
* تنويه في صورة توضح وين تحط لي الماء لكن م تحملت . لكن الشغله بسيطه مره ولا تكلف وبالكثير تاخذ ساعه .
طبعا تحط اللي في محل الفلتر .
الموتر مكسيما 2004 .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك العافيه 

انا نظفتها قبل سنه تقريبا ب٣٠٠ ريال فك الثلاجة و غسلها وتعبئة فريون من جديد وفعلاً المكسيما من٢٠٠٠-٢٠٠٨ مافيها فلتر ،،

طبعاً كل اللي سواه فك الدرج فقط وليس الطبلون ،،


up 0 down 1
panamira 1906
قبل 4 سنه و 8 شهر



الله يعافيك وشرفت الموضوع
المكسيما نادرا تلقى احد يعرفلها ، لكن شكل الي مريتهم م عندهم سالفة قالي فك الطبلون كامل .


up 1 down 0
n.a.1010 65
قبل 4 سنه و 8 شهر



وفقك الله ممكن تعطينا اسم المقطع اللي في اليوتيوب 
نرجع له 
وتسلم على الموضوع الرائع 
ولك احلى لايك 


up 1 down 1
لا للغلاء 828
قبل 4 سنه و 8 شهر



اللومينا عندي الثلاجة وسط الطبلون

خلف المسجل ما تتنظف و هي مكانها

أضطريت أفك كامل الطبلون للتنظيف


up 0 down 0
ابو عبدالله 1398 -487
قبل 4 سنه و 8 شهر




الله يحييكم ، بعض السيارات تتنظف الثلاجه وهي مكانها وبعضها لازم تفك الطبلون
هذا الرابط :
https://youtu.be/l1bOXAO-NxM


up 0 down 0
n.a.1010 65
قبل 4 سنه و 8 شهر



الله يعطيك العافيه موضوع مفيد وفعلن كثيره 
مقاطع باليوتيوب تشرح طرق اعطال السيارات 
واصلاحها بااقل تكلفه وبنفسك تقدر تشوف المقطع 
وتطبق الطرق. 


up 0 down 0
سبحان الرازق سبحانه 2513
قبل 4 سنه و 8 شهر



الله يعافيك ونورت الموضوع . 


up 0 down 0
n.a.1010 65
قبل 4 سنه و 8 شهر



شغلك ممتاز 

بس لو تكمل جميلك وتغير مروحة المكيف بيفرق عندك دفع الهواء بشيء كبير 


up 0 down 0
شرقااااااوي 653
قبل 4 سنه و 8 شهر



حياك ي شرقاوي ، نورت ،بالنسبة للمروحه اشوفها شغالة تمام الحمدلله


up 0 down 0
n.a.1010 65
قبل 4 سنه و 8 شهر



طيب انا عندي، تهريب في الثلاجه مكسيما ٩٩ وش الحل هل انضفها وهل هي سهلة الفك والتركيب


up 0 down 0
ابو ليث 2028
قبل سنه و شهر