سؤال بخصوص مكيف السيارة

جربت تغير رديتر المكيف ؟
كان عندي احد الزملاء معاه كامري جننته كل ٦ شهو او ٩ شهور يغير كمبروسر مره وكاله مره ياباني
في الأخير طلع المشكله من رديتر المكيف
الحل نظف دورة المكيف كامله وحط زيت اصلي للكمبروسر وفريون امريكي اصلي وبإذن الله امورك في السليم

الله يعطيك العافية اخوي ع الرد
غيرت كل شي حتى الثلاجة
والحين بارد بس موذيك البرودة اللي متعود عليها مع العلم الفريون والزيت اصلي
جالست شهرين ورحت اشيك في كذا ورشة قالو الفريون تمام بس اذ انت تشوفه حار الظهر مع العلم انواخلي اخر حد قالو خلاص الكمبروسرغيرة ويضبط
واللي يقولي الضغط تمام ومدري ايش لحد ماطفشت منهم

والله اللي اشوفه ان ضغط الكمبروسر ضعيف

وترى ركبت مع واحد من اخوياي معه التيما 2009 لاحظته 
ماهو ذاك الزود

المشكلة اكثر الورش يقلون ضغطة تمام
وانامحتار ودي ارهم بس ابي احد مجرب ويقولي الفرق

يارجل رهم المرسيدس يرهمون لها الالتيما بتصعب عليهم
شوف لك كومبريسور ونيت او كامري واسأل هل يقدر يرهمونه لك واتوكل على الله افضل من الخساير السنوية ذي

اخوي نبيل يعني انت مجرب مركب كمبرسر ترهيم وحق اي،سيارة ضبط عليها مع السعر لاهنت

اي كان عندي مرسيدس ورهمت عليها حق كرسيدا مقاس 17 وبعتها وهي مثل الفريزر بس انت شوف كهربائي شاطر وقول له ابي ارهم كومبرسور لسيارتي وش اقرب شيء لها؟ حق الكامري او الونيت ممكن تحتاج قاعدة يولفها لك وانا ماشريت كومبريسور جديد رحت للتشليح وشفت لي واحد مستعمل ماذكر بكم اخذته بس يمكن ب 140 ريال هههه ووديته للكهربائي وسوى له توضيب يعني غير بعض شغلات فيه بس لزيادة الاحتياط ونظف لي الرديتر والمواصير وعبى فريون اصلي ولاعاد اشتكيت من المكيف بعتها وهي فريزر انا بنصحك وان شاء الله بيضبط معك اول شيء هل غيرت علبة الفريون؟تجي جنب رديتر المكيف دائرية وفيها مثل الساعة او العين؟ المهم هذه هي والحساس تسوي مشاكل للكومبرسور وللمعلومية الالتيما كثير يشتكون من ضعف التكييف لذا اقول لك رهم حق كامري عليها لكن تأكد ان الفريون اصلي وزيت مكيف اصلي وترى ماتفرق بينها لانها نفس الاسطوانة ممكن يضحك عليك ويحط لك صيني درجة اولى وهذا هو خراب بذاته

^^
اخوي نبيل رحت اكثر من ورشة ماحد عرف يرهم قالي واحد منهم اتاكد لي من حدمرهم لسيازته قبل وحق اي سيارة ركب له
قلت له حق مرسدس يركب ع الاتيما قالي مستحيل يختلف اتاكد لي حق اي مديل
وانااحترت منهم صراحة وبخصوص علبة الفريون نعم غيرتها كذا مرة ومرة غيرت الارديتر
وسويت تضيف كامل ونفس اللشي